究竟似 D 咩?

公司最近「整頓整頓」, 要將多年來的所有文件 "翻箱倒籠" 的摷晒出o黎, 然後 "該棄掉的棄掉, 從新整理、分類、再組合" , 目前來講, 每一個功能 (如：管理、人事、銷售、物流、會計) 會有 "一隻獨立的顏色", 每人將其所屬功能的顏色 "寫上編好的號碼 再 貼上" 去文件夾。 然後再編寫一份文年整理明細表去 "管理" 櫃內的文件。

於是大家分工合作的搬o下、抬o下、整理o下, 唔經唔覺的差不多一週了, 至今資料還在整理當中, 要趕於在月中前完成此工作。

看著層架上 部份 "已整理" 的文件夾, 全部貼上 "文件屬性標籤 + 獨立顏色貼紙", 偶爾不禁失笑了!!  我覺得我地有 D 似.....................

似咩o野???

就係似「老人癡呆症」的患者, 因為怕 "唔記得", 所以什麼都要 "寫明 及 貼上告示", 唔似咩?  哈哈!!!!

一個人的精彩

天氣悶熱, 某天出街實在想不起 "該吃什麼", 於是出外走走, 邊走邊打算, 最後誤打誤撞的闖進了位於佐敦 JD Mall 三樓的 ..................「三德素食館」, 貪其有茶飲 (因為當天上午工作太忙, 無時間飲水), 又可以食齋清清地。http://www.openrice.com/restaurant/sr2.htm?shopid=20523

原來中午有茶飲, 有「齋點心」食的, 我點左：

1) 虫草花湯浸鮮竹卷：餡料有沙葛、馬蹄、紅蘿蔔, 口感夠爽, 味道清甜。

2) 蜜汁素义燒包：包包外皮好軟熟, 蜜汁的味道一般, 素义燒口感好煙韌

3) 素雞扎：無論外型 同 口感都同 "真雞扎" 無異, 好得意!

連埋茶錢 同 加一服務, E 餐總共 $52

她來自外星??

某天幾位女士對話如下：

A (擰向左右兩邊, 一臉認真的向同事講)：嗱......我講真架!  如果有一日我 "做做o下o野" 的時候, 突然間我失o左蹤, 然後我個位只剩下 D 衫褲, 你地唔好驚喎!!

B、C：嗄????  (抓晒頭, 你講咩呀?)

A：我講真架, 如果我個位只剩下 D 衫褲, 其實我個人只係被天主 "傳召" 左上去 (手指天空), 我係怕你地會驚, 所以同你地講定先囉!

B、C：(啞口無言, 不懂應對)!

B (人急智生的 "彈出一句")：o甘如果你被 "傳召" o左上天, 點解剩下 "衫褲" o係度呢?  即係話「你無著衫」上o左天嗎?

A (一臉認真地)：梗係唔係啦!  我有著 "底衫褲" 架, 只剩下 D "面衫褲" o係坐位咋!!

最後 B、C 失笑的坐在座位當 "笑話一則"。
***********************************************************************

聞說 A 所信奉的宗教, 被一般的基督徒稱為「異端教派」, 所以久不久 A 就有她自己一套理論發表, 嚇得身邊的人一陣陣, 卻又唔好意思 "笑佢"。莫非..............她來自外星?? 

又還是她講的「可能」係真, 只係我o地冥頑不靈的「唔信」啫!!  如果佢的「偉論屬實」, 我o地豈不是要無時無刻, 提高警覺戒備 (著 D "企理整潔" 的內衣 及 內衣褲) 先得, 否則被 "傳召" 上天時, 便會醜死鬼了!  (萬一著o左又黃又舊的 "穿洞底底")!

平價「齋 Buffet」, 好味唔出奇!

人o地話：「平o野無好, 好o野無平」

我就話：「呃人o既, 原來......平平地的齋 Buffet, 質素都唔差架!!」

講緊的係位於 "荃灣眾安街"  的 寶蓮素食 (http://www.openrice.com/restaurant/sr2.htm?shopid=22945), 週末去食「齋 Buffet」 $48 + $5 茶錢 + 加一服務 = 總消費 $58 / 位。  食物選擇多, 質素唔錯, 而且豆漿任飲, 服務態度亦 OK, 有機會的話, 會再去食多次。

自助餐的 「齋」係 "落單 Order" 即叫即整的 (唔係放在外邊任你自己 "畢"), 所以合晒衛生。當我地叫第二、三 回合時, 開始感覺到 "部份" 食物的醬汁係 "翻炒" 的 (即係同之前某 d 菜式用同一款醬汁), o甘又難怪的, 「齋菜」味道一向比較清淡, 而且用料 "來來去去" 都係果幾款, 唯有用 "濃味" 醬汁煮啦!   唔講o甘多啦..............睇相!! 

推介：五柳素鮮斑魚、銀芽火腿炒三絲、枝竹炆鰻魚 (5 * 推介)

該店坐位唔算多, 訂位就最穩陣, 「齋 Buffet」的供應時間為：11:30 am - 4:30 pm (5 個鐘任食), 最啱一大班朋友, 約埋出來相聚飲飲食食兼傾計。 (有o野食, 又平, 又坐得耐)

憐惜

早前睇電視劇:

在外居住的女兒回娘家晚飯, 父母一邊睇住女兒的面孔, 一邊憐惜地 (肉赤地) 說：「你睇o下你呀, 成日在外邊工作o甘辛苦, 成塊面 "凹" 晒啦!  唔好跟佢一齊食o甘多漢堡飽了。」

此時女兒心內 "百般滋味", 卻 "有口難言", 明知佢的唔好, 感情上又偏偏不由理性去操控, 亦不可向父母申訴, 免他們擔心。「誰叫你自己選擇了佢, 一切的後果要自負。」

天下間, 最無私憐惜自己的, 一定係自己的父母!!!

富貴慶功宴

考完試, 食餐好獎勵自己, 又當「慶功」先 (心內祈求係 "預祝 (有好結果)")。  到左大角咀的「萬發海鮮火鍋菜館」揾食, 該處新開張無耐, 我地晚上 7:00 前去到, 已經要攞飛等位了 (因為我地無預先訂位)。

原本大約要等至少 半個鐘, 但有預訂客人臨時取消訂桌, 我地才「有幸」的 "快快趣" 頂上。

早已據聞此店的「海鮮」平、靚、正!!!  話晒係「慶功」喎!!  梗係要食好 D 啦!!!  於是我地點左：

象拔蚌刺身：夠鮮夠甜, 周邊的群邊口感比較 "林", 不過味道「淡」左 D。而中間的的刺身口感煙韌, 不過鮮甜好多。

嘩........「主角」好大碟架 (睇o下上邊果幅圖, 刺身碟足足有兩隻半上方 "普通餸碟" o甘大呀)!!!  賣相又靚, 比多個「大特寫」你睇啦!

泰式炒芥蘭, 芥蘭切成好細的 "薄片", 不過依然感到 "有點老", 可能早幾日捱夜溫習 (唔夠瞓, 有點熱氣), 竟然覺得泰式炒得 "辣左 D"。

XO 醬蝦仁帶子：蝦仁帶子唔算多, 勝在夠彈牙夠鮮!  不過 XO 醬又係 "辣左 D"

 鹽水浸花蛤：鹽水唔太咸, 反而有 d 芹菜、大菜頭煲的湯去浸花蛤。花蛤 OK 好味 兼 新鮮。

今晚真係一餐超級豐盛、美味 又 滿足的一餐啊!!  是日晚餐 $632。如果大家打算下次去試菜, 記得要預早訂位呀!!

嘩.......「放監」啦!!

嘩.......「放監」啦!!  今日出席左學位課程內的最後一科期末大考, 意味住捱埋 E 一關, 就可以「放監」輕鬆一下, 然後等兩個月之後放成績。

早一個星期 同 前幾日, 都十分「落力」的溫習理論 和 計數, 日以繼夜的將過往試題做完又做, 再做完又再翻做。做到無晒心機 兼 筋骨酸痛、勁累勁累!!!

唔知係唔係心情太緊張呢?  竟然覺得試場「超級凍」, 已經著晒外套都頂唔住!!  身邊 D 同學仔仲不斷的 "搓手搓腳" 取暖添!

終於從試場走出來「解凍」了, 唉!!!  個人好似 "虛脫" 兼 "頭痛" (可能之前瞓得唔好)。心情雖然還記掛住剛才的試題題目 (唔知有無做錯), 但卻已經輕鬆不少。一於「去玩去癲」先。相約朋友食一餐「超好」的!

竟然..........意外的收到朋友送來的「放監」獎勵禮物, 就係............

1) 好笑漫畫書 ── 「我的低能湊 B 之道」, 朋友之前介紹過話 "好好笑" 的, 所以一早打算「放監」後便去買來 "獎勵" 自己。

2) 得意貓咪 「小喜」手機繩 ── 有睇過日本卡通片的朋友, 也許會認識「小喜」, E 隻小貓咪真係好鬼得意架!

多謝晒呀...........朋友仔!!