人性當中不多不少總帶著一點點的「自虐」成份 (又或稱 "犯賤"), 明知常著高跟鞋對脊骨唔好, 女生依然每日要著, 明知穿環在敏感部份 (如: 舌) 可引致神經線發炎, 男生為要 "潮", 照穿可也。
引申於戀愛中亦然, 有人話：「男人不壞, 女人不愛」 又或者 「女人不壞, 男人不愛」, 說穿了, 又係因為 "犯賤" 囉!
你是否對身邊出現那個 "順得人" (極遷就你、愛你的人) 呼之則來, 揮之則去, 要佢隨傳隨到, 對你千依百順? 你發現佢著緊你的感受 多於 你著緊佢嗎? 慢慢地你發現和佢相處無刺激感 (因為無難度, 佢太遷就你了), 你根本可以隨意去操控佢 (俗稱: 食住佢), 和佢一齊根本無意思, 好悶!
相反, 那個令人牽腸掛肚的人竟是對你若即若離, 對你諸多要求, 要你百般遷就, 一不合意, 還會動不動便大發脾氣。天真的你以為佢只係一時情緒激動吧 (又或者 EQ 低), 其實佢還好愛自己, 只係唔識表達啫! 如果我愛佢, 就要好好的包容佢。 你錯了!!!!!!!!! 當佢一次又一次的只顧自己的感受而完全忽略了你的感受, 佢根本愛自己多於愛你, 難度你還不知你在佢心中的地位嗎? (試回想當初追求你的時候, 不是事事以你為先嗎?)
「愛情」不是一場競技, 沒有人會贏, 也沒有人會輸, 只會有辜負、傷心、開心、幸福等。 人們各自追尋自己的愛情, 亦要努力的去捍衛它, 但 "人性" 終歸 "犯賤", 喜歡「捨易取難」, 所以結了婚的人, 佢會說: 「身邊那位是值得附託終生的伴侶, 卻不是心中最愛的一位情人! 」
就如「我不好愛」劇內的一樣, Dave 食住 Ann, Ann 食住 Patrick, 佢地不就在 「捨易取難」去追求自己的愛情麼?
