聖誕舞會

繼之前去過舞蹈學校的 "校慶舞會" 之外, 尋晚係我人生中的 "第一個聖誕舞會", 哈哈......小時候幻想公主去舞會的願望終於實現了, YEAH!!! (只係欠缺了玻璃鞋、南瓜車及遲過午夜 12:00 歸家吧!)

尋晚玩得好開心, 雖然食物真的 "好麻麻" (因為預左大家掛住跳舞, 唔多食), 但係我卻有以下收獲：

1) 睇到 "有心人" 及其妹妹表演 "華爾滋"。 "有心人", 多謝你請我跳 Cha Cha 呀! 可惜我只係識兩下 "基本步", 悶親你添!!

2) 幸運的贏了現金獎利是 (中了抽獎 $100)

3) 同桌的 "師兄" 好照顧我地 E 一班 "未到家" 的小師妹, 輪流請我地跳舞, 我也出去跳了 "Cha Cha、 6 步牛仔、集體舞、 "Ma Ka Li La" - 18步" 等舞蹈, 雖然我跳得差, 不過好好玩, 又 "壯大了膽" 喔! 師兄們又肯教我野, 真的獲益良多。

4) 見識多左 (原來有 "蛇舞" 架!!) , 睇得別人跳舞多, 開始知道別人在跳著 "什麼舞" (其實我都未學晒一 D 大路的舞蹈), 最常跳的也只是 "華爾滋" 及 "探戈" 吧!

5) "意外的" 獲得 "豬腳仔" 一隻!! 昨晚舞池太多人了, 少不免有碰撞, 在跳 Cha Cha期間, 被鄰座的男士大力的踩了一腳, 結果立即 "甩皮", 昨晚回家太累, 也沒有仔細睇o下, 今早起身........嘩!!! 痛痛的, 腫了及瘀了一塊。 媽媽卻笑我 「一向也好瘀」 喎!! (激氣喔!)
















尋晚玩得好開心, 又見識多了, 寄望下次會比今次好, 不斷進步!! (但 "豬腳仔" 卻不用比今次的 "大" 啊! 太多謝了。)

舞動全球

星期四晚放工約左朋友 E 及其朋友一齊去九龍灣展貿睇 Show (舞動全球), Show 入面有世界級的跳舞賽手為我地表演, 如：世界拉丁舞冠軍Bryan Watson, 此外還有 Carman等人。
由於宣傳活動好少, 而且又無派發場刊, 因此部份賽手, 只認得其樣貌, 不知其名。此外還有香港藝人 "楊思琦" 作特別嘉賓 (正式表演之前)。

世界級的跳舞水準當然好睇啦, 只係..............
1) 遲左半個鐘開場 (部份人士開始鼓譟)
2) 無宣傳及場刊介紹 (唔知 mug 野人為我地表演, 欠投入感)
3) 外籍人士作司儀 (最失敗之處), 因為好多觀眾都係 "上年紀" 又或者 "習舞的小朋友", 根本唔明白外籍司儀的對白 (至少也該安排華裔人士作翻譯, 觀眾才會睇得投入)
4) 表演賽手唔多 (大約 6人, 再加上廣州舞蹈團 - 奪取三屆英國 "黑池" 舞蹈賽冠軍 (真係跳得好好))
5) 編排舞蹈方面有悶場, 如：用慢歌跳拉丁舞 (缺少了熱情澎湃的感覺)
6) "間場"太多, 時間太長 (賽手休息更衣時, 大會安排了低音大提琴及鋼琴唱歌表演 (英文的), 觀眾無人打拍子, 好唔投入, 令表演者好無癮, 時間亦太長了)
7) 離開時接駁巴士安排有少許混亂 (往來會場及九龍灣地鐵站)
8) 特別附送：見到 "夏蕙姨" 及 "謝偉俊"。 (飽晒, 晚餐也省回)

完 Show 時 10點幾 (幾乎11:00), 晚上歸家差不多凌晨 12:30了, 好彩星期五取假休息啫!
總括來講, 我地買 $150 票的位置也 OK, 只係如果 $80-$100 就更合理和抵睇了。

大力士

今年小妹公司 "第一次" 舉行 聖誕 Party (派對), 聽舊同事講以前的老闆出手比較闊綽, 自從我入來工作 (同時轉了新老闆), 幸福從此離我地而去了 (因為樣樣事也要睇 budget "預算" 做人)。

所以我不敢奢望派對的內容會好豐富, 只知道比往年好就滿足了 (從無到有都叫做有進步)。今次上司好好人, 因為派對將於 24號的 lunch 時舉行 (碰著我的生日), 於是上司一人 (部門只得我和佢二人) 去安排食物, 不用我費心, 佢錫我的同時, 我又點好意思坐視不理呀! (始終我也是部門的一份子)。

於是我提議負責選購飲品, 因為去惠康買會較小食店買的 "平得多", 但惠康無 $400 係唔會送貨架。星期二我就用 $100 買左：

1) 罐裝汽水 12 罐 (1 pack) (派對套裝, 內有幾款唔同口味的汽水)

2) 蘋果汁 6 盒

3) 綠茶 6 盒

4) 黑加崙子汁 6 盒

5) 紙碗 2 包

6) 膠义 及 羹 共 3包

由於公司男士唔多 (部份出差不在港), 因此我一人取著以上物件大約行左 800米回公司 (約 2圈標準球場o甘大), 好重啊! 返到公司, 全身冒汗及雙手勁酸痛。 星期三早上起身, 肩背及雙手痛得不得了, 極累 (還向媽媽撒嬌呢)!! 我想 "女子之中", 我也算係 "大力士" 了。今天手還在酸呢!

希望大家也好好享受 E 一個 "第一次的聖誕派對" 啦! 另一方面, 我賺的錢真係 "有血有汗" 架! 雖然辛苦, 但靠自己勞力得來的回報係值得驕傲的。

我愛 "被揍"?

此 "被揍" (揍放學的揍), 不同彼 "被揍" (被打) , 又可以說係 "被湊" (湊細路)!!

細個時, 媽媽總在上班之前, 將我帶去媬姆家中暫託, 然後才安心上班, 當時心內只知道 "唔捨得媽媽", 卻又不能阻止媽媽返工 (因為o甘係 "唔乖" 的扭計行為), 唯有安靜的乖乖聽媬姆話, 不會胡亂哭鬧。

終於等到升上小學了, 好o野!! 可以和媽媽、姐姐一齊返學 (因為媽媽工作地點和我學校相近), 仲記得當時我和姐姐好似 "左右門神" 的牽住媽媽的左右手 (好溫暖而安全啊!), 一轉眼, 好快就過了 6 年被媽媽湊返學放學的日子了。

升上中學, 感覺好唔習慣, 我明白要局部脫離媽媽的庇蔭, 要學識獨立, 要成長啦! 但始終 "心有不捨" (尤其是中一的時候), 可能 "女孩子" 總多黐住媽媽多一點 (俗語說的 "嗲 D")

E 一排, 碰巧我返工的時候, 也是媽媽落樓飲茶的時候, 佢總會陪我行經一段路去車站的, 有時甚至會企在車站旁, 望著我上車坐好, 才捨得離開。 當下望見佢的眼神, 我彷彿看見 "小時候" 的我 (眼中的不捨, 卻無力阻止, 只寄盼佢早些回來湊我走), 心中的 "酸" 立即一湧而上, 淚亦想緊隨而出。

媽媽, 對唔住! 出來打工o甘多年, 我從無切身處地的去為你想 - 退休後的生活該會多苦悶, 節儉的你也不捨得花錢去找娛樂。 我心內會 "好好珍惜" 你陪我在早上行的一段時間 (雖然短如 10 分鐘), 但我卻慶幸你還有健康的體魄去 "伴我走"! 我愛你!

由細至大, 我都愛被湊 (被寵) 的感覺。

預祝朋友 Z 生日快樂

聽日就係朋友 Z 的生日大日子啦, 在此預祝佢越來越靚, 身體健康!!

之前都講過朋友 Z 好錫我架, 又為我織冷帽, 又親手整左小蛋糕比我食, 攪到我個心都甜晒添, 點算好呢??

在此小妹獻醜了! 親手特製一個 "永恆" 的 「士多啤梨朱古力蛋糕」 比佢先, 仲要係 "用得" 的, 點用? 它係一個小袋子, 你當它係 "散子包" 又得, "裝鎖匙、雜物" 亦得!

1) & 2) 首先我在家自己勾織左個蛋糕身及裝飾先, 然後拍照留念 (唔同角度的)











3) & 4) 外出找 "家政店" 幫我 a) 加內裡, b) 加底布, c) 加拉鍊, 然後拍照留念 (唔同角度的)
[在此特別鳴謝媽媽尋晚幫我去家政店取小蛋糕, 因為我要返學啊!]
** 由於拉鍊似乎 "長左" 少許, 因此蛋糕糕身好似變左 "梯形" (上窄下闊) 有點 "美中不足"。











5) & 6) 送比朋友 Z 之前梗係要將 "它" 包裝得完美一點啦! 於是內裏塞滿膠袋, 外出又加一個包裝膠袋先。你睇!!! 幾似外出售賣的 "可食蛋糕"!! 然後拍照留念 (唔同角度的)












希望朋友 Z 會鍾意啦!! 此乃係 "其中一項秘密計劃"。

整定o既!!!

多謝 King King 燒比我的 mp3, 令我最近好多新歌聽, 就好似有 "農夫 + 麥玲玲" 的 "風生水起, 雖然它係一首 rap 的歌, 但係歌詞發人深省, 好攪笑架。

03. 風生水起 feat.麥玲玲
Composed By: DJ Galaxy
Lyric By: C君,6永
Keyboard By: 陳展毅 AKA DJ毅

* 玲玲出黎又睇掌啦 農夫今年又攞獎啦
睇掌睇掌睇相 (急急如律令)攞獎攞獎演唱 (俾D掌聲有請)

一命二運三風水 人有三衰六旺 我仲要衰到幾歲
究竟點解　佢出世個時含住條金鎖匙
又點解　我成間屋仲細過佢個坐廁
又點解　我次次買六合彩時中得一個字
係咪我出事　出世o係亥時

點解佢係我波士渣波子 我好多coins佢好多女仕
同人唔同命　同遮唔同柄
十九八七六五四三二 一命二運三風水
四捨五入犯太歲 六六無窮都仲咁衰
七除八扣 就九十歲

十個光頭都唔同命水 人出唱片 我出唱片
出到係頒獎典禮裡面 鏡頭唔影呢面　
觀眾睇我唔見 我地坐係側田既側面　
側面側面側過側田 點樣先做到歌星　
急急如律令 俾D掌聲有請 　

Repeat*
一命二運三風水 四積陰德五六歲
七八年後生個女 九十幾歲都仲未去
個個都唔同命水 人踢波時　我又踢波
但係點解人地踢皇馬　我就踢南華
球迷唔多想睇　我又唔多矜貴
場場都以和為貴　打和打和和過和仔
點樣先做到球星　急急如律令 俾d掌聲啦有請

睇掌睇掌睇相 (急急如律令)攞獎攞獎演唱
我地有請玲玲

我一出世就識睇梅花易數 用左廿年羅庚東南西北緊係分到
我掌又睇到　相又睇到 要rap都完全冇難度
鼻頭好有肉　內心就冇毒 眼晴水汪汪　桃花運暢旺
眉尾散　儲錢難 上唇厚重情 下唇厚比較重性

(玲玲玲玲我有野問　問下我既桃花運)
c君好男人　過幾年就結婚
(玲玲玲玲我又要問　問我老婆係乜野人)
陸永大情人　個老婆好銷魂
(師父答唔答得到　我第時做乜野好)
c君文筆好　最arm就寫稿佬
(師父賞個面丫　答我做咩至有錢)
陸永要表演　最適合做幕前
(玲玲玲玲咪走住　農夫有咩要注意)
c君多主意　陸永要做主持
羅庚最緊要睇得啱人地點樣講你都好閒

Repeat*


有些時候, 人只要努力的把握現在。 在努力過後, 如果依然得唔到, 就請放手, 別執著。 有好多事, 個天 "整定o既"。 「命裏有時終需有, 命裏無時莫強求」, 只要盡過力, 別後悔便 OK。

好得意

上週食晏太無聊了, 因為朋友 I 及 朋友 J 也放左大假出埠玩, 我食完晏無野做, 唔想坐公司, 悶悶地一個人去左 CitySuper 閒逛, 入內睇 o下 D 新產品先。

咦.................好得意呀 (顏色鮮艷又會響的)!!! 價錢也尚算合理, 好!!! 一於送比 朋友 K 的 "仔仔" 先 (新養的寵物, "朱古力色的" 玩具貴婦狗, 由於毛色太深, 望不見雙眼)。

朋友 K 當日放工立即比仔仔玩, 更衣出房後發現仔仔唔玩的, 究竟係 "無興趣" 還是 "唔識玩" 呢? 最後發現原來我 "整蠱" 左仔仔, 西瓜的造型 "太扁" 了, 仔仔在地上咬唔到, 朋友 K 將西瓜放上梳化上 (因為梳化有凹凸), 好讓仔仔用 "手仔" 夾著來玩。 仔仔, 祝你聖誕快樂喔!

飄忽

E 一 排情緒有點 "飄忽", 人也唔集中, 經常感到力不從心, 做事錯漏百出, 學習無心機 (好難集中), 思緒總飄到幾丈遠, 控制唔住。

也許係將近 聖誕節 的關係, holiday mood (節日氣氛) 一湧而上, 無心學習及工作, 連發掘題材寫 blog 也懶。

最近實行緊 "兩項秘密計劃" (其中一項重覆又重覆的重做 5、6 次之多), 等我將近計劃完成才公佈, 已經知道的朋友, 把口要 "密一點" 保守秘密喔!

突如其來的禮物

今日公司收到一間代理公司送來的聖誕禮物, 仲要係 "人人有份, 永不落空" 的。 (公司內 13人個個都有) 結果當然係 "皆大歡喜" 啦!

代理也好破費呢! 男同事收名牌子領呔 (不同款式的)、女同事收名牌子香水 (不同味道的)、另外兩名經常接觸代理的女同事收 Tiffany 首飾 (不是收香水)。 全部都係名牌貨啊呀! 代理送禮真重手。

你睇!! 我的 Bvlgari 茉莉花味香水 (有 D 唔捨得用添), 多謝晒!

意料之外

估唔到差唔多三個月無揸車的我, 尋晚第一次出院校外駕駛, 效果也唔錯, 唔算太 "騰雞", 又碰著個好人阿 Sir, 令我學習時唔太緊張, 結果比我想像的好!


尋日約左 KK 在沙田新城市廣場等, 之後食少少野才學車。 你睇!!! 商場內的聖誕樹裝飾得唔錯 (夠前衛, 卻感覺太冷), 我卻鍾情 "傳統的綠色聖誕樹", 因為 "紅紅綠綠" 才夠熱鬧, 佳節的時候, 緊係一班人熱鬧的相聚, 才倍覺開心啦。 預祝大家有一個奇妙而愉快的聖誕節!

另外, 上一次經華媽教路之後, 我勾織左 E 一條作品, 花款和華媽的作品 一樣, 而佢的顏色係 "全條純白", 我卻用上 "紫紅配黑金色", 好有 "節日氣氛"、好有型啊! (KK 吼住我的頸巾, 唔制啊!)

砵砵!!! 讓路呀, 唔該!

特別警告讀緊此文章的你, 從明日開始的週六及週日, 切勿行經沙田駕駛學院及沙田第一城一帶附近。

因為小妹將會再次學駕駛啦, 今次仲要出路面添!! 你知啦! 我往績良好 (又上壆、又幾乎在校內撞車), 如果碰見我有什麼 "頭暈身慶" 就唔好啦, 即使嚇親也要食 "驚風散"。

今次多得 KK "頂力協助" 我報課堂咋! 因為學院的課堂熱線好難打得通, 經常留言, 而且考期又飄忽, 最後我將會在明年 1 月 29日 (星期二) 早上考路試。預祝自己唔好o甘 "騰雞"、 "靈靈性性" 及 "好運"。 阿門!!! 阿彌陀佛!!!

牛牛邊爐宴

最近 "食神" 駕到, 繼尋日食左 自助午餐 同埋 愛心蛋糕 之後, 今晚約左朋友到佐敦的 "牛皇星" (牛配料出名) 打邊爐, 我地未夠 7:00 已經到左, 都 "險些" 要等位 (因為大部份人都訂位來食的), 幾巴閉!!

今次我地食左:
1) 雲南什菌湯底 (湯底清甜, 多菌食, 少許藥材味)
2) 牛肉刺身 (夠薄, 幾鮮甜, 唔覺血腥, 食完也唔覺得 "唔舒服")
3) 切片牛肉 (細) (夠林甜, 肥美, 略嫌牛味不夠濃郁)
4) 牛展 (細) (夠咬口, 好爽, 有趙頭, 食得多個口好累, 牛味不夠濃)
5) 魚雲 (夠滑, 略 "散")
6) 蘿蔔 (夠林甜, 好味)
7) 唐生菜 (一般)
8) 可樂 1 罐 (唔特別)

圖左 (1), 圖右 (2)

圖左 (3), 圖右 (4)

圖左 (5), 圖右 (6 及 7)

兩個人合共食左 $568, 抵唔抵食就見仁見智o勒! 不過下次都係去第二間試新菜 lu, 店內只得 "一格" 女廁, 有排等。

悲傷的時候想起誰

今日在網上睇到此文章, 好想同大家分享。 錦上添花好容易, 雪中送炭好難得!


悲傷的時候想起誰

一個男人，同時愛著兩個女人，他不知道自己愛她們哪個多一點。
「你遇上開心的事情，首先想到要告訴哪一個？
你首先想到她，就是愛她多一點。」

不，這不是驗證愛情的唯一方法。你悲傷的時候，你想跟哪一個一起？
你首先想到她，才是愛她多一點。

如果你開心和悲傷的時候，首先想到的，都是同一個人，那就最完美。
如果你開心和悲傷的時候，首先想到的，都不是同一個人，
我勸你應該選擇想和她共度悲傷的那一個。

人生本來是苦多於樂。你的開心，有太多人可以跟你分享，不一定要是情人。
如果日子過的快樂，自己一人也很好。
悲傷，卻不是很多人可以和你分擔。
你願意把悲傷告訴他，他才是你最想親近和珍惜的人。

倒過來說，開心的時候才想起你，悲傷的時候，就去找別人。
這種情人，太不穩健了。他並沒有把你當作可以廝守終身的人。
情人在快樂的時候，首先想到我，我當然高興。
然而，他在悲傷的時候，也願意回來我身邊。
讓我看到他的軟弱，我才會相信，我在他心目中，是很重要的。

你悲傷的時候，首先想到誰？
當你悲傷時，想起了他 當你和他搭訕時，剛開始那只是出於“欣賞”。
當他們交往一段時間後，可能會變成“喜歡”， 但也可能永遠只能停留在“欣賞”。
至於“愛”，很難說，說不定你一輩子都找不到。
有人問：你為什麼喜歡一個人？
我只能夠說出為什麼不喜歡一個人，卻說不出為什麼喜歡一個人。
喜歡一個人，是一種感覺。
不喜歡一個人，卻是事實。 事實容易解釋，感覺難以言喻。


文章好有意思, 正正道出我心中所想, 卻又不懂得表達的意思 / 感覺。總之碰上了有緣人, 就得珍惜對方, 珍惜緣份。

愛心禮物, 教我心甜!

尋日同旅行社經紀 (朋友 Z) 及其老闆、我上司一齊午餐, 午餐後朋友 Z 送了兩份愛心禮物比我 及 我上司, 就係自製的 "朱古力蛋糕", 你地睇o下幾靚:

由於自助午餐食得太飽, 我就留待夜晚返學才食小蛋糕, 味道呢..................(好 sweet 呀!!! 講緊果份心意), 好香濃的朱古力味, 蛋糕又夠鬆軟, 朋友 Z 果然係 "蛋糕高手" 呀! 好o野!!

朋友 Z, 你比 D 心機做好 D, 等我儲多 D 錢, 一齊開間蛋糕店先。朋友 Z 對我o甘好, 又整蛋糕, 之前又織冷帽比 Big Mac, 教我好感動呀! 小妹真係 "無以為報", 唯有 "就o甘算數" 啦!! (哈哈...講笑!)

** PS: 我唔捨得 "食晒" 小蛋糕, 上課時只吃了一個, 留返一個比爸爸媽媽分甘同味!!

我係 "臭妞"??

據說農村給孩子取個 "賤名" 會更易養活，根據出生月份和日期, 看看你在農村叫什麼名：

生日中的月份：
1.長 2.栓 3.大 4.來 5.狗 6.守 7.傻 8.福 9屎 10.二 11.胖 12.臭

生日日期：
1.娟 2.妮3.腿 4.娣 5.球 6.坑 7.年 8.歲 9.娃 10.毛 11.剩 12.姑 13.英14.妹 15.肥 16.霞 17.狗 18.虎 19.花 20.鳳 21.定 22.村 23.蛋 24.妞 25.木26.翠 27.愛 28.財 29.石 30.美麗 31.發

小妹係 12月 24號出世的, 豈不是 "臭妞"??? 唔制呀!! (個名好肉酸啊)

當我想起 KK = "傻愛" 的時候, 心裏不禁由衷的笑出來 ("傻" 都有人 "愛" 乎???)

而 King King = "二腿" (正常一點, 因為正常人也有兩條腿啊!)

唔知大家身邊有無人係 9 月 6號出世的呢? o甘就慘了..............

早來了的 "聖誕禮物"

今日酒店 Sales 前來公司, 送了我一份 "聖誕禮物", 係 mug 野黎架?? 各位觀眾.................












聖誕特色朱古力一盒, 往年酒店都無送來架, 唔知係唔係今年 "訂房" 數量比往年來呢? 還是轉左新 Sales, 出手比較闊綽一D 呢?

總之公司各同事大家開心 (因為有得食), 希望大家也有一個甜蜜而愉快的聖誕假期啦!

今日唔開心

話說小妹今日要見酒店 Sales (佢昨日來電預約, 說要送聖誕禮物給公司), 之後中午要和旅行社經紀及其兩位老闆、我上司一同午餐。

昨晚食完飯和朋友傾完電話, 未夠 11:00 便上床瞓了, 大約凌晨 2:00 幾, 熟睡中的我被耳邊傳來 "Vi.....Vi....." 聲嚇得 "彈醒" (Vi.....Vi..... = 有蚊警報), 我立即起身去和它 "博鬥" (最終我花左 15分鐘便將它 KO (技術性擊倒))。之後立即又倒頭大睡。

今朝媽媽推房門問我：「你唔舒服嗎? 仲唔起身返工? 快 8:00 啦」

我：「嗄.............我唔係唔舒服, 係唔記得較鬧鐘呀! 大鑊!!」 (說吧立即 "彈起身"梳洗)

去到廁所, 一照鏡, 嘩!!!!!!!!! 媽呀.................我的眼睛........... 腫了一大塊 (昨晚 "蚊" 在壯烈犧牲之前的攻擊), 當下立即什麼 mood (心情) 也沒有, 但也要快速的趕返工。 返工途上, 一邊頭 dup dup 的, 一邊用手去按摩眼睛 (希望加速血液循環, 快點消腫)。 好彩最終趕及在 9:05 到達公司!! (一額汗)

今早心情好差, 要見客才來變 "樣衰", 唉............. 好瘀皮呀!! (卻又令我回憶起小時候我也經常比蚊 "針" 雙眼的, 可能因為我雙眼的 "面積夠大")

** PS: 相片已經在 "消左少少腫才影的。

合久必婚 (分)

E 兩日, 不約而同和幾位朋友傾計, 大家也講到為何女性去到 26-33 歲的年齡, 就緊係常被身邊的人 "催婚" 的呢?

唔通未曾遇到合適的, 也因為年齡的問題, 硬將自己 "嫁出去" 嗎? o甘就會得到幸福嗎? 由於太倉猝的關係, 結左婚之後如果發現 "貨不對版", 難道就此 "忍受" 一世, 還是要離婚收場呢? 適婚又單身唔係 "罪", 別被它 (別人催你結婚) 困住自己。 送你地以下一首歌：


合久必婚 (分)

我大概未算學懂保護別人 才無名無份以致我們拖拉至今
令你未放心全程做我一世情人 彷彿還未夠相襯
大家忙 多麼漂亮理由 愛不夠 只不過是借口
憑我愛你這麼久 亦沒信心走出教堂 沒理由

為何未夠好 請聽我預告 就算跟你未遊盡花都
可給你的都會做到 並未求甚麼 唯一志願想你安好
誰能及我好 我也想知道 @(為何未結婚 我也想知道)
就算這相貌從未討好 總可當跟椅墊共老 任地厚天高

回家也都想得到擁抱
除非這感情你不希罕太易得到
明日若然你要我抱一抱
明日若無法沒遇見更好 我答應最早來到


其實在未遇到 "真命天子" 的時候 (單身), 男女雙方也應各自修行 (去改善自己的修養、品格), 這才容易揾到合適的人拍拖的。 有時候, 合得太久而分開, 係因為 "時間唔夾", 又或者 "當愛已成習慣" (一切也是理所當然, 唔識 "珍惜"), 彼此也有責任, 也該檢討, 願身邊的朋友不再 "為情而困"。

初次見面

尋晚放工去左做 "菠蘿雞" (到朋友家中 "痴" 飯食, 再去學跳舞) 今次已經係第二次到華的家, 但係卻初次見佢的媽媽, 佢的媽媽幾後生, 而且成日滿面笑容, 很好人喔!

除左靜宜媽媽以外, 我又識到一個 "編織高手" 喔 (而且仲係 "煮食能手" 添)! 勁開心! 在短短的一餐飯時間, 朋友媽 (以下稱華媽) 教識左我兩款勾織的技巧, 認真係 "又食又拎" 啊!

我媽媽教落 "禮多人不怪", 所以初次到別人家中見面, 點都不可以用 "兩梳蕉" 作見面禮。 我放工後特意去左 Citysuper 的其中一間 "曲奇店" 購買左一份 曲奇餅作見面禮, 因為個包裝實在太靚啦, 又有聖誕氣氛, 而且包裝袋又可以循環再用!

配埋華家中的聖誕樹去影相, 認真一絕, 好靚呀!

自主權

最近匯豐銀行提出新政策 - 櫃員機每次提款金額最少為 $300, 原因係令客戶縮短輪候時間。 理論真好笑!

點解我存錢入銀行, 銀行卻要 "左右" 我點樣 "駛錢" 呢? 難道我的錢不能慢慢搣, 一定要每次 "豪駛" 的嗎? 匯豐銀行將分行由二百幾間, 一時間削減至八十多間, 佢地有考慮過客戶的輪候時間嗎? 對不起, 沒有! 佢地只 "要求" 客戶去用櫃員機理財, 如今, 又再將櫃員機使用的門檻再提高。

得出的結果係.............噢!! 原來 "窮人" 不適合用 匯豐銀行的服務, 佢地只會落力為 "有錢人" 服務而已。 再者佢地亦不見得有 "增加" 櫃員機數量 (理由係地點唔適合, 又或者要考慮保安問題), 卻只自顧自的削減分行, 我的駛錢模式又要佢地去管, 相等於小市民 (窮人) 去迎合大企業的發展方向 (節省資源), 而不是匯豐銀行去因應客戶之需要去調整服務, 本末倒置, 超好笑!!!!!

大家諗o下.....你打工, 你老闆出糧比你 (儲錢入銀行), 老闆卻要 "管制住" 你點駛錢 (匯豐銀行櫃員機的最低提款額), 不可笑, 不荒謬嗎? 假如他日 "人口膨脹" (超多人), 而分行及櫃員機卻不增加, 銀行會否又以 "縮短輪候時間" 為理由, 再次提高櫃員機的最低提款額呢? 而街上的商店卻又紛紛 "拒絕接收" $500 及 $1000 紙幣 (怕假銀紙), o甘市民即使有錢也買不到o野啦, 點算好? 難道又要抗議, 要求政府介入管制嗎?

大企業不是該有 "社會責任" 嗎?