星期四, 11月 22, 2007

我不想 "升級"

相信大部份的女士也喜歡 "升 Cup" 的 (胸部), 甚至有人出盡法寶, 扭盡六壬也想要升少少 Cup, 為何我卻大呼 「我不想升級」呢??

今早我又在 lift 口 碰見兩母女 (請參閱 "驚覺" 一文), 當時還有另一位女中學生在等 lift。
女孩好乖巧的轉向我說:「姐姐, 早晨」 (女學生當時站在我身旁)
我說:「乖, 早晨!」 怎料同一時間, 女學生也點頭說:「早晨」
女孩不忘再向我講:「姨姨早晨!」

OH!!!!!! 當我仲以為 "自己係姐姐的時候", 不知不覺間 "已經變成了姨姨", 唔制呀!!! o甘又難怪的, 我至少也大過那位中學生 10 年啦, 唉.................................

唯有說句:「我不想升級」!!!!!!!!!!!!!!

星期二, 11月 20, 2007

老甜蜜

今日坐巴士, 睇到 Road Show 的節目, 其中一幕幾有趣的情境, 節目內容係講述一群 "老人家" (年齡介乎七十幾至八十幾歲) 人老心不老, 佢地大家都有著同一個夢, 而且正在實行中, 就係駕駛電單車 "環台遊" (環繞台灣)。

別少看佢地年紀大, 揸起車上來也 "英姿勃勃", 節目訪問一對老夫妻 (當時妻子正依偎在丈夫的懷中), 對話如下:

主持人:(將咪遞向老先生) 係咪好後生已經開始揸電單車的? 點解會鍾意呢?
老先生答:係呀, 廿零歲便開始揸車了! 點解會鍾意? 因為.... (古惑的望向妻子, 手指指著妻子)...我揸得快, 佢就攪得我好緊, 我就越揸快 d, 佢就會攪緊我多一 d 囉! (說話時不禁面露得戚的神情)
妻子:(含羞答答的微笑但不語)

在愛情的世界中, 係無年齡國籍的界限, 縱使熱戀中的男女會談情, 進行著你追我躲的 "小古惑", 只要你有那一顆熱戀的心 (維持你地濃情的那顆心), 即使已年過八十, 回憶起上來, 也叫人覺得無限旖旎, 活像時光倒流一樣。

誰說拍拖就係年青人的專利? 節目中的 "老甜蜜" 卻教我傾慕啊! (難得夫妻同心去維繫年青戀人的心態)

星期一, 11月 19, 2007

KK 婚禮回顧

啊...............終於大家齊心合力完成左 E 一個 大 Project 了, 多謝各方好友的協助, 由於尋日小妹身兼多職, 因此未能抽空影相, 所以只用手機影左少少花絮咋, 同大家分享一下啦!

KK 出門之 "大五福" (出門前拍照)















KK 回禮小禮品 (得意毛巾小蛋糕)
用 tea set 架裝配, 好靚呀! 各賓客都 "搶住" 去取, 大家也好高興的取回家中, 真開心!















我的晚裝自拍大頭 Look
多謝 "靜宜媽媽" 勾織的冷披肩, 及多謝 "靜宜家姐" 穿製的 斯華洛閃閃水晶錬, 令我閃爆全場, 尋晚的髮型設計及化妝係我自己整架, 靚嗎?