早前知道了學校畢業的成績, 已經策劃同家人一齊食餐好的, 當作是慶功宴, 地點選擇了尖沙咀的老店, 奈何 10 月尾時卻遇上打風, 所以只好一改再改, 順延至 11 上旬慶功。
終於來到期待以久的「畢業慶功宴」了, 我們一行 12 人到達尖沙咀麼地道的 「鹿鳴春」, 當日特意 "不" 選套餐, 睇過網友的介紹, 點了以下餸菜：
馳名北京烤鴨 $280：睇住老師傅不消 "兩o下" 功夫, 便將烤鴨片到光脫脫, 令人好興奮呀! 果然係好好味, 不過......似乎唔覺它的馳名之處。
砂鍋雞煲翅 (大) $1,300：請客又怎可以寒酸呢? 雖然它的售價真的貴, 但睇見它o甘 "大梳翅", 又確係真材實料, 而且湯底的味十分香濃鮮甜, 仲附送 4 個 包包比我們送翅食添! 就連咀刁的父母都「大豎拇指」, 為博他們的紅顏一笑, 已經值回票價!
糖醋魚塊 (大) $160：網友說 "E 支 Ban" (日語：好好), 但因為較遲上菜, 已經飽了一大半, 感覺味道一般。
蜇皮拼素鵝醬蹄 $140：又係網友的好介紹, 結果因為係第一碟上菜, 肚餓的關係, 感覺好好味
酒糟鴨肝 (中) $120：好香濃的酒味, 已經令人暫時忘了 "膽固醇" 超標的問題, 哥哥更是 "食到停唔到口"。
京燒羊肉 (中) $140：此店另一出色菜式, 香酥的燒羊肉, 唔覺羊肉的躁味喎, 唔錯! 只係略嫌熱氣
賽螃蟹 (中) $120：比坊間的賽螃蟹略有不同, 蛋白 "超多" 而 菜卻少之又少, 令今餐飯 "唯一" 的菜也不足夠, 味道清清地唔錯
紅燒肘子 $280：食物一上檯 (接近尾聲時), 大家已經雙眼發光 "嘩嘩聲", 因為 "睇見都已經好漏" 了, 唔習慣一餐食太多肉。不過又真的整得好出色
甜品 - 拔絲蘋果 $104：網友推薦, 不過蘋果味唔 "出", 被外圍糖漿的甜味遮蓋
翌日媽媽說此店 "唔覺" 有味精, 因為她並沒有口乾的跡象。 參考網址： http://www.openrice.com/restaurant/sr2.htm?shopid=3249
