睇樓記

孖大舅父近日趁空餘時間進行 "大工程", 將沙田的舊居進行大翻新 (三房兩廳, 以往和阿婆、阿姨同住的), 以佢一人之力, 加上年紀亦唔少, 同埋唔係做開 "裝修" 工作來睇, 單位做得唔錯架!

本週四晚上, 佢便約我上去參觀一下, 然後再一齊晚飯添! 等我帶大家去 "睇樓" 啦：

圖左係 "大門口", 圖中係 "客飯廳"(細個果時成日在此作家庭聚餐架!), 圖右係 "走廊" (廳通往房)

圖左的 "鐘" 原先係金色的, 因為日子有功, 所以甩晒色、脫晒皮, 舅父用油漆將它翻新, 幾靚!! 圖中係廚房, 圖右係廁所

圖左係舅父房, 圖中係阿姨房, 圖右係阿婆房 (原先三張也是上下格床, 上格放雜物, 下格睡, 現移走上格床, 開揚一點)

下一個目標

尋晚突如其來的一種感覺湧上心頭 「我.............想...............去................旅..............行.............」

自小我也被父母寵慣了, 佢地總愛每逢暑假, 就一家人 (爸媽、兄、姊及我) 去旅行, 由於當時年紀小 (小學), 而且一家人去旅行也絕不便宜, 因此我地多數去 "中國大陸" 玩的, 就如：北京、珠海、潮州、中山, 還有很多忘記了的地方。

去旅行, 除左洗滌身心, 放下工作去盡情休息之外, 亦係一家人聯誼的好方法, 試問平日在香港各有各忙的時候, 那有幾乎廿四小時的時間去留意家人的一舉一動、生活細節呢? 父母親正好趁此時教育我地 (如：發現我地 "揸筷子" 用錯方法, "執行李" 時欠缺組織, "朝早起床" 行動要快夾妥, 不可賴床, 團友不會等的), 佢地幫我地從生活細節上改善自己, 令我地能有效的照顧自己, 再幫助他人。

回顧起上來, 原來父母在旅行的期間, 教曉我唔小事, 好多謝父母每年 "百忙裏也抽空" 的作家庭聚會! (其實佢地也犧牲了自己去休息或者玩樂來陪我地, 教育我地) 培養我地一家人愛團聚、和諧的歸屬感, 令我更熱愛 "我的家"。 我要快快完成目前的學業, 儲多 d 錢, 我想相約家庭成員再去旅行, 重溫小時候的溫暖安全感。

去邊度玩好呢?????????

外星人

電影中的外星人往往被描述到有兩隻 "大眼睛", 一個 "大肚腩" 的模樣, 如果告訴你現實中的外星人樣貌並不是那樣子, 你會相信嗎? 以下的一個故事, 幾有趣架：

外星人跟地球人樣子差唔多, 也許因為從外星移居至地球, 需要易容, 又或者外星的因子並未顯露出來。地球人並唔知道身邊的就係外星人, 佢地互相了解對方的事。

外星人教曉地球人各樣新奇刺激的玩意, 令地球人大開眼畀。地球人介紹本地熱情親友去招待外星人, 可惜慣於獨個去遊歷的外星人卻不習慣, 喜歡我行我素, 令大家均感無癮!!

日子久了, 外星人身上的外星因子慢慢浮現出來, 地球人亦意識得到彼此不是同類, 不週合生存在同一星球上, 否則只會令彼此及家庭辛苦, 地球人決定離開, 而外星人則繼續四處去探索。

以上的故事, 其實並無 "對錯之分", 只係外星人和地球人曾經在一個 "時空交錯的安排下, 由緣份 引領去相識", 畢竟故事曾經發生過, 也會令人回憶的。 而且地球上總有人有興趣去了解外星人, 或者亦有能力和佢並存, 只不過不是 "那一位地球人" 吧!

太冷

近日翻起風來, 天氣變冷了, 大家也要小心身體, 好好保重啊! 天氣冷令我想起 "打邊爐、毛毛拖鞋、歡欣的聖誕節"。

尋晚在踏出商場時, 雖然已經有厚厚的毛衣及褸, 冷不防一浪浪的驟風吹過來, 牙關也凍得震震的, 回家沖過一個熱水涼, 噢.................舒服晒!

太冷除左形容天氣, 亦可形容人的態度, 君不見舊日獅子山下, 同舟共濟的屋村精神早已不見了? 只剩得左鄰右舍一張張冷漠的面孔。有時候, 甚至連身邊的人也會冷起來, 你會感到被忽視一樣 (可有可無的), 是社會迫得人太忙太累太冷? 還是自己仍過份的熱情冀盼呢?

君不見時下的年青人 (隱蔽青年) 只是對著電腦、遊戲機、各樣的玩意, 就是不肯多外出交際, 又或者陪陪屋企, 佢地一丁點 "家庭觀念" 也沒有, 家待佢地來講, 也只是酒店而己, 佢地知道父母會傷心嗎? 何日才會醒覺呢?

除左天氣冷, 我地也要定時檢討、提醒自己待人 "勿太冷"!

"日出" 定 "日落"?

究竟係 "日出" 定 "日落" 呢?










無論你點睇, 太陽的餘光永遠令人感到溫暖、舒適, 這就是大自然給我地免費的禮物, 有時間的話, 不妨多 d 享受 e 一d 天然的禮物。 當一天我地夠鐘走的時候, 才會發現在世之時留意得太少 (專注工作, 太過忙碌), 陽光對我地來講 "太奢侈" 了 (終日躲於室內, 不見天日)。

我會振作, 多謝關心!

今日小女子獻醜了! 我用 "小畫家" 畫左一張 "好肉酸" 的畫, 你知啦, 用 mouse 好難畫得到靚畫架嘛!

喻意係 "人生有希望, 只在乎你的取向 / 選擇"! 希望大家有困難時, 可以好似畫中人o甘選擇在彩虹下面對, 不要每天活在陰天裏。

我要走了

有些事情當你以為 "當局者迷, 旁觀者清" 的時候, 你會想辦法抽身走出困局, 令自己看清一點, 原來 "看得太清楚" 也不是一件好事, 俗話說：「難得糊塗」其實並不是無道理。

男人和女人的天性有所不同, 尤其是當面對問題 / 困難時, 男人喜歡逃避, 自己屈在一角的去避靜。女人則愛和別人傾講, 採納別人的意見去解決問題 (比較積極)。

我曾經因為一些問題不知怎去解決, 不知怎和別人申訴 (有太多顧慮了), 傻瓜的我曾打算毅然辭職, 拋下香港及身邊的一切, 返內地去找工作, 避開問題, 避開難過。 之後想通了, 無論我避去那一處, 只要我心內放不下執著, 那個結依然在折磨住我, 我更不應令我的家人擔心, Sorry!! 原來我曾有 o甘自私、任性的想法。

E 一 D 的問題曾經令我一度困擾, 我也嘗試攤出來講, 想解決, 亦嘗試多做其他背後的事去支持, 但..................事與願違。 問題啊問題!!!! 我唔想再拖了........ 我要走了, 我要離開困境 (一個差點令我抑鬱的困境), 相信身為親朋戚友的你, 一定會體諒我的, 不要問我是什麼問題, 只要支持我便行喔!! 只要陪我開心玩, 不要陪我難過, 得嗎?