波羅密素食

今天中午去左 "波羅密素食" 食齋, 該店坐得幾舒服, 午市茶錢 $5 / 位, 不設加一。 我地點了:

1) 齋鹵味 (細) $2X (唔特別, 比一般鹵味 "淡味" 及無o甘油)
2) 午市客飯 - 味菜海鮮粉皮煲 $4X (麻麻地好味)
3) 魚香茄子炆米 $3X (好出色)

2) 及 3) 也跟例湯, 我想應該仲會有下次幫襯的, 因為相比起 "蘇杏旋" 的 "喬妃齋", E 間較清靜 及 清淡。

接種疫苗

保險每兩年送我一次免費驗身 (簡單版), 12 月頭才去 check 過, 結果顯示我無 「乙型肝炎抗體」, 難得我o甘多年來也僥倖 "未中招", 一於 "拿拿淋" 揾醫生注射疫苗先。

原來要 "打 3 支針" 架, 尋日打 1 針, 1 個月後打第 2 針, 半年後打第 3 針, 每支針要 $280 架! 都幾貴, 不過.......為健康, 無辦法啦 (萬一真的出事時, 瞓醫院埋單都唔只 E 個數)。

遲 D 走去驗埋自己有無 「甲型肝炎抗體」 先 , 因為它經由食o左不潔食物傳染架, 你地知我幾o甘 "為食" 架啦! 如果無 "抗體", 就一於打埋防疫針了! (心裏希望有 "抗體", 唔怕患上甲型肝炎, 又可省回一筆, 哈哈!!)

突然回想起小時候 (由嬰兒至小學時期) 經常都要接種疫苗架, 果陣時好開心 (因為我自細唔怕打針), 而且可以 "唔駛上堂" (在課堂時間去排除打針)

Sawadee 卡

"Sawadee 卡" (泰文) 解作 "你好", 今日就和同事去左 佐敦的 "Sawadee Thai" (泰屋) 食泰國野, 我地點左 兩客午市套餐 (包餐湯, 主菜, 餐飲 及 甜品):

1) 泰式白汁雜菌配白飯 (清清地, 牛油味幾重, 白飯的造型 "三角錐體" 好攪笑啊!)
2) 印度咖哩羊肉 配 印式薄餅 (好惹味, 好好味, 不過越食越辣)

印式薄餅新鮮整, 夠鬆軟, 西洋菜湯幾好味, 最合而家凍凍地的天氣飲, 個甜品 "椰汁西米芋頭糕" 都幾美味呀! 共 $102 (連加一)

貴價的午餐

上週同事和我食法蘭西生日午餐, 剛巧有同事不適缺席, 今天佢請我去食日本料理做午餐, 我地去左之前去過的 "吉列" 店處食野。

怎知........在聖誕至元旦期間, 不設 食開的 "午市定食" (大約 $88) , 我地只能在主餐牌中點菜 (貴價的套餐)。 結果我點了: 吉列串燒豬柳套餐 $142 (未計加一), 食之前還要用上圖的工具 "自己磨碎" 白芝麻, 再加醬汁 (點豬柳食) 的, 好香芝麻味呀!

好貴不過幾好味 (但好鬼熱氣), 唯有不斷向同事講 "多謝" 了!

高檔的 "腥味"

早前經過 City Super, 眼見 "魚子醬" 價錢合理, 一於買一罌同家人分享先 (記憶中我好似未試過), 睇見產品說明介紹, 用它來配味道淡的食物, 如: 麵包, 餅乾等

於是 KK, 媽媽 同 我 "大膽試食", 結果.........原來它 "既咸又腥", 不是想像中般好吃, 點解會o甘矜貴的呢? 總之........總算食過 d 高檔的 "好o野" 了

BB 學儀態

今日去左同亨亨玩, 個傻豬仔越來越 "趣怪", 當嫲嫲教佢畫畫時, 佢好似好留心的學習, 然後竟然........突如其來的大聲傻笑, 逗得大家哈哈大笑, 但我地想教佢笑得有 "儀態" 一點 (要掩咀及細聲的), 結果佢......



佢真係學習得好快呀, 教大家都樂不可支啊!!

愛上新歡, 忘掉舊愛!!

12 月 26 日係傳統的 boxing day (用作拆禮物的), 不過我卻來個反傳統的去 "買禮物" 比自己, 仲要係 "愛上新歡, 忘掉舊愛" 添!! 原來感覺係...............o甘爽架 (我好衰呢)

講緊的係 "新手提電話", 媽媽用緊的舊電話壞壞的, 而我亦心癢癢想換一部攝影功能較好 同 有手寫輸入法的手機 (想在黑暗環境中影相有 "補光" 功能, 清晰一點, 而手寫功能卻方便我輸入行事曆, 去提醒我的日程約會等事宜)

你睇...........新手機係 Nokia 5800, 賣點係 "聽歌正 (有立體聲), 影相好 (有 320 萬像數蔡司鏡頭 及 補光功能) 同埋有 手寫輸入法, 手機套裝的配件好齊完, 而且仲附送了一份其他牌子的配件套裝 及 米奇贈品 (化妝袋一個) 包括有:

手機套裝

1) 手機主體, 2) 電池, 3) 耳筒 x 2, 4) TV 線, 5) USB 線, 6) 後備螢幕筆, 7) 軟件光碟, 8) 耳筒綿套, 9) 义電機, 10) 原裝手機套, 11) 原裝手機繩, 12) 原裝手機腳架

其他牌子的配件套裝
1) 電池 (後備用), 2) 電池膠套, 3) 义座, 4) 手機保護膠殼, 5) 螢幕保護貼

E 兩日要努力學習用新手機先, 好彩商店有得 "免息分期" 的月供手機, o甘都無肉赤啊!

公司的聖誕午餐

今年公司唔攪 "聖誕到會的大食會", 改左去尖沙咀 "廣壽司" 食 聖誕午餐, 每人預算 $150, 結果我地一行 12 人 點左 兩款午餐, 包括:

1) 自選三寶套餐 (包括: 漬物, 海帶烏冬, 五款手握壽司, 天婦羅飯 及 生果, 餐飲)

2) 刺身飯套餐 (包括: 漬物, 海帶烏冬 或 喬麥麵 , 刺身飯 及 生果, 餐飲)

由於店內的餐牌只有日文, 附帶少量英文, 我地要日本同事 及 侍應充當翻譯才能點菜啊! 原來.......e 間店早前被 "米芝連" 選為美食餐廳架 (同事講比我知架)

愉景灣之美食派對

我地在愉景灣購買左好多美食, 包括:
1) 雜錦刺身拼盤
2) 鰻魚卷
3) 巴西香草烤雞 (好好味呀)
4) 鹵水豆腐
5) 有氣果汁酒 (有少少紅酒味, 好好味)
6) 拖肥布丁
7) 鯊魚骨猴頭菇元肉煲走地雞 (個湯名好長的, 只記得o甘多咋)
8) 杏汁銀耳燕窩燉鮮奶
9) 香燈 x 2
10) 仲有 Godiva 朱古力做甜品添

你地睇都知道我地有幾飽呢, 哈哈!!!

愉景灣生日之旅

我從未去過愉景灣, 得悉它在聖誕節有推廣活動 (靚靚佈置及燈飾, 沙灘上還有一大堆燭光添, 亦可以遠眺對岸的廸士尼煙花表演), 尋日和朋友們入內參觀及探險, 好好玩呀!!

由於早了幾小時放工, 我地相約好之後, 就乘船入愉景灣了, 一落船, 極漂亮的聖誕節裝飾在碼頭迎接我地, 嘩.............真係好靚呀! (唔講仲以為自己去左外地旅遊) 之後我地去左 Fusion (百佳超市旗下機構) 購物, 買呀買.......好開心, 因為有好多外國品牌同款式的食物及用品 (在本地的超市未必見得到), 然後我地再閒逛左一陣, 就去沙灘附近找 "落腳點"

在 "落腳點" 舖上桌布, 就梗係食野的時間啦, 一邊食, 一邊談天說地, 一邊聽海浪聲, 一邊欣賞燈飾 及 天上的繁星,時間不知不覺的流逝, 好滿足啊! (食物又太多呢) 好啦好啦..........附近多了好多遊人, 夠鐘睇煙花啦! 嘩..嘩..嘩.. 好靚呀!! 終於曲終人散, 而我地太飽, 要落沙灘散散步先, 然後..........

我地的 "鬼主意" 又來了! 不如.........躺在沙上傾計睇星星囉! 好呀好呀!! 我第一個和議 (因為躺在蒙古大草原上睇星星係我的願望來的), 我地一邊躺在沙上傾計, 一邊聽著手機內的歌曲, 一邊睇星星, 心情輕鬆得幾乎睡著了, 才帶住依依不捨的心情離開!

多謝你呀....愉景灣, 多謝你呀....好朋友, 伴我渡過開心又充實 (包括胃口) 的一個愉快晚上!

聖誕甜心

尋晚我去左同朋友慶祝生日, 收到 "甜心" 的來電, 說: "Mac li 姑姐, 單日樂樂" (Maggie 姑組, 生日快樂), 哈哈................

多謝你呀! 我的聖誕甜心, 願我日日都好似你o甘開心呀!

2008 生日 之 禮物篇

在此多謝各親朋好友的關顧, 今年生日收了不少禮物, 而且好多也是 "好窩心" 的 (夠晒體貼), 多謝晒! 等我在此 "大晒冷" 先 :

1) Godiva 朱古力 (早前我向身邊人透露好想食 "酒心朱古力", 結果佢地就記住我的說話買比我啦)

2) Skin Food 黑芝麻深層清潔面膜 (除左清潔之外, 它仲有 "補濕" 功能架, 好野!! 啱晒我)

3) PokaPon 可愛白兔造型的暖手包 (一次性的, 不過有香味架, 最近又冷又熱o甘, 好合用呀)

4) Kiehl's 的修護唇膏 (仲有分日, 夜兩枝添, 配以唔同度數的防曬功能, 個唇想唔 "靚爆" 都難呀)

5) Jenny's Cookies (E 間店的曲奇餅在赤柱起家的, 好巴閉架! 要去排隊 "輪籌" 兼有配額才購買得到)

6) Godiva 朱古力 (KK 同 黑馬王子送比我架, 又係記得我講過 "好想食酒心朱古力")

今年認真係 "大豐收" 呀, 多謝晒各位!!

實用的生日禮物

朋友 P 每年也會相約我吃生日晚飯, 而且還會送上禮物, 今年也不例外, 你地估o下係 mug 野黎的?

佢知我最近裝左假狗 (駁左假髮), 專誠買了一條束髮用的靚靚橡筋 同 精美釀石的髮夾, 仲送上兩個杯墊比我添, 認真既實用, 又有心, 我好鍾意啊! 估唔到男生的佢會o甘細心架, 好o野!! Thank you so much!

印度生日晚飯

相識多年的朋友 P 相約昨晚為我慶祝生日, 請我食 "印度菜", E 間為於尖東明輝中心的 The New Sangeet 餐廳格調不俗, 8 時後還有 Live Band (現場唱歌) 助興, 氣氛一流, 我地點了一客 2 人晚餐, $310 未計加一, 結果卻食唔晒 (唔係因為唔好食, 而係份量太多)

前菜:
1) 乳酪配唔記得什麼
2) 胡椒餅

主菜:
3) 鐵板羊肉拼牛肉
4) 大蝦
5) 奶油芝士
6) 咖哩雞

飯及麵包:
7) 印度炒飯
8) 洋蔥薄餅 (厚)

餐飲

好豐富呢! (超級滿足) 真的太開心了, 一生人, 好難得遇上相識十幾廿年的知己, 而我相信, 為人相當好的佢, 會係一生的好知己呢! 多謝你