壽宴

今晚約左朋友 E 、朋友 I 及 朋友 J一齊去銅鑼灣食飯, 為慶祝朋友 I 之生日 (正日在下週一)。

其實我地 E 一群朋友, 經常攪聚會 (平均一至兩個月一次), 通常都係飲飲食食, 聚舊談心 o甘。 不過我地最鍾意趁有朋友生日為借口, 相約出來的。 一見面, 幾個女子, 便會 be li ba la 的講過唔停, 甚至會食一餐飯食到唔願走, 因為彼此有太多話題了。

下個月便輪到朋友 E 及 小妹我的生日聚會了, 我地建議緊攪 "大嶼山一日遊", 早上先去大嶼山的大佛遊覽 及 食齋, 再遊 "竹林心經" (只在電視見過, 未去過), 中午去東涌的商場 Outlet (特賣場, 如：Levis, Espirt 等執 "荀" 野), 晚上去諾富特酒店食 buffet (自助餐)。 內容幾豐富架, 諗起都開心呀!

不過以上的只係初步構思, 仲未確認架! 其實人大左, 反而要求好簡單, 只需一段時間, 一群啱傾的朋友, 一餐愉快的飯局便已經足夠, 壽宴 ── 也只不過是 "綽頭" 吧!

保障

某日早上聽到收音機的電台, 談論緊 「人.....點解要買保險呢? (基於什麼原因呢?)」

主持人歸納為三大原因：

1) Live too short (壽命太短)
由於人在社會及家庭的崗位上, 有一定的責任要承擔 (如：照顧父母及妻女等), 假如自己的命太短, 也希望憑著保險額去支持家人日後的 "部份開支", 以解燃眉之急, 當然, 無人願意收取此等金額, 只是怕萬一..................

2) Disable (殘廢, 失去謀生能力)
若果不幸的受傷, 雖可保得住殘命, 但卻失去了謀生 或 照顧自己的能力, 非但不能對家庭作出貢獻, 反之卻成為了家人的一個負累, 如果時間短而能夠康復固然好, 若是長期的問題, 那筆保險金的賠償亦可減輕家人的負擔。

3) Live too long (壽命太長)
現今社會的退休年齡越來越早, 意味著大家可能 50 歲或之前已經失業 (被迫退休), 而人的平均壽命大約係 85-87 歲。生活還需金錢撐下去 (還有整整的 35-37 年要撐), 單靠 MPF (強積金) 根本不能幫補得太多, 如果自己年青時的積蓄不多, 那麼如何生活? 有見及此, 一些人壽保險亦添加左投資及儲蓄成份, 讓投保人可趁早為自己的未來打算。(每月供少少款, 唔覺唔覺的儲錢, 當去到特定年齡時, 可以 "一炮過" 取回金額, 留下人壽保險繼續保障投保人的生命)

小妹年青的時候大部份因為原因 1), 而小部份因為原因 3) 而買保險 (覺得存放金錢在銀行的收益 / 增長過慢, 跟唔上通賬) ,唔知你對保險又有什麼睇法呢?

KK 好介紹

小妹家中的坐廁係 "白色" 的, 好多時無論點樣 "省" 乾淨廁所, 過兩日又係 "黃o甘o甘", 追查原因, 其實係廁所水本身淡黃色 (有時還有淡淡的臭味添), 久而久之令到白色的坐廁也 "染上" 鐵锈般的黃色污垢 (就像如廁後沒有沖廁般顏色), 令人倒胃口。

以下內容, 唔係 "賣廣告", 而係特別鳴謝 KK 之好介紹, 由小妹我親自驗證 (測試左 1 星期, 先 "省" 淨廁所, 再用此產品), 效果令人滿意 (至今仍潔白如測試的第一天), 才在此介紹比大家。

推介比大家的產品就係下圖的 "高樂氏殺菌潔廁寶", 含有 「殺菌、漂白、去污、除臭」四大功能。
E 一隻產品用法簡單 (只需拆除包裝, 掉進水箱內), 減價時售賣 $12.5 盒 (1件裝), 但經常 "斷貨", 我揾左 1 間惠康, 2 間藥房 及 3 間百佳才找得到 (大型的百佳超市易揾到, 在清潔劑的貨架上)。
希望可以提供比大家一個潔廁的良方啦! (尤其係媽媽級的你), 所以在家務上, 有時和別人互相交流心得, 可以省功夫之餘, 又有好效果, 幾好呢!

羨慕 和 珍惜

記得在過去的一份工, 認識左一位女同事, 佢的袋中每天也有 1 支顏色液體, 但顏色經常唔同的。

一次, 我問起佢：「樽內裝的是什麼?」 佢答：「媽媽牌愛心菊花茶 (有時會係五花茶、夏桑菊、紅棗圓肉茶等等)」

當時雙眼不禁流露出 "好羨慕" 佢的眼神, 心內暗呼：「如果我媽媽也那麼體貼便好了」。

靜宜媽媽係一個編織好叻的高手, 記得初到佢家探訪時, 望見靜宜家姐同埋靜宜爸爸身上毛衣、披肩 及 頸巾, 我也驚嘆佢手藝之完美。 還在心內暗暗的羨慕著, 幸好憑著靜宜媽媽對阿 Be 的愛護, 我也叨光的擁有幾件靜宜媽媽的織物呢 (披肩、帽 及 頸巾), 全部都好靚架。

但最最重要的係 「不論你身邊的物件幾好 (如：愛心湯水 及 愛心織物), 如果無人 "願意" 去珍惜 (如：女同事要攜帶及飲用湯水, 靜宜家姐同埋靜宜爸爸要穿上毛衣), 都係物無所用, 亦枉費了人家的一份心意。」就如： 千里馬也需要需上伯樂, 才感到有所發揮。

回想起來, 我只知道當時在羨慕別人, 其實我自己所擁有的亦不少, 只是我無著眼去發掘、去珍惜吧! 就如： 我的媽媽和我的關係好好, 就如姊妹一樣 (我唔嫌佢囉嗦, 佢唔嫌我無耐性)。 其實在別的一角裏, 別人也在羨慕著我呢!

我媽媽雖然不懂編織, 但佢卻好有耐性當我的忠實聆聽者, 靜聽我訴的苦水, 佢係我的 "心靈雞湯", 媽媽, 我愛你! 我會好好珍惜你給予我的一切, 成為一個稱職的伯樂。

令人懷念的 "簿仔"

在過去的週末, 小妹在家 "執房", 趁仲未開學, 一於快手快腳清理一下日久 "忽略" 的信件、隨處亂放的雜物, 令自己有一個新的開始, 用一個新的境象去迎合新學期。

在執拾的時間發現左一本已經被遺忘的 "小簿子", 內容係什麼已經唔記得了, 好奇打開一看, 有一頁紙跌落地上, 拾起才發現係一些人及電話聯絡的紀錄, 思前想後, 記起了係幾年前和家人參加 "西歐六國 14 日之旅" 的旅行團團員之聯絡。

還有小簿子記錄了開茶會的筆記 (如：當地貨幣、天氣、留意事項等等), 好仔細呢! 最精彩之處係後面的數頁內, 我竟然記錄了詳細的筆記, 關於在哪裡購買了那一款型號之 LV 手袋、銀包, 就連幾多錢售價 (折合幾多錢港弊) 及 款式的模樣我也繪畫下來, 恐怕會忘記了。當時買 LV 的瘋狂程度, 簡直嚇親街坊。

就購買 LV 一事, 讓我領略到 "德國" 人最蔑視黃種人、威尼斯人和藹可親、法國總店之日本籍售貨員全程微笑、熱情好客, 令人賓至如歸 (我在此店購得最多 LV 呢!) 估唔到幾年之後, 最令我印象深刻的西歐旅程, 竟然不是沿途的風土民情, 而是 LV 的搜購經歷呢!

小簿子又翻起我心內渴望去旅行的暗湧了, 而當時的 "畫功" 亦令我回味及見笑呢, 我會好好保全 E 一本小簿子給後人看的。