探訪「奇幻3D大宅」

嘩........大家知唔知由而家截至 8 月 31 日, 在沙田 Home Square (即係宜家傢俬果個商場) 地下舉辦左一個 「奇幻3D大宅」, 詳情可以參考：http://www.hkdailynews.com.hk/life.php?id=111326

在這一個「奇幻3D大宅」裏, 有驚險、有奇幻, 整個旅程令小朋友充滿新奇的歷險感覺, 內裏共有 4 個主要場景, 包括：

1) 夠薑入虎口：在入口處, 有兩隻老虎對遊人 "虎視眈眈", 你夠薑的就走入去。

2) 愛麗斯仙境的白兔先生同你約會：嘩...好多紅玫瑰花, 算你識做夠晒浪漫啦!!

3) 鯊魚口中脫險：危立崖壁邊靜悄悄的走, 期望脫離鯊魚口。(E 張相影得 "暗" 左 D, 大家的相機在此區域內要較 "光 D" 呀!)

4) 神雀跳崖記：在一個懸崖邊....點樣跳去另一邊呢?  全靠神勇的大雀幫忙, 一家幾口終於可以走到大宅的終點脫險了!

建議大家星期一至五全日, 又或是星期六、日早少少前去拍照。

因為我在周日的下午 4 點多去到排隊, 結果要.........6 點才離開大宅, 排隊企到腳仔軟, 好彩小姪好乖無扭計咋!!  因為遊人太多, 所以唔夠位影相 (有人阻住), 又或是 "無時間" 比你想一個更好的拍照位置 或 甫士, 下一隊人已經預備上前拍照。

潛行凶間

此劇未在香港上映之前, 早已聽聞它的口碑來勢洶洶, 令我心思思的好想睇。奈何它上畫的時候 "撞正" 我期末大考之前, 唯有「死忍難忍」的守住界線, 唯有等到考試之後才到戲院觀賞。

原想 "貪平" 的去睇週末 "早場" ($40 咋), 奈何太遲買飛 (將近爆滿, 只剩餘頭 3 行), 唯有作罷。最後以 "正價" 在星期二到尖沙咀的 iSquare 的 IMAX 睇 「巨幕版」的 潛行凶間, 果然..........聞名不如 "自己親身睇睇"。

好睇的並不是大卡士的巨星製作, 又或是超勁的特技攝影, 而係「有創意的原創劇本」。

從來無想過人的意念竟然係o甘珍貴的資產, 亦無想過 "以為平常不過" 的夢境原來係一個令人爭奪入侵的 "領域", 更無想過「夢境」竟然可以虛擬建築構造, 還有多層次、多介面等空間理論。劇本創作者的意念真的令觀眾「眼界大開」, 厲害!!

此片劇情緊湊, 亳無冷場, 唯獨是有時意念太新穎, 觀眾要完全理解, 還得用上時間去消化, 所以睇完電影之後, 還得用上時間去思考消化。  不喜歡思考的朋友, 此劇可能對你來講, 有一點深奧啊!

整體而言, 此劇值得推介 及 欣賞。

你愛那一類男人?

飯後一群女生談論著「男人」的話題, 當中有已婚、未婚 及 已育有小孩的。

A: 最近上映的「潛行凶間」好好睇, 大家有時間不妨一看。

B: 我知.....你鍾意靚仔男主角「里安納度狄卡比奧」丫嘛!

A: 才不!!!   雖然佢係靚仔, 但唔係我鍾意的類型, 因為佢太「o靚仔」 (年輕) 了!

B: 佢而家都唔靚仔, 老左啦!  以前做「鐵達尼」時年青 D 靚仔 D。

A: 我鍾意 D 成熟 D 的男士, 因為 Man D、有男人味 同 安全感多 D。

C (附和著): 係呀, 係呀, 我都好認同, 男人都係 "年紀大" 的 好 D, 我都鍾意「成熟型男士」。

D: 嗄???  o甘你地咪好鍾意 「老爺」囉? (註：「老爺」係以舊公司 "大老闆" 的匿稱)

A: 才不!!!!!!  「老爺」對我來講, 都係太 "後生" 了!!  (其實大約 65 歲)。 好似「嘉誠哥」o甘的年紀就差不多夠「成熟」了!!  (大約 80歲)。 除了年紀, 佢的積蓄 (財富) 都夠晒成熟, 令人好有安全感, 哈哈!!!

女士們, 你地又愛那一類型的男士呢?  靚仔、o靚仔 (年青的)、成熟型、事業型、才華型 (通常此類型有才華, 樣貌卻.....少少騎呢)。

「六國」未必「大封相」

相約了舊同事晚飯聚舊, 原本地點約在灣仔食「日式任食放題」, 後來因為訂不到位 (滿座), 只好退求其次, 食「澳洲 (美) 式的扒」, 結果有人在當天中午食左 "扒扒", 唔想晚上重覆, 我地又再更改行程, 先預訂了「灣景國際酒店」的 自助晚餐 (因為網上有 8 折優惠劵), 然後再預訂了「六國酒店 Le Menu」的 自助晚餐 (同事話免加一, 而且口碑幾好, 仲有好好玩的 "爆谷機" 喎!)

幾經波折, 「六國酒店」當日原本客滿, 後來經我地苦苦哀求下, 可能佢感受到我地的誠意, 決意在 接待櫃位 外出的空地 多加一張檯比我地, 因為有冷氣, 所以我地唔介意, 終於有得「食好野, 有少少期待」啊!

唔講o甘多, 睇o下我食左咩野：

冷盤類：雖然無生蠔, 但有蝦、螺 (有 d 沙) 同 龍蝦仔 (有膏) 的代替。
沙律類：雜菌沙律、牛展沙律 (好好味但辣左 d)、青瓜、煙三文魚、火腿

冷盤類：蕃茄仔 (鮮甜)、煙立魚、煙三文魚、紅腰豆、雜菌沙律、薯仔沙律

日式類：熟蝦壽司、墨魚壽司、日式魚蛋、帶子群邊 配 喬麥麵

熱葷類：燒雞、炒芥蘭 (好老, 有渣)、羊架、白汁芝士雜菌、腸仔、三色椒煮雜色螺絲粉、火腿、蘿蔔牛腩 (蘿蔔好甜)

粉麵類：(場內有一檔粉麵檔, 食客可以自選材料, 交比廚師去煮熟, 再配以清湯、豬骨湯 或 喇沙湯底) 我只選了各款餸菜 (芽菜、雜菌、生菜、豆卜), 不含粉麵

生果及甜品：(還有各式甜品, 如：格仔餅 及 雪糕無上鏡), 因為我食唔落, 無攞了!  圖中的芝士薯蓉焗蟹殼係同事為我攞的, 味道一般, 而且好 "漏"。

當日中午其實小妹公司 "請飲茶" 已經食到好滿足, 我以為晚上的自助餐一定無咩野胃口 (戰鬥力), 誰知道當日我由晚上 6:30 不停口的食到 大約 9:00, 勁!!!  

各同事之中, 我係唯一一個 「由頭帶到落尾」架, 名副其實的「大食 Mac」真係 "當之無愧" 啊!  (相信男士們的 "食力" 都未必夠我厲害, 哈哈!!)  埋單位位 $230。

所以話呢....「六國」未必一定「大封相」的, 可能只會產生「大食 Mac」而己!  你想唔想見識「大食 Mac」的威力呢???  如果想的話, 不妨同我秘書約個時間啦!!!

「天才」、「白痴」, 那一種才較「幸福」?

抽空欣賞了舞台劇「天才一瞬」, 內容講述：

智商只有68的查理仔 (由黃龍斌飾演)，在接受腦部手術之後，智能躍升為無人可及的天才。成為天才後的查理發現他的世界改變了，人性的醜惡令他希望追回失去的愛，包括親情及愛情。在他最聰明的時候，卻發現手術後帶來的智慧只屬一瞬……

睇後感想：

1) 演員 黃龍斌 同 扮演 "小時候查理仔" 的演員, 演出十分出色, 佢地模仿智障人士十分 "神似", 就連一 D 小動作都似到十足, 有一點震撼。

2) 雖然故事的結構、帶出的訊息十分簡單, 卻用上了大量的章節去描寫, 有一點 "拖長來做" 的感覺, 有一點悶場。

3) 故事的深度不足, 尤其係講手術後的 查理仔 變成 "天才" 方面, 只係單靠幾句說話去交待, 觀眾感覺不足佢 "天才之處"。

4) 現場收音、或部份演員 念的台詞 "食晒音" (部份字眼發音, 入晒 "喉嚨腚"), 觀眾聽唔清楚台詞內容, 感受不了帶出的訊息。

5) 從第三者角度去睇, 原來從「白痴」變成「天才」之時, 你失去的比得到的多好多, 如：私穩、又或是那一夥 "善良純真" 的心。因為「天才」會十分自負的經常防備、計算著別人。

6) 有些事, 看得太真未必好, 當你徹底知道「人心背後的私慾」以後, 生活會變得計算、防備 和 痛苦, 活得不快樂。

7) 上天很公平的, 「你有一得, 必有一失」, 不會事事也美滿。「白痴」雖然傻 (在別人眼中), 但佢活得坦蕩蕩, 在自己的圈子之中十分愉快。「天才」雖然醒, 卻令平凡人感到壓力, 與佢保持距離, 最後佢被孤立, 活得孤單不愉快。

8) 只要心中富有, 管他什麼的「天才」和「白痴」? 

「知足才會常樂」, 「常樂才感幸福」呢!! 

夠了! 別再剝削孩子!

父母 與 子女 之間最大的衝突, 莫過於子女嫌父母唔關心、唔明白佢地所想。 而父母總覺得子女唔生性, 唔體恤自己揾食艱難。  睇o下以下一個真人真事：

****************************************************************
餐店內的早上, 一行六人「自由行」走進來, 照睇佢地應該係 "兩家人", 兩對父母 各自 帶住佢地 的 子 及 女 (子及女大約 10 歲左右)。

成人在 "研究" 餐牌點菜時, 小孩子百無聊賴, 女孩無聊起來把玩餐檯的櫃桶, 一下推 (關)、一下拉 (開), 怎知這張餐檯的特別之處, 正是對面坐的那位亦可以開關 (打通的), 即係如果你 "把櫃關過籠" 便會推向我的肚子上。

這回好了, 馬上有好戲上演!!

突然「嘩.......」一聲, 女孩太大力的推 (關) 上那個櫃, 剛好落在對面肥男生的肚子上, 連帶那胖胖的手指也 "冷不防" 的被夾了一下。  這時一整檯的人都十分「關注」那胖子, 唯獨是.......那女孩仍一臉不屑的無咩反應 (睇樣完全唔覺得自己有錯, 只鄙視胖子的誇張態度)。

女孩的母親當仁不讓, 立即撲上前, 緊捉胖子的手, 又呵又氹, 不斷的 say sorry!「對不起, 對不起, 係阿姨唔好, 阿姨的錯, 阿姨唔啱, 你唔好嬲啦, 呵返呵返, 無事的...無事的」  以上說話, 至少重覆左 4 遍。

胖子開頭狀似 "真的很痛" (我相信真的), 不過僅是果一剎那, 之後樣貌開始平復了, 唯佢見到那位阿姨 "不停落力" 的表演, 又見那位傷害自己的女孩o甘囂張的態度, 自己唔做返 D o野 (交o下戲) 好似對唔住大家的「關注」, 於是乎...........

胖子先扁扁咀, 阿姨 "加多兩錢肉緊的氹佢", 然後胖子父母出手 (口) 了!!

唔出手由自可, 一出手呢......胖子立即「o黎料」啦!   馬上谷紅自己塊面, 加多兩錢 "演技" 擺出一付 「我將要大哭上吊」 、天下只有我受那種 "大傷害" 的淒慘樣子。  胖子父母怕o左活寶貝傷心難過, 想出 "轉移視線" 的方法, 立即以物質「利誘」小霸王 收聲 (大事化小) 兼 彌補佢所受的 "嚴重" 創傷。 

*************************************************************

想講的係, 雖然我並未為人父母, 但作為旁觀者的我, 真想大叫：「夠了!!!  你地 (父母) 愛錫子女係無問題, 問題在於方法完錯了, 不但不令人感到 "愛錫", 而且更是 "癲倒是非黑白" 去 "枉縱" 孩子, 現今已經 "太多一孩家庭" 了, 如果還不好好的教育他 / 她的話, 那長大以後, 若果遇上挫折, 佢地又如何自處呢?  難道 3、幾十歲才走去跳樓自盡, 還是覺得天下皆對佢不公, 有莫大的冤情卻無人明白, 想到鑽牛角尖、想到傻o左呢?」

請別再剝削孩子的學習機會!  常言道：「經一事, 長一智」, 正如英文也有： No Pain, No Gain (無痛就無得著)。  放手比佢去學習o下啦!  趁住佢地還細個, 你伴在佢身邊, 充當一個輔導員 / 領袖 的分享角色就夠了。

家長的角色並不是如故事中的 "攬晒所有罪上身, 搶住代女頂罪" (阿姨), 這對事情係 "無幫助" 的, 而且還會 "癲倒是非黑白", 令孩子不覺得自己有責任, 即使自己做錯了, 也是別人的錯, 總有一個人會替我承擔一切後果, 至少還有父母。父母應該把握機會教導女孩 "勇於承擔", 向傷者認錯。否則世上又多造就一個 "Amina 打十個" 了。

亦不該像胖子父母般, 一係掉低孩子不管 (只管睇餐牌), 一係便 "利用物質" 迫使 (操控) 孩子跟自己的意思去做, 該是先關心孩子的感愛, 再趁機會讓孩子學習在生活中遇上挫折 (傷害) 該如何自處, 思想正面的教育佢 "別人不是有心束意傷害佢" 的, 原諒別人吧! 好讓胖子知道到父母緊張自己的感受 (感到被關愛), 會和自己講道理 (分享), 從而原諒人 (懂得寬裕, 夠大方, 夠氣量)。

一孩政策下, 不論男女, 個個孩子也是父母的心肝, 如果 父母 自己都不能好好 "身教" (做好自己), 又如何教導孩子呢?  又, 如果繼續如胖子父母一樣行 "物質利誘" 政策, 對付 10 歲孩子用遊戲機, 那麼孩子成長到 20 - 30 歲時又該用什麼去 "利誘操控" 佢呢?  難道是一個住宅單位, 還是一輛名貴房車嗎? 

多陪伴孩子, 了解佢的想法、感受, 跟佢一起長大, 使佢了解父母是佢的好伴兒 / 朋友, 佢才會 "甘心命抵" 的信服你、尊敬你、因為愛你 (在乎你感受) 才自願的乖乖跟你說的去做。

曾經有人話過：「教育孩子, 幾時都係父母自己落手好, 等到某天 "別人" 替你教仔時, 哼........別後悔, 後果你可控制不了。」(究竟孩子會少隻手、少條腿, 抑或是少條命呢?)

命途

何謂「命途」?

其實就似是俗語所講的：「同人唔同命, 同遮唔同柄」雖然你我都係人, 甚至乎你我都是女人, 但係我地的背景、際遇 同 命運總有多少不同的。

不少人都認為：「 30 歲結婚生仔, 育有一對子女, 婚姻美滿 便是 最完美的人生。」但這個 “理想” 的模式是否適用於每一個人呢?

曾經為著這個 “理想的人生” 而執迷, 但靜下來, 細心的想, 才發現……………

有些人有能力卻 “不願” 付上負任, 那不如不生育, 別為了成全那個 “一己理想的美滿人生” 而 毀了那個小孩的將來 (因為唔識教, 孕育了一頭二頭的 “小霸王” 出來作惡), 亦因為 “不懂得愛” 而最終和伴侶分開了, 孩子要在 “單親” (有缺憾) 的環境長大。 又或是為了成就 “心理健全的孩子”, 同床異夢的怨侶要迫在同一屋簷下過活。

有些人卻十分攪笑, 自己做人都唔認真, 生計上根本連自己都未能照顧, 卻生下 “一大兜” 仔女, 然後………向議員、社工叫苦, 期望別人、社會對佢伸出援手, 但其實佢有否在 “做事前停一停、諗一諗” 嗎?

也許你前生的命途 (成年以前) 不由你作主, 上天安排的命運你亦不會預知, 你只能企在現時的環境下, 想清楚將來的人生想怎樣走, 才再作決定, 免得遺害下一代 亦 加重社會的負擔 (福利)。

將來的命途想怎麼走, 視乎你今天的選擇, 別因為自己的私慾而誤了別個的命途啊!

雖然每個人的起點 (出生) 和 終點 (死亡) 註定是一樣, 但當中的過程 (命途, 我們的選擇) 卻可以因人而異, 畢竟我們不是一式一樣的 "倒模" 複製品" 啊!