星期日, 2月 11, 2007

年....又過年, 大眾歡樂????

就快過年啦, 唔知大家需唔需要拜年呢? 小妹多年來在初一初二都會外出拜年 "豆" 利是, 今年也絕不例外。

每年一到E個時候, 我最怕幾樣o野:
1) 街上超級多人, 好擠迫, 尤其是公共運輸工具上, 往往出現糾紛。(人多之餘, d賀禮又大件, 人們不守秩序, 互不相讓)
2) 超市內人頭湧湧, 特價貨品被搶購一空 (新年賀禮), 禮物包裝的隊伍, 亦要排到好長, 有排等。
3) 極度無聊的賀年電視節目、 賀年遊戲、賀年歌曲、賀年廣告 (最深刻的係由細陪我成長的"美源髮彩, 恭喜大家發財")
4) 百無聊賴, 因為好多店舖都休息, 要年假過後才啟市 (而家d大型商店仍會照常營業), 想外出逛逛也是徒然。
5) 外出食飯 (即使係茶餐廳), 也要被加二、加三小費 (在年初一至初二), 唉!!! 趁火打劫也。
6) 一到過年時候, 自己該月的財政預算亦要勒緊d, 因為要多比長輩"買o野食", 同埋要買賀禮呢! (好彩的係仲 "豆" 緊利是, 唔係 "派" 咋!!! :P)

你地對過年又有什麼體會呢?