唉......「股災」

今次講的 「股災」 並唔係講緊金融股票市場的災難, 而係 E 幾年因為 "低腰褲" 的流行, 經常在街上見到各類型的 "股", 例如：優質股、重型股等等, 它們穿梭於各處各地, 如：火車車廂、商場、食店, 令人目不暇給, 部份又卻 "慘不忍睹"!

今日我在商場的食店見到兩名少女入坐, 其中一人坐下來的時候, 正好背向著我, 佢一蹲低雙膝坐下之際。 嘩!!!!!! 半個 "股" 立即呈現我眼前, 佢還要左轉右擰的郁來郁去, 有心人會覺得 "好養眼", 如果無心人睇的, 會覺得 "好 (銀) 眼"。但願天下間, 人人也學會檢討, 不要再出街常遇上 "股災"! (有傷風化, 絕不值得學習)

"德國口味" 生日會

今晚朋友 I, J 及 N 幫 我 和 朋友 E 一齊慶祝生日 (預祝), 我地去左尖東火車站附近的 King Ludwig Beerhill (德國餐廳) 食好野!

諗起德國菜, 總離不開 "啤酒、咸豬手、香腸" 等等, 好!! 就等我帶大家去我地的 "美食之旅" 啦!

圖左係我地未齊人時叫的啤酒, 一邊摸住酒杯傾計, 一邊等人, 加上柔和的燈光 同 微弱的音樂, 也頗寫意輕鬆啊。 圖右係齊人啦 (**生日快樂, 乾杯!!!) **靜靜話你知啦, 圖右係聚會尾聲才影架, 我地 D 酒量邊有 o甘勁!!! (每杯有 0.5 升 = 500 ml架)












圖左係等齊人期間的 "送啤酒小食" - "德國麵包圈" 及 "農夫包 配 芝士 及 肉肝醬" , 圖右係冷盆 "蕃茄蔬菜沙律配芝士" (份量少) 及前菜 "黑森林火腿配煙薰腸" (好似o趙緊 "腊腸", 好咸!)












圖左係主菜 "香草豬肉腸 配 薯仔沙律" 及 "脆皮肘子 (咸豬手) 配酸菜薯角", 圖右的甜品包括：蘋果餡餅、栗子茸 及 法式炖蛋












總括而言, 德國菜都係 "咸" 和 "酸醃食物" 較多, 所以幾口乾, 因此 "啤酒" 確係不知不覺的解渴良品。 德國麵包圈外型好吸引, 味道唔錯 (由於粗鹽分佈不均勻, 部份略咸) $20/ 圈。 冷盆及前菜麻麻地 (無下次)。 主菜幾好 (尤其是出名的豬手) 體積無我在德國當地食的o甘大份, 大約係當地的 1/3 左右, 因此 5 個女仔都食得晒。 甜品唔錯啊, 尤其係法式炖蛋。

整體上, 餐廳走中上價路線, 我地一行五人食左共 $860 元, o甘多位姊妹, 多謝晒! 唔知下次又帶我去邊度見識, 食 D mug o野國籍的菜式呢? 萬二分期待啊!

可能因為今晚係星期五, 餐廳好多人 (好多外籍及白領人士), 有興趣試菜的話, 最好事前訂位留坐, 多謝朋友 I 的好介紹及細心安排, Thanks!

可一不可再

尋晚同友人傾計, 談到佢的朋友嘗試在佢的口中套取前男友的近況 (因為我的友人同佢的前男友比較熟絡), 友人說有時候感到好尷尬, 手掌又係肉, 手背又係肉, 唔知幫唔幫佢朋友好, 講出佢前男友消息又好像出賣了他一樣。

其實友人的朋友 (該女子) 也未免 "太執著"了! 即使知前男友活得比以前好, 她有可能唔甘心, 因而不快。 活得比以前差呢! 又替佢可憐, 又感到 "抵佢" (覺得佢係 "活該")。 其實都已經分開左, 好多事也該告一段落, 如果常追問著對方的近況 (還熱心的去關心佢), 當初又何必要分開呢? 實情係 "未放得低"。

即使機緣巧合, 將當初和平分手的男女安排重逢, 佢地亦未必會愛火重燃。 因為好多人、事、情懷都係 「可一不可再」 的。 至少隨著年紀的增長, 你對事物的睇法已經有不同, 你的愛情觀會不同, 你對伴侶的要求亦會轉變。

分開......就得 "灑脫" 一點, 別被前事纏繞你一輩子, 讓你的人生永遠停留於此, 不得前進。 為了那一點兒的 "執著", 而困住自己的人生, 不值得!

你需要, 故我在

人類係群體生物, 自少我地受保護在父母的懷抱內, 佢地教導我地做人的道理, 令我地融入社會。

人大了, 再也不似兒童的 "自我中心", 學懂為身邊的人設想, 照顧他人, 慢慢的我地感受到 「自我價值」 的肯定, 身邊的朋友會因為你的貼心照顧而喜歡和你一起, 家人也喜歡和包容的你去分享一切喜與悲。

原來.......自我價值的肯定, 不在於我 "付出多少", 而係在於 "你感受得到多少" (我為你付出的心意)。 因此 「你需要, 故我在」, 你 (尤其是我的父母) 令我覺得我有 "被需要" 的感覺, 而我也願意放開我的臂膀去保護你, 讓你有溫暖的安全感。

夢想

記得小學時, 作文題目成日有 "我的志願"。 其實諗返轉頭, 都幾好笑架, 因為當時年紀少, 眼光窄, 邊識得晒o甘多工種呀? 於是乎：教師、消防員、警察、郵差等等就變成志願了。 換轉而家, 可能會寫：補習天王、股神、明星、模特兒等等。

中學時志願係可以隨處去旅行, 不受家人管制 (始終青少年也響往不覊自由的生活), 若果可以放洋留學更好了, 一來可以脫離家人, 學習獨立, 二來可以增多識廣, 奈何天資有限, 怨不得人!

出來社會做事最想揾個好老闆, 卻因為 "傻頭傻腦, 處處碰釘", 尤其是不懂得保護自己, 太容易信任別人, 往往被包裝得像 "好人" 的人利用也不知。

年青人尋 "夢想", 往往比較積極, 有衝勁, 因為佢地有青春、魄力, 而且家庭負擔少, 自然能夠放膽一點去 "博"。 人到中年的時候, 畢竟未必 "輸得起" 那積少成多的積蓄, 始終也趨向 "保守" 的策略。 就正如我地的 "強積金" 策略一樣。

"夢想" 也許是 "發夢才有得想" (因為要達到 / 完成它係好困難), 而 "理想" 或者比較可行一點的。

曳之過

星期六早上, "鼻敏感" 突然的到訪, 迫住要食藥, 才可返學。 課堂上, 鼻水依然長流, 難得老師體諒, 我就 "求求其其, 渾渾噩噩" 的捱過一堂, 晚飯後未夠 9:00 便上床休息了。

星期日一早起床, 咦............好似好返少少喎! 而且我地一早約好了 "減壓申訴日", 一於有理無理, 玩左一日才算。 可能在戶外吹吹風, 加上可能受到 "蓬瀛仙館" 的香燭味影響下, 該晚開始喉嚨乾痛, 眼痕及鼻水長流。

星期一起床, 噢..........個頭超痛, 感到入面的鼻膜 "腫晒" (阻礙呼吸), 雙眼又痕又腫, 仲不由自住的流眼水添, 把聲又變左。 以 E 一個 "異形" 樣, 出街一定驚親人, 唯有請假, 休息一天。 醫生也開了 14 日的特效藥比我, 等我的鼻膜快點消腫, 呼吸暢順一點。

唉!!!! 說到尾, 也是 "曳之過", 感到不適, 該在家好好休息, 我卻 "心太野" (不甘心放假留在家, 無得去玩), 怪不得人, 只怪自己!!!

快樂的散心

由於 KK、媽媽和我本週也各有各壓力, 因此今早係我地約定的 "減壓申訴日" (爸今天自己有節目), 我地的行程如下：

飲早茶、回家煲湯、中午到粉嶺 蓬瀛仙館 食齋、粉嶺閒逛、回家小休、KK 外出探病、我及媽晚飯

可能係因為大家除左飲早茶外, 好耐無一齊食齋, 而蓬瀛仙館的員工服務好殷勤 (相比起平日飲茶 "視而不見" 的侍應生好得多), 我地 Order 左一份 "二人餐" ($105) + "齋滷味" ($30), 白飯、白粥任裝 (自助), 埋單也只係 $135, 比起外面商店食齋便宜得多。

二人餐有：羅漢齋上素、菠蘿生根球 (扮生炒骨)、春卷拼腐皮卷、白飯、白粥任裝 (自助), 碟頭也不少, 我地三個人都食唔晒 "二人餐"+ "齋滷味", 不過就每人食左 5-6 碗 陳皮白粥, 清腸胃, 又好味!

























睇o下, 連 KK 和媽媽也大讚好味喔!
















遊人主要到來拜祭先人、食齋、拜太歲, 不過地方不大, 又加上修葺部份地方, 所以食完齋, 遊覽左一陣子 (十五分鐘左右) 便離開了。 如果大家有興趣食齋, 只要在上午 11:00 至 下午 5:00 到來 Walk In (不需預約, 如果團隊前來, 需要預約), 然後用餐牌點菜 (跟大嶼山每位計的有所不同)。

雖然只係短短幾小時的散心, 不過我地也好滿足、好開心呀! 因為我地彼此的心內學懂了 "珍惜", 珍惜三人一起共處的時光, 亦有幸大家仍有健康的體魄前來食齋。 你地都試一下啦, 就在粉嶺火車站側, 好近咋!

為 KK 鼓舞

KK 大婚之後, 就立刻接到一項新的任務, 就係友人要到醫院做一項大手術。


KK 每日放工後便要醫院公司兩邊走, 整個星期也未停過。 雖然我地一家人知道佢好 "甘心情願, 默默無聲" 的在履行其角色的責任, 但我地實在很想支持佢, 想分擔佢的壓力。 奈何友人和我地不太熟絡, 而且因為動手術也不留頭髮, 為免彼此尷尬 (怕傷害對方自尊), 因此我地只在友人出院後隱定下來才探訪。


今日早上和 KK、媽媽一齊飲早茶, 之後去左街市買材料煲湯, 煲 mug 湯? 比你睇o下啦, 好好味架! (花生木瓜雞腳湯, 夠滋潤, 又有膠質, 有助傷口癒合)


KK, 媽媽也說你是乖女, 我地真係好支持你, 最難得的係你公司出現 "煩人" 和友人入醫院, 你也可以燦爛的笑容去面對, 好堅強啊! 請繼續加油, 我會隨時候命的去支持你, 「我以你為榮」

男性天生自私霸道?

早幾日在 am730 施永青的專欄中, 睇到一段文章, 內容寫實, 卻教人反思, 說明的係 "男女唔平等" 的原因：

女性除了在體力上比不上男性外, 其他方面皆不比男性差, 社會亦漸漸改變, 需要勞力的工種少之又少 (只得地盤的工作居多), 因此變得女性比男性客易揾工作, 在傳統上 "男主外, 女主內" 的家庭關係受到了衝擊。

施先生用了科學的角度去剖析了 "男和女" 的最大分辨, 令大家明白 "男性天生自私霸道" 可能有其道理的。

從前好多單細胞生物, 佢地並無性別之分, 只靠自己的細胞分裂去繁殖下一代, 一旦遭逢環境變遷, E 一 D 的單細胞生物容易被一舉殲滅, 無一幸免。 於是生物改變了自我的繁殖方式, 變成與別的細胞結合, 交換基因, 產生不一樣的後代, 即使遇著環境轉變, "死剩種" 的機會亦大大提高。

生物為了使細胞有更高的延續機會, 發展出兩種策略, 一種係為後代儲備養料 (卵子), 而另一種便是增添自己找到結合對象的策略 (精子)。

由於卵子儲存的養份多, 存活機會大, 但體積也較大, 製造成本高, 而產量少, 有著偉大的天性及任務。 而精子只需儲存基因密碼及自身活動所需能量, 生產成本低而量多。精子由於個子小, 活動能力強, 因此可以主動的去找對象結合, 不似卵子個子大, 只能等待結合的對象。

由此可見, 女性與生俱來便會為後代著想, 不惜放棄四出找對象的機會, 而男性天生比較自私和霸道, 他們的積極性只表現在四處傳播基因以排斥競爭對手, 對自己的後代, 有時也 "闊佬懶理"。

男女要平等? 睇來還需要漫長的時候去磨合, 才能重新定位。(尤其是在中國人的傳統 "重男輕女" 上)

領悟

人生係從錯誤中學習, 經歷多次失敗中成長的。 在成長的過程裏, 你和我都從 "失敗" 當中有所得著, 領悟到一些道理。

同你地分享以下 E 一首歌, 希望大家能夠 "投入一些事的過程, 盡力去做, 即使最後失敗, 也應該滿足於自己曾經奮鬥過, 從失敗中檢討、學習, 繼續面對人生"。

領悟 (主唱：辛曉琪)
作詞：李宗盛　作曲：李宗盛　編曲：Jenny Chin/Mac Chew

我以為我會哭　但是我沒有
我只是怔怔望著你的腳步　給你我最後的祝福
這何嘗不是一種領悟　讓我把自己看清楚雖
然那無愛的痛苦　將日夜夜在我靈魂最深處

＊我以為我會報復　但是我沒有　
當我看到我深愛過的男人　竟然像孩子一樣無助　
這何嘗不是一領悟　讓你把自己看清楚　
被愛是奢侈的幸福　可惜你從來不在乎

＃啊！一段感情就此結束　啊！一顆心眼看要荒蕪　
我們的愛若是錯誤　願你我沒有白白受苦　
若曾真心真意付出　就應該滿足

△啊！多麼痛的領悟　你曾是我的全部
只是我回首來時路的每一步　都走的好孤獨　
啊！多麼痛的領悟　你曾是我的全部　
只願你掙脫情的枷鎖　愛的束縛　任意追逐　別再為愛受苦

Repeat ＊,＃

啊！多麼痛的領悟　你曾是我的全部
只是我回首來時路的每一步　都走的好孤獨
啊！多麼痛的領悟　你曾是我的全部
只願你掙脫情的枷鎖　愛的束縛　任意追逐

Repeat △