奇怪又可笑的夢

尋日我嚴重不在狀態, 因為一早回到公司, 唔知點解 "鼻敏感" 瘋狂發作, 令我終日一手拿著紙巾, 一手工作, 最嚴重的下午時段, 竟然不停的 "打乞次" (連續的三十至五十個), 可想而知, 我的鼻係幾o甘 "慶", 幾 o甘紅腫, 就連內在的鼻膜 + 咽喉亦十分乾痛, 甚至連眼也開始睜不開了。

我一邊用紙巾抹去長流的鼻水, 心內一邊擔心著星期日 KK 大婚之時, 我會唔會仍然兩行鼻涕長流呢?

可能日有所思, 夜有所夢, 尋晚就發左一個怪夢了。 夢中的我係鼻敏感發作 (同日頭在公司時一樣), 我向旁人申訴我的擔心時, 那人向我講：「"蒜" 對於敏感症狀好好的, 你試一下啦。」 鏡頭一轉, 我面前有一座 "蒜山" (已經剝好皮的, 只得蒜肉), 我向它狂奔過去, 左手一撮, 右手一撮的狂吃蒜, 超攪笑!

也許尋晚食左太多蒜 (其實吃左藥早瞓), 今朝好返唔少了。 萬幸!!!!

驚覺

今朝早上, 在樓層的 lift 口碰上一對母女, 女孩看似就讀小五、小六的年紀, 身高已到佢媽媽的頸 o甘高。 想起當時, 我係學生返學的時間, 經常在 lift 口碰上佢腹大便便媽媽一起下樓 (當時小女孩還未出世), 一瞬間, 已經係約十年了!

人生能有幾多個 "十年"?? 在 E 十年裏我由學生變成 "打工一族", 女孩媽媽由少婦榮升媽媽級, 唔知下一個 "十年" 又會如何呢?

假如一個人能有 "十個十年", 你而家又行左多少個十年? 剩下個十年? 在未來的幾個十年裏, 你又打算做什麼呢?

漂亮的 body

小妹的媽媽偏瘦 (身高 5尺4, 只得 90 幾磅), 但佢絕不承認自己瘦。

有圖為証, 大家齊來評一評 (媽媽將會著這一襲晚裝出席 KK 的大日子, 當然先換上 "透明 bra 帶" 啦, 嘩....................好高貴、好閃啊!)

如果我生完三個小孩, 上左年紀都有漂亮的 body就好了。

值得深思

尋日和朋友談天, 佢話前晚瞓得不好, 因為樓上的住客在吵架 (一對夫婦) 。 凌晨時分, 吵得好厲害, 內容大致係男方責罵女方 "紅杏出牆"。

我聽到佢的訴說之後, 不禁搖頭, 同佢一齊說出一句：「都唔明白點解會o甘的, 既然未玩夠, 就唔好結婚, 結左婚就得負責任, 不如佢地當初唔好結啦!」



今日 E 一位朋友又向我講左一句卡通片麥兜麥嘜之經典句子, 雖然 "字面" 爆笑, 卻深藏意義：

班房上, 老師說：「上天下雪不下雨, 雪到地上變成雨, 變成雨時多麻煩, 為何當初不下雨?」
怎料同學說：「老師食飯不食屎, 飯到肚時變成屎, 變成屎時多麻煩, 為何當初不食屎?」


好多事, 並不只在乎 "發生" 及 "結果", 而係在於 "過程"! 正如我地從嬰兒出生至世上便註定有死亡的一天, 為何不一出生便去死? 雖然 "發生" 及 "結果" 可能不由得我地去選擇, 但我地卻可以選擇 "過程", 用那一種態度去參與、投入、爭取、面對的 E 一個過程。 估唔到睇麥兜麥嘜也會有得著!

夢醒時分

最近心中飄起了 E 一首歌曲。

想同大家分享的, 不單止歌曲中有關愛情方面的詞, 而係想表達, 當我地在人生的路上遇上挫折, 走上困局的時候, 要同自己講, 我地要退一步 (張開眼睛), E 一個惡夢便會甦醒 (想通了, 其實沒什麼大不了) , 不要硬把自己拖下去 (讓惡夢纏身)。


夢醒時分 唱：陳淑樺　詞/曲:李宗盛

你說你愛了不該愛的人 你的心中滿是傷痕
你說你犯了不該犯的錯 心中滿是悔恨
你說你嚐盡了生活的苦 找不到可以相信的人
你說你感到萬分沮喪 甚至開始懷疑人生
　　　　　　　　　　　　　　　　
早知道傷心總是難免的 你又何苦一往情深
因為愛情總是難捨難分 何必在意那一點點溫存
要知道傷心總是難免的 在每一個夢醒時分
有些事情你現在不必問 有些人你永遠不必等



每個人活在世上, 總有唔如意的時候, 有時甚至會懷疑自己的能力、懷疑上天給你的際遇、懷疑人生的價值? 此乃 "唔如意事" 困擾我地的心魔, 只要此魔一除 (可以靠別人的幫忙開解, 但最終也要靠自己去除心魔), 才可活得自在、快樂。

司儀

最近接到 KK 的通知, 在佢大婚的晚宴上, 想邀請朋友 "司徒" 及 我出任司儀, 其實我並唔喜歡太高調, 不過一世人, 兩姊妹, 佢叫到, 我絕不會 "托手踭" 的, 但係對於無司儀經驗的我 (司徒也是 "新手"), 不禁有少許擔心及膽怯, 因為怕 "攪喎" 別人的婚宴氣氛, 罪大惡極, 唯有盡力而為啦!

我同司徒相識都十載以上架啦, 佢好有義氣, 經常為朋友兩脇插刀而在所不辭, 佢 E 一份 o甘高尚的情操, 令我望塵莫及。 記得上一次在哥哥的婚宴上, 酒樓安排得不太妥善, 司徒一改平日溫文的本色, 青筋暴現紅著面的向酒樓經理理論, 代哥哥出頭 (我第一次見到司徒 o甘 Man 的一面咋!) 一生有此知己, 死而無憾。

結婚, 一生人一次, 希望 KK 同 黑俠皇子對此印象深刻之餘, 亦接收到 司徒 的那一顆熾熱助人的心意。如果在晚宴上我做得唔稱職, 也請多多原諒及包涵!!! (請原諒我是一個無經驗的新手, 又不知能否 "壓場" 及攪氣氛)