"招財貓" 上身

心血來潮請 KK 幫我美化指甲, 又唔想駁長指甲, 妨礙戴隱形眼鏡和打字, 只用顏料 "繪畫" 出可愛的 "招財貓" 圖案

在佢的鬼斧神工底下, "招財貓" 上身, 但願錢銀湧埋來呀!

對付 「流言」 / 「惡言」 的方法

最近這一年來, 久不久就有 「惡言」向我襲擊, 我一心想解釋誤會, 卻苦無結果之餘, 還被冠上更差的印象 (駁咀唔聽話), 後來學乖了, 係點樣乖法? 和以下的文章大同小異啦! 不過我係 "初階", 需時學習上 "高階"。

最近瀏覽別人的網誌, 發現以下的文章唔錯, 在此和大家分享, 我要向網主 "好好學習" (致命一擊)!!

我明白到「口」是生在人家處。人家要說髒話，您是控制不了。

今時今日，有人說我髒話，我理會的機會，是視乎髒話有否直接影響我的業務，和自身即時利益。否則，很少理之。 我時常覺得，對抗人家篤背脊，插您小你飛刀，最好的抵禦方法，並不是反駁。人家，總喜歡說，道理「越辯越明」。但我告訴您，很多事，越辯就越唔 明。

所謂清者自清，濁者就一定會自濁。

現在，我抵禦「Bad Mouth」最好的方法，有二。一、不斷鞏固自己的被利用價值；二、不做出頭鳥。

您會發覺，當您在某機構、或某環境，有相當大的利用價值時，就是對著您老細講粗口，他都會和您稱兄道弟。但當您失去您的價值時，就是您背脊刺上「精、忠、報、國」四個大血字，您一樣會被莫須有，被人叮走。

至於，對付那些在您背後，不斷做小動作的那些人，您不需，每次人家出招時，都要反擊。要反擊，最好只得一次，且，要是最後一次。 當您不斷被一隻烏蠅，在您頭上飛來飛去煩著的時候，就是您不斷用您的手來撥，也是無用。您撥完，它又會再飛過來。

您要做的，是靜靜地，取一個蒼蠅拍。然後對著那隻蒼蠅，一下，把它拍死。

不要問我，怎樣才拿到那蒼蠅拍。這個也想不到，您就注定要被人篤一世。

媽媽的簡便生日晚飯

早陣子父母外遊至 13/4 才回家, 14/4 就係媽媽的 「正日」生日了, 為免佢操勞, 專誠外出晚飯, 媽媽為了替我地 "省荷包", 選了價廉而平民的中式小炒

結果我地點左:

1) 招牌沙薑雞 (半隻)

2) 咕嚕肉

3) 順德魚腸焗蛋

4) 大海斑兩味 之 西蘭花炒球

5) 大海斑兩味 之 清蒸頭腩

6) 金銀蛋莧菜

雖然看似簡單一頓晚飯, 不過一家人齊整而平安, 氣氛融洽的共聚晚飯 (有講又有笑), 無憾已! 下次約齊埋哥哥一家人, 一齊再食餐好的。

在此祝媽媽 身體健康, 心想事成。

海南島 之 美食篇

「民以食為天」即使去旅行, "食得好" 一樣 "唔少得" 架! 好多人都以為 "海南島" 以 "海南雞" 聞名, 其實此乃錯覺啊! 海南島係無海南雞的 (好似係新加坡聞名), 只有盛產 「文昌雞」而已。

好啦......唔冗氣啦, 快 D 講食先!

第一天: 在海灘旁的食肆吃中餐, 點左:

1) 白切文昌雞半隻 (雞皮好滑, 夠肥美, 醬汁一流, 不過雞肉唔夠滑)

2) 涼拌四種 (好似雜菜沙律, 唔特別)

3) 海南三亞地瓜葉 (即係炒蕃薯葉, 幾好味)

4) 准山百合炒雲耳 (清淡得來, 味道唔錯)

5) 海南椰子飯 (其實係糯米釀入椰子處, 糯米飯中滲出淡淡椰香味, 不過椰子太硬食不下, 而且 "好漏")

6) 欖仁桂花炒金錢瑤柱 (唔覺有瑤柱, 不過有咸蛋黃的香氣)

7) 炭燒土豆 (好好味, 尤其配上惹味醬汁)

8) 巴西特色烤菠蘿 (味道香甜, 令人一食再食)

是晚消費 人民幣 300 以下 (忘了實數)

第二天: 在春園海鮮市場的食肆吃海鮮餐, 點左:
1) 白灼蝦 (唔特別, 只係新鮮而己)
2) 冬瓜白蜆湯 (味道清甜, 白蜆無沙)
3) 炒河粉 (少少油膩, 幾好味)
4) 白灼墨魚 (清淡得來, 好爽滑, 一點也不硬)
5) 炒花甲 (花甲肉有少少硬, 我唔喜歡醬汁, 好大陣麻醬 / 花生醬味)
6) 炒蟹 (多肉兼新鮮, 我唔喜歡醬汁, 好大陣麻醬 / 花生醬味)
7) 炒皇帝菜 (好味香甜)
8) 炒四角豆 (好大陣 "草青味", 口感似絲瓜, 有粗纖維)

9) 豉汁蒸 小象拔蚌 及 帶子 (好味又唔硬)

10) 炒聖子 (好味啊)

11) 炒五指山葉 (我地買左 "好老" 的料, 幸好加工檔主花上幾乎 "半小時" 幫我地摘菜, 心機錢都抵)
是晚消費 大約人民幣 500 幾 (忘了實數)

第三天: 在海灘旁的食肆吃泰國菜, 點左:

1) 冬陰公 (幾好味, 足料啊)

2) 肉骨茶 (適合唔食辣的朋友, 不過.......淡而無味, 唔夠 "藥材味")

3) 蜜汁烤雞 (惹味不過肉 "鞋")

4) 生菜包 (肉松煮得好味, 包埋生菜又夠 "鮮")

5) 蝦刺身 (幾新鮮, 醬汁夠 "醒胃")

6) 海鮮炒金邊粉 (味道一般)

7) 串燒菠蘿牛柳 (顏色 "勁吸引", 牛柳硬 d, 其他出色)

8) 木瓜沙律 (醬汁太辣, 食兩o下要停低抖抖)
9) 炒通菜 (唔特別)

10) 香蕉糯米飯 (糯米飯有椰奶味, 香蕉又夠熟, 好味!)

是晚消費 大約人民幣 300 幾 (忘了實數)

海南島 之 良辰美景

講o下 E 幾日的行程啦..................

10/4 (第一天): 香港 → 深圳 → 廣州 → 海南島 (由於飛機延誤, 到達酒店稍作休息, 閒逛一陣便食中式晚飯)

11/4 (第二天): 跑步 → 早餐 → 沙灘 (曬太陽, 游水, 影相) → 酒店梳洗休息 → 春園海鮮晚飯 (類似海鮮市集 + 大牌檔)

12/4 (第三天): 跑步 → 早餐 → 酒店泳池 及 沙灘 (曬太陽, 游水, 影相) → 酒店梳洗休息 → 芭堤雅泰式晚飯 → 按摩

13/4 (第四天) 早餐 → 酒店泳池 (曬太陽, 游水, 影相) → 酒店梳洗休息 → 廣州 (飛機因天氣延誤) → 深圳 → 香港

唔講o甘多, 睇相先...............

海南島 "跳躍" 之旅

海南島一向令人想起 "陽光與海灘", 今個渡假之旅, 玩得好開心! 我地去左海南島的 "大東海", 全程 "hea 住" 慢慢玩, 你知啦..........當地的渡假設施唔太多, 我地無去過參觀景點, 亦無玩過 "出海" 的水上活動, o甘有 mug 野玩??????

咪就係最原始的 "曬太陽 兼 游水", 可惜沙灘超級大浪, 游不到兩步, 又被浪捲回岸上, 只得 "費力" 二字, 齋曬太陽好悶喎!!! 揾 D 野玩先, 就玩唔駛用 "道具" 都可以影到有趣靚相的 "跳躍" 玩意啦!

你地睇.....o甘我地幾個 "大細路" o甘又玩一餐飽, 仲玩足兩日添, 傻o既!!! 不過睇返 D 相, 就真係好開心, 因為大家 D 表情動作都好好玩, 而且最最最重要的係.................我地出盡力去享受 E 一個玩意同假期丫嘛!!

o係香港好耐都無試過 "跳" o甘多次, 加埋 跑步 同 游水, 攪到雙腿好累啊!!