最近我有幾個歪理, 如下：
我的囝囝最近幫 "佢" 改左一個 花名, 叫做「囝囝」。在「囝囝」的眼中, 我必定係只視 "佢" 為 「鍾無艷」(總係有事請求時, 才揾佢幫忙) 的衰人吧!
"佢" 係哥哥借我作後備用途的, 平時好日我都唔會郁 "佢", 除非有人 "霸佔" 家中的電腦 兼 用得太久啦, 否則 "佢" 總是不見天日 (躲在電腦袋中)。
最近終於要 "請佢出山" 到圖書館揾資料, 點知"佢" 突然的耍起脾氣來, 攪到我大失預算, 好唔容易的請 "黑俠王子" 擺平了問題, 為表我的誠意, 我特意越區 "接佢返屋企", 還向人稱：「我要揍囝囝返屋企呀!!」
*******************************************************************
讀書的真諦讀書進修對部份人來講, 係增進知識, 對某 D 人來講, 卻係：「為考試而考試, 我只求一張沙紙!」 坦白講, 資質有限 又 愛 "走精面" 的我 係 屬於後者。 所以我好羨慕 同 尊敬 前者的朋友。
雖然如此, 但我並不感到特別的羞愧, 因為：
我只是 "目標為本" 吧, 一旦鎖定了 "目標", 就 "堅毅" 的向前衝 (縱使走得慢, 卻從不退縮), 就這一份堅定的信念, 即使感到資質有限, 也 "禁不住" 要加自己 兩分 吧!!
哈哈...........
***********************************************************************
奇聞號外
某次同朋友傾談, 串完對方之後被問到：「你是否唔想活著過年?」
於是貪玩的我就 "將計就計" 的繼續 玩o野, 我：「嗄.......(一臉無辜的樣子), 我都唔明你講咩?」
朋友：「你咪扮o野啦!」
我 (繼續無聊地扮傻)：「人地只係 小 BB 囡黎架咋, 唔知你講咩o野? 你唔好嚇我呀, 我會好驚架!」
朋友 (無我o甘好氣, 但又唔忿我扮晒天真)：「嗱......你記得你話自己係 BB 囡, D BB 只係飲奶架咋, 以後但凡碰上了什麼 日本菜, 意大利菜等美食, 通通都無你份。」
我 (心諗：你真係夠 "毒", 竟然戳正我 "為食" 的死穴, 卻死撐的)：「我當然係 BB 囡啦, 之不過.......一旦碰上美食的時候, 我就會變得 "快高長大" 架啦, 食完之後再回復原貌。」
朋友：「嘩........天大的奇聞呀, 快 D 叫人來採訪一下先, 發返個新年財呀!」
*****************************************************
