壽宴

今晚約左朋友 E 、朋友 I 及 朋友 J一齊去銅鑼灣食飯, 為慶祝朋友 I 之生日 (正日在下週一)。

其實我地 E 一群朋友, 經常攪聚會 (平均一至兩個月一次), 通常都係飲飲食食, 聚舊談心 o甘。 不過我地最鍾意趁有朋友生日為借口, 相約出來的。 一見面, 幾個女子, 便會 be li ba la 的講過唔停, 甚至會食一餐飯食到唔願走, 因為彼此有太多話題了。

下個月便輪到朋友 E 及 小妹我的生日聚會了, 我地建議緊攪 "大嶼山一日遊", 早上先去大嶼山的大佛遊覽 及 食齋, 再遊 "竹林心經" (只在電視見過, 未去過), 中午去東涌的商場 Outlet (特賣場, 如：Levis, Espirt 等執 "荀" 野), 晚上去諾富特酒店食 buffet (自助餐)。 內容幾豐富架, 諗起都開心呀!

不過以上的只係初步構思, 仲未確認架! 其實人大左, 反而要求好簡單, 只需一段時間, 一群啱傾的朋友, 一餐愉快的飯局便已經足夠, 壽宴 ── 也只不過是 "綽頭" 吧!