學佛後的轉變

最近（學佛后）感到自己變咗，卻又講唔出變了什麼？也許係對人生、自己反思了許多，眼光闊了無咁執著，心態開悟了，凡事比較正面、積極樂觀 同 更懂得感恩，最感受到的係：「而家懂得認命之餘（改變不了便隨遇而安），亦無去追究點解 或者 唔甘心去認命」，可能生活太忙和充實，無時間去想吧！

所以有時話「機緣巧合」真係無錯，又或者說：「塞翁失馬」，如果年頭不是家中發生事（現已解決），我的心不會感到亂和慌（事后才自知膽小），不會去尋求安心的良方，就不會有今天的我，我唔知自己咁諗 或者 有咁嘅轉變 係好定唔好？只知道 「今天的自己」 比 「兩年前的自己」活得更開心，心靈上更富足，心態上更年青。也許有一天會愛上這感覺，歸隱叢林也不定，聽天意吧！目前言之尚早。（可能我只是貪戀眼前片刻的「內心恬靜」，佛性、慧根、機緣皆不合適歸隱生活）。

不過有一點可以肯定的係：「一直以來營營役役的生活，究竟為咗咩？（我想好多人也有和我一樣的想法：「唔知自己想點？」）原來我一直努力尋找的不是一個人（一份愛），一些名利（事業／學業帶來的滿足感），又或者富有的生活（錢財、物質），原來我追求的係無論在什麼環境下，也能好好的安頓自己的心，令它不會慌亂，享受平靜自在」。

舉個例：前陣子對人失了信心，惶恐害怕遇上再「失去」的滋味，好怕面對若果父母他日百年歸老遺下我，我頓失精神支柱，日子點過？而家深深明白到「生老病死，人必要經過」，無論你驚恐與否，它一樣會前來，日子還得要過。父母只可在你出生時陪住你，在你往後成長的日子，有他們相伴，是你們所修來的福報，又或是彼此的債務瓜葛未算清，誰也不知何時夠鐘被召回（也許是我先行一步也未定），你能夠做的係趁還有機會，好好的相處結善緣，才不枉此生。

儒家，禪理 同 佛學真是一門「大學問」和「大智慧」啊！得閒聽吓心經，你會不自覺的感到心安和踏實，人都無咁易燥和少D執著 （豁達開朗），如果有需要，你都試吓啦！

講咗咁耐佛偈，有無悶親你？哈哈！

我只想同你分享在這段期間（學佛短短一個月），個人成長的想法和心路歷程。原來道理往往係「易明難修」，人必定要經歷一些事情，才能汲取當中的教訓／感受當中的道理，才會有得著 和 成長，成就今天的你。

小休一會

因為最近私事較忙, 而且眼睛又剛進行矯視手術, 為了讓它好好休息, 還是決定放工後「少用電腦」。

所以網誌要小休一會。

無厘頭

A: 有研究話過 「其實一個成年人每天瞓 5-6 個鐘便已足夠。」
B: (一臉沉思) 都應該夠的, 但要由瞓著覺才開始計喎!

(唔通由爬上床果刻開始計咩???)

**************************************

A: (外地華僑 - 講普通話) 咦.......你們選擇唱這首歌是用 "廣東話" 唱的嗎?
B: 係呀, 你有無聽過?  識唔識呀?
A: 我不懂, 也許未聽過。
B: (一臉認真) 唔緊要啦, E 首歌最後的四個字係用 "普通話" 唱的, 我地留返比你 SOLO (獨唱) 啦!

(阿 B 的心地真好, 安慰別人的功夫有一手)

**************************************

一大伙人要籌備一個 (賀年) 活動, 活動經費需要大家籌集, 每人要分配崗位, 各司己職

A: 阿 B, 你可以幫忙做 "財務" 管錢嗎?
B: 好呀, 無問題!
C: OK, 你管錢丫嘛, o甘而家你借住 D 錢比我先啦!
B: (一臉茫然) ?????
A: 你知唔知做 "財務" 要自己先墊支金錢出來先架!
D: 係呀係呀...快 D 比啦!
B: (樣子開始慌張了)

此時大家的奸計得逞, 哈哈大笑...........

「紅魔鬼」o黎啦!!

因為我係 10 月 29 日手術後當晚, 視力已經回覆了 7、8成 (就似戴眼鏡的清晰度), 只係眼累唔想費神睇o野。誰知翌日 (即 10 月 30 日)起床, 雙眼就變成了以下圖樣了：

一隻眼爆左 "微絲血管", 10 月 30 日覆診時視光師話我雙眼已經：「無晒近視, 而且仲恢復了 9 成的視力了」, 醫生話：「爆微絲血管的問題, 大約 1-2 星期就會自動退減, 不用擔心」

於是星期六晚如常的返「佛教學院」, 同學們除了慰問我外, 還同我講笑：「嘩.......你特登整到隻眼o甘樣去 "應節" 呀? (萬聖節)」

於是我就變成了...............「紅魔鬼」o黎啦!!

忐忑的心情

2010 年 10 月 28 日下午請半天假去驗眼, 預備做「激光矯視」的事前功夫, 一切看似無問題, 唯獨是我天生的「眼壓」比常人略高, 一般人的指標在 20 以下, 而我通常在 19-20 左右遊走, 屬於患上「青光眼」的高危群組。(即係視野會無故的突然收窄)

當晚意外收到幾個窩心的電話短訊問候, 有心的朋友大致叫我不用緊張, 如果真的太緊張的, 就諗佛號, 祈求佛陀保佑。其實唔知點解, 心情亳不緊張, 出奇的平靜。

終於來到 10 月 29 日了, 又是請了半天假, 心情依然唔覺緊張, 只係身邊的人不斷 "戥" 我緊張, 經常詢問我：「驚唔驚?」

終於踏出了手術室了, 由我簽「生死狀」(手術同意書) 那一刻, 一切都交左比醫生, 唉.......忘了介紹我的主診醫生「王建強」眼科醫生, 佢講野有 D 急速, 為人爽直 (有果句講果句), 唔會同你轉彎抹角。當天手術的時間如下：

下午 2:00 抵達診所 (登記、驗眼核對上次結果、分期付款、簽生死狀、講解手術 及 護理細節)
下午 3:15 手術「第一階段」開始 (當時醫生同一時段為 6 名病人 (前 4 後 2) 做手術, 所以大家要在手術室內等候手術室、儀器 和 醫生有空)
下午 4:30 手術「第二階段」開始 (因為其中一位病人進行 「第一階段」手術後 "見暈", 所以醫護花了點時間去照顧安置她)
下午 5:30 離開手術室
下午 5:30 - 6:00 小休、去洗手間、用眼罩封眼 及 離開診所

躺上手術床時, 或多或少總有點緊張, 心內不斷諗著「般若般羅蜜多心經」去穩定 同 平靜心神。醫生吩咐我：「向前望」, 其實我已經好努力去做, 只可惜有時候, 尤其當我雙眼的視線 "白濛濛 / 黑漆漆" 一片時, 心內不禁一怯, 腦內一片空白, 何處是前方, 無晒視線焦點, 我應該點樣配合醫生呀?

之後又叫我望住綠色訊號燈, 望定以後, 它會自動轉成紅色燈及打磨角膜瓣。然後醫生會幫眼睛清理 (污物), 再將角膜瓣蓋好, 這段時間雙眼望到有人在我眼球上 "攪來攪去", 不過我卻唔郁得, 眼球不期然想 "縮" (因太敏感想躲開), 結果被醫生喝止, 叫我望燈號 (其實視線上根本看不清燈號在那裡)。

手術後雙眼有點 "醃"、又有點 "銀", 好似雙眼極疲累o甘, 好想合上眼休息, 睇o野好花精神。然後大約晚上 7:00, 一切的不適症狀已經減退了, 只剩下 "畏光" 吧, 只好戴上 cap 帽在家晚飯, 翌日...............明天再續

針無兩頭利

李安導演話：「每個人心中都有一座 “斷背山”」

(同性戀情意結, 不過視乎有無外在的因素激發它變成 “實際” 的行為吧!)

我就話：

「每個人心中都有 “思覺失調” 的情緒病」

(尤其在忍辱負重的高壓環境下 “有口難言”, 只得 “啞口吃黃蓮” 般 “眼淚在心裏流”, 又或是心內抱怨着、咒罵着衰人)

「每個人心中都有天使同魔鬼」

(誰人會只有美好的一面, 全無 “陰暗面”?  只係睇o下 "它" (陰暗面) 幾時會出現而已。)

你又認唔認同呢?

別人「矯視手術」後的反應 及 護理

這是別人的經驗, 留待大家參考：

細問同事當天手術後狀況 (同事雙眼有:2XX 度近視 及 2XX 度散光):

1) 她是星期五請下半天假去動手術, 手術過程 WITHIN 10 MINS (只是前後的講解手術程序、風險 和 等候的時間較耐)

2) 手術完成後, 要在診所坐大約 1 HR, 等傷口埋口, 再即時比醫生 CHECK, OK 才可回家 (要定期回去覆診)

3) 她離開診所時 & 晚上睡覺時不用戴眼罩 (手術後醫生說她的傷口 "埋得靚", 無 PROVIDE 眼罩, 當天及之後同事出街亦 "沒有" 戴黑超, 只間中戴 CAP 帽 及 雙眼避開直接照射強光)

4) 手術後她一直 "勁流" 眼水, 感覺有點似被 "白花油" 攻眼般 "乸" 眼, 雙眼感到 "醃" 和 "痛", 直至星期五的晚上 (睡著之前)

5) 手術後她睇野一直 "矇查查" , 而且因為好 "乸痛" 及 "勁流眼水", 基本上要 經常 合上雙眼休息 (唔好諗住去街玩 & 買定野返屋企食 – 晚餐)

6) 星期六一早起身, 視力好清晰, 而且眼睛回復正常, 再無不適情況

7) (手術後一星期內) 最好抹面, 免用水喉水 “直接” 撥洗面, 怕水內的細菌入眼, 引起傷口感染

8) (手術後一星期內) 唔係 "唔准" 洗頭, 只係要 小心洗頭的污水入眼, 用 "後仰式" (如 SALON 般) 的姿勢洗頭較好