牽動人心 - 留院的亨 BB

12月24日普天同慶的日子下, 我的公司及家中分別舉辦了聖誕聯歡會, 當日大家也玩得好盡慶, 好開心, 可惜...........

幾日後, 亨 BB 發燒了, 照顧佢的 Anik 姐姐也病倒, 大家一齊去睇醫生, 醫生建議Anik 姐姐入院觀察, 進行化驗。

27號放工趕去探望Anik 姐姐, 佢一說起亨 BB 發燒扭計唔肯食藥, 便雙眼通紅的說好掛念BB, 好想快 D 返出去。

是日晚上亨BB 出現呼吸困難 (俗話說的 "扯蝦"), 28號早上睇完醫生, 下午立即入院觀察、化驗, 亨BB 要 "種豆" 在手中, 又要瞓在 "膠帳幕" 內 (含氧氣的), 加上 "嘶.....嘶.....聲的呼吸聲", 好可憐啊!

睇見佢o甘的模樣, 我好心痛喔! 想必佢的父母比我更加心痛, 真難為佢地, 瞓唔安, 食唔落! 為人父母甚艱難, 亨BB 的 "身痛" 好比一個 "魚勾" 扣住我的心一樣, 令我 "戚戚o下" 啊!

公司的聖誕派對

係咪好正呢?? D 野食多到食唔晒呀! 當日有 11 個人參與 Party, 食物有：


1) 炸物類：炸春卷、炸餃子、炸雞翼、炸魷魚鬚、炸豬扒 (兩盤)
2) 壽司類：雜錦壽司 56 件、雜錦刺身 (兩盤)
3) 火腿什果沙律 (好好味, 生果好新鮮)
4) 芒果拿破崙蛋糕一個 (勁好味)
5) 汽水、蘋果汁、綠茶及提子汁


雖然我地完成唔到任務 (食晒 d 野), 不過希望出年再有 Party 就好了!

遲來的回禮 及 聖誕禮物

今日收到朋友 Z 遲來的回禮禮物 (早前送了佢一個永恆的士多啤梨黑森林蛋糕包包), 佢送我一個親手製的士多啤梨蛋糕小盒子, 既實用, 又精美。 多謝晒喔!! 個心又好甜添。













另邊廂, 朋友 A 早前送我一份聖誕禮物, Mumug 公仔一個連暖水袋, 佢的樣幾 cute 架, 媽媽話如果連奶咀也可以拔出來, 仲攪笑喎!











多謝大家。

聖誕的歡欣

今個生日及聖誕, 整體上過得好開心, 因為身邊有好多人錫我, 就好似家人、朋友、亨 BB 一樣, 比 D 相你地睇o下啦：

圖左係我在聖誕 Party 中欺負亨 BB 的證據 (騎佢牛牛), 你睇佢個樣幾 o甘無奈。 圖右係亨 BB 玩得 "勁開心", 玩到 "猛大個口" 笑。

圖左係我最喜愛的 " 燒雞翼, 我鍾意食......", 圖右係我和朋友的製成品 (金沙骨及雞翼), 好好味呀!! 在交換禮物環節內, 我抽中了一對 "襪"。

生日許願

今日係我的生日, 好開心, 好多人鍚我 (無論在公司還是家人)! 又為我開大食會慶祝。今年有少少特別, 因為和之前的 4年有所不同, 原以為我可以和家人晚上開心的相聚, 最後卻被一些小意外打斷了所想。

你的心意我已經收到, 好多謝你的 聖誕 及 生日禮物, 但...............我唔開心係因為 "點解送禮做事要麻煩第三者代勞" 呢? 我從來無打算過唔見面, o甘會令到 我家人 及 我 好尷尬的, 你明白嗎? 我為此事感到困擾, 開始有點不想見面了。

在過去, 無論日子變成點, 我已經好努力的承擔一切, 盡量堅強, 在人前表現得開心愉快, 積極樂觀, 請別要用錯方法 (太急進的), 迫得我要躲起來, 變得不想見人, 不想交代, 只躲在孤單的一角裏, 好嗎? 有些時候, 釋放自己釋放別人, 才會功德無量啊!

人畢竟是感情動物, 不是機器, 不可說開始便開始, 結束便結束 (不是隨便的按一個掣行事), 如果內心未經深思, 只隨便莽撞的行事, 最終可能大家也會受傷害, 那倒不如維持現狀。我相信 "時間" 是一種良藥, 希望有一天大家也走出陰霾, 別再困擾。

也希望不要令身邊的人 (家人) 感到難為, 希望願望會成真, 而天下間人人也健康、開心!!

在此特別多謝 KK 和 黑俠王子送的大束靚花!