鄉情禮物

上整個星期, 爸爸回鄉去探望鄉里 及 划龍舟, 今日在滂沱大雨下回家了!

還從鄉間帶來好多好多的 "禮物" (全部也是鄉民自己種植 及 飼養的), 包括: 大約 30 隻雞蛋, 大約 3-4 扎豆角, 3-4斤 蕃薯籐, 10 幾條茄子, 4 個 "超級大" 節瓜, 1隻炆鵝, 1 隻白切雞 (隔水蒸)

睇見那4 個 "超級大" 節瓜, 簡直既驚訝, 又笑到收唔到聲, 哈哈.............. (尤其是拼埋去媽媽今日在樓下街市買的節瓜果度), 比你地睇o下啦!! (後方的 4 個係"超級大" 節瓜, 前方的係媽媽買的 "小節瓜)

感動

人性中有一樣野叫做 "感動", 感動係一種深入而又觸動你心的感覺, 通常都係 "感性" 大於 "理性" 的, 它可以一瞬間可攻陷你心, 令你無力招架! (開心得來又帶一點想哭, 心有戚戚然的感覺)

最近電視廣告中有一個小女孩, 常常喊: [慳得一蚊得一蚊], 開頭我唔係好明白個廣告講 D mug, 直到最近再留心細看, 才發現小女孩常常慳錢 (儲錢) 係因為 "想向爸爸的老闆, 購買爸爸一個鐘頭的加班" 時間去陪伴自己"

不難發現小朋友的想法係幾o甘 "童真無邪"的, 真的好可愛, 此舉動亦好 "窩心", 但反過來女孩的爸爸又會否好內疚及心痛呢? 因為自己經常加班, 疏忽女兒, 所以女兒才會想出慳錢去買佢一個鐘的時間, 不得不嘆句: [生活艱難, 身不由己呀!!!]

尋日去睇中醫, 醫師替我探脈象的時候, 佢的手係肥大, 厚肉而又溫暖的, 令在房外 "吹幾個鐘冷氣冷冰冰" 的我感到好享受, 不想佢縮手, 哈哈!!! (請繼續輸送一點暖意給我吧, 好舒服啊!)

同一時間, 我想起我爸爸, 因為佢同樣有肥大而厚肉的溫暖手掌, 只是粗 "鞋" 一點, 忽然在腦內不停搜索: [ 上次捉住佢隻手係幾時呢? ] 已經記不起了, 也許是我小時候, 佢拖著我走吧!! 那種溫暖的安全感令我好懷念啊! (就好似感覺到佢在保護我, 陪伴我, 牽引住我一樣), 等我抽個機會 (借 D 椅) 去拖o下佢隻手先!!

好傻的 "感動" 啊!!!!

寶藥黨??

Big Mac 遇上了 "寶藥黨" ?? 非也, 非也!!

而家終於回到家了, 等我交待一 下今日放工去左邊, 做過 D mug 先, "回帶" 呀唔該............

放工後 - 去左親友介紹的中醫店睇醫師 (連親友難攪的 "痛風症" 都醫好左, 其實上一次的 "腸胃炎" 後, 消化系統差左, 仍未回覆正常) - 乘車回家住地區 - 晚飯 - 沖涼 - 打 blog

醫師係國內專才, 現在浸會大學醫藥系任職教授, 為人幾和藹, 親友一早明言醫師 "幾有料", 因此好多人睇佢, 睇症除左要 "預約" 之外 (我早三個星期前已經約定了), "新症" 還要有耐性 (輪候), 仲要作詳細的睇症前評估, 睇症時間亦較長

結果我比預約時間早左去 (原定晚上 7:00, 我 6:50 抵達), 登記後等到 7:30 才作睇症前評估 (問過往病歷, 查詢對藥物有否敏感, 度高磅重, 檢查血壓脈搏, 還要驗小便添, 仲要查問今次到診原因及患病過程), 過程都好認真架, 結果 7:40 才完成睇症前評估

等呀等...............等呀等...............終於等到了!!! 已經係晚上的 9:50 啦, 入房內比醫師診症了, 除了對話之外, 還有探脈象, 按胃肚, 用聽筒聽肚, 按手腳檢查, 才開藥方, 醫師說我上次患腸胃炎之後, 消化系統功能仍然 "紊亂失調", 要用藥調理以回覆正常

唔講你唔知, 經佢診斷後, 我才發現原來我的體質都幾............"濕滯" (難攪) 的, 因為我屬於 "氣滯濕阻" 形的體質, 簡單來講即係 "循環不佳" 囉, o甘體質又點會好呀!!









診金 $90, 每劑藥 $40 (我要求用較方便的藥粉, 親友說功能和傳統煲藥的一樣), 一共開了 7日藥, 共 $370 大元, 每日早晚要飽肚各服一次藥, 每次服用兩包藥粉

E 一包 "寶藥" 包括了 1) 藥方及收據, 1) 28 包藥粉 及 3) 一撮 "送口" (陳皮梅, 因為爸爸愛吃, 所以我取囉, 我唔食架!) 其實都唔算貴, 因為 "健康係無價的", 下星期五一早又去見醫師了 (早上 7:30), 不過..........今晚白白浪費了一堂跳舞課就有點兒唔抵啦!

有 "股" 惑, 好開心!!

近年來, 貪得意跟人地學o下野, 得閒就去抽新股 及 買少少實力股玩o下 (尤其舊年股市暢旺)、投資o下。

因為 (資) 本少, 又無什麼時間成日睇住個市 (唔敢買風險高, 成日要睇價位的股票), 所以從不期望靠投資股票去 "發達"。

從經濟的角度去睇, 我只係 「想盡量保持現金的購買力」吧! 因為不斷的通賬 及 港元和美元掛勾, 間接貶值, 銀行儲蓄又減息 即使做 "定期存款" 也 "無肉食"。所以手頭上的現金購買力一定會下降, 變相等於 "身家縮水"。

尋日....我就 "有股惑" 啦, 因為其中一隻股票派出 07 年末期息 及 特別股息, 每股派 $0.355, 哈哈.........都幾開心架!

在我低潮的日子裏, 有 E 一D "股惑" 也唔錯喎! 希望陸續有來啦!!

好o野......買到了!!!

今日一早已經 "扎行馬" 去網上購買期待已久的舞台劇 《我不好愛》戲票。 (以前試過售票系統繁忙 (容不下太多人), 叫你稍後再嘗試登入)

雖然戲票在 6 月 6 日上午 10:00 才開售, 但我唯恐買唔到飛, 所以 9:55 已經開始不斷 "登入" 售票網站, 務求 "踏正" 10:00 準時買飛。(不過我有 "張良計", 網站亦有 "過牆梯", 因為 9:40-10:00 為網站更新時間, 其間用家不能 "登入 及 買票", 10:00 才重新放開於用家售票。)

面對住此情況, 我在 9:57 開始依然不斷嘗試 "登入" (害怕網站和我的時鐘有差異), 終於在我時鐘的 10:01 我可以登入啦, 今次仲可以 "自已在網上揀位" 添, 真開心! (興奮得有少少手震, 連電腦的滑鼠也不受控制)

如果大家對此劇有興趣, 可參考以下網址
http://hk.myblog.yahoo.com/jojopumpkinjojo/article?mid=12803

另外等我在 7月份睇完舞台劇 《我不好愛》才再和你地分享啦!

累了......就放手

今日睇到 E 一篇文章, 幾有意思, 大家一齊分享啦!

累了.....就放手吧.....
放手不是要忘記或忽視過去.
不是要遺忘憤怒 , 忌妒或悔恨的感受.
放手不代表輸 , 也不是贏.

放手跟自尊面子無關 , 也不是為了停頓在過去.
放手也不是留住回憶或重溫悲傷 , 也不會留下空虛或傷害.
放手不是放棄或退讓 , 也不是損失或挫敗 !

放手是珍惜回憶 , 是克服悲傷 , 繼續向前的勇氣.
放手是打開心靈 , 自信迎向未來.
放手是接受事實 , 學習 , 經歷及成長 .

放手是感謝這些帶來歡笑和淚水的經驗.
放手是檢視過去 , 現在和未來所擁有的一切.
放手是有勇氣接受改變 , 有力繼續往前走.
放手是代表成長 !

放手......明白有時內心才是醫治自己的最佳良方......

其實我認同以上說的, 不過在放手之前 "必先經過努力的挽救 (為值得你珍惜的, 免日後後悔)", 如果最後仍未能如願, 就要洒脫的 "放手", 否則對大家也不好, 亦在懲罰你自己。

安然的成長

「經一事, 長一智」 這是老生常談, 老掉牙都記得的語句。

計我話：「出左糧, 補返o下」就適用於我辦公桌上的兩棵小寶貝身上啦!

其實我平日也好少打理佢地的, 每個星期一 (假期回來後), 就加一點水, 回復至正常水平 (不是換水), 然後每個月當我出糧的時候, 就比 3-5 滴補品佢地嘆o下 (觀葉植物用的葉肥), 希望佢地繼續 "茁壯" 的成長。













講過 「秘密」 你知啦, BB 富貴竹的高度, 就快高過我位置內的屏風啦, 勁!!!!!!!!!!!!!!!!!!!!!!!!!

背叛

「背叛」令你想起什麼?

「背叛」是一種 "欺騙 + 變更" 的行為, 如：被朋友出賣、被親人中傷、被愛侶遺棄???

當中或多或少也包括著一點點的怨恨, 而 「最最最」令人傷心的卻是：「信任破產」, 多年來艱苦建立的信任關係, 卻不消一秒鐘便消失得無影無蹤。 (「人的心」點解可以變得o甘快o甘恐怖呢?)

然而最可怕而震撼的卻是那伙伴曾經是你 "肝膽相照" 的患難之交、是你那 "血濃於水" 的親人、還有和你 "同床共枕、風雨同路" 的愛侶。 那些都是你曾經視為 "至親、至珍貴、至信任" 的人, 卻可在頃刻間變得如此的陌生、可怖!! (你在驚嘆佢的轉變同時, 亦懷疑自己的眼光)

一旦發生了 "背叛" 事件, 你的心就如 "四川大地震" 一樣, 轟然的震撼你心, 劫後餘生要重新生活, 首先要建立 "信心", 因為你已經 "迷失" 了, 對人缺乏了信心 (信任), 深怕再一次受傷害。

隨著時間的洗禮, 終有一天你的傷口會結疤復原, 他日再遇上那背叛你的人, 你可以昂首闊步的步過, 再不用理會目光閃爍的佢, 因為佢只係一個 "路人甲" 而己!

他不好, 你再好都無用

今日在網上睇到此文章：

她對他很好。
不只她自己認為，我已經盡仁盡義，扮演了最完美的妻子，自認為 「出外像貴婦，在家像煮婦，床上像蕩婦」。

每次好友們的老公有外遇，她在勸慰她們的同時，心裡都有一個冷冷的聲音嘲諷著：
「那一定是妳不溫柔，妳老公才會有外遇。」
「妳根本不回家煮飯，老公當然想到外頭偷吃。」
「妳身材發福成那樣，老公怎麼會對妳有興趣。」
「因為妳沒生孩子，老公才會有外遇。」
「因為妳有疑心病，老公受不了才有外遇。」

雖然沒講出口，但她都會慶幸著：因為我事事都做得很完美，有兒有女、既能幹又溫柔，所以我們家才能這樣幸福，我才能夠罩得住老公。

三十六歲那一年，她的老公還是有了外遇。對象竟然是婚前女友，而且是因為老公的車停在某家賓館，被她發現「這不是我家的車」嗎，留在那兒守株待兔，才發現老公和一個女人從裡頭勾肩搭背走出來。

這個事件引發了她的疑心病，她左查右查才知道，其實老公所有的朋友和同事都知道，多年來他深愛偷吃。 還會公開到帶二嫂去聚會，全天下只有她不知道，還在為自己全方位的御夫術沾沾自喜。

「我已經做得這麼好，我有什麼錯？為什麼他還……」她不斷的自責，企圖找出自己還沒做得好的那一點，幾近精神崩潰。

其實，不必自苦，在許多感情事件：比如友誼、愛情、婚姻、甚至婆媳關係、翁婿之間，都像在跳雙人舞。 其中一個人跳得好，或許可以使另一個人的舞步越來越滑順美麗， 但是也可能只會讓那個跳不好的相形見絀、自暴自棄。 更有可能發生：明明是他跳不好，他還怪你不會帶的狀況。

最難改變的更可能是基因問題，他跳舞本來就不專心，只對身旁其他鶯聲燕語有興趣。 他不好，你再好都沒用。


天下間好多東西係相輔相成的, 因此一隻手掌拍不響, 牛唔飲水唔 "禁" 得牛頭低。

當頭棒喝

今日瀏覽別人的網址, 見到此句子：

"Why did you treat me so badly ? "
"Question is, why did you allow me? "

中文譯本 (我自己譯的)
點解你會對我o甘衰 (差)?
問題係: 點解你又容許我?

E 個問題值得深思, 是否意味住你唔想別人待你差, 就先要告訴對方你的要求和底線, 不能超越、自己也絕不讓步、妥協。

否則對方唔會覺得你包容佢, 只會對你越來越過份, 因為是你的行為讓佢知道 "你容許" 佢o甘做, 那佢可省下心思去待你好, 只因為 "你容許"的。

原來別人待自己差, 自己也不是亳無責任的, 因為自己不懂得保護自己 (太過讓步), 為自己著想得太少, 才招至今天的惡果。有時候某些做人的原則要堅守, 不能作出讓步妥協才是正確。

無奈人生

有一厥歌詞是這樣的：

「世間不會停頓片刻 給我空間去面對結果
狂熱地無奈地已犧牲了 留下我獨個面對更多」

人生充滿著種種的希望, 亦充滿著各樣的無奈 (不由得你去作主, 如: 生命的時限)。 既是如此, 就要考o下你的 EQ, 睇o下你用什麼態度面對啦!

最近我經常用 E 一種想法去勸勉自己, 即使有多無奈, 也得生存下去, 何不用正面一點、開心一點的態度面對呢? 我心知：「縱使內心感到痛苦, 在努力遮掩著、苦撐著, 也許 "習慣會成自然" 呢, 那人不是會開心一點、而親人亦無需為你擔心嗎?」

我唔知o甘樣想對不對, 只知 "唔想自己頹下去"!! 我會常用以下的歌詞去勉勵自己 (出自 "季節" 一劇的)

「常言道怨亦要做人 笑亦要做人 冷或暖心是你心
惡運都盡頭 好景的將降臨 晴天將臨近」

無意的踐踏

最近公私兩忙, 忙得不可交關, 心情跌落最低點, 好多煩惱, 好多事要急著做, 急著解決, 而涉及事件的其他人呢? 卻可獨善其身, 繼續其開心的生活, 一切的擔子也附加在我的肩膀上 (如: 把工作任意的推在我身, 彷彿佢自己無任何責任), 我感到好累而無助啊!

你我皆是有血有淚, 有尊嚴的 "一個人", 何解彼此的際遇卻相差十萬八千里呢? 是我前世欠了你的嗎? 還是我愚不可及, 不懂得保護自己呢? 抑或我天生就註定比別人低賤, 永不能抬起頭來?

滿以為找人吐一吐苦水, 聽一聽別人的意見, 終可找到解決的辦法, 無想過.............週邊的意見出現分歧了, 再一次自尋煩惱, 該用 A 方案, 還是 B 辦法呢? 我知.......大家也在為我 "肉緊", 才會為我想出更多更多的解決辦法, 有時在說服我的同時, 不自覺的加上一兩句對事件的評價, 我感到真的難憾了!

親朋好友啊!! 我知你地錫我, 肉緊我, 但你地有時的一言兩語的評價 (如:一早就不該如此, 點解你唔一早做好它??), 就似一把利刀的刺在我心, 讓傷口更深, 又似在傷口上灑鹽, 令我更痛, 其實我想你知道............................

我不是孩子氣, 我不是任性, 我也嘗試過忍耐, 我不是在鬧著玩, 攪對抗的人, 我也想 "為大局著想", 我也比過機會 "以別人的方式" 解決問題, 但最終的決定權不在我, 不是我不願去面對, 我也想盡快了結事件, 讓我可以重新愉快的做人

我知道世上無永恆的對錯及公平, 不過..................真的又是我做錯了什麼嗎? 難道我對別人的惻隱真的不值錢嗎? 只值得別人拋在地上, 隨意的踐踏嗎? 還是我該 "強硬一點", 捍衛自己的權利, 向外宣洩自己的主權, 叫別人不要再隨意的玩弄我 (我不是好欺負的)

我累了, 我真的太累了!!!! 想逃也逃不了, 因為問題一次又一次的迫近我, 我快被迫瘋了, 我該如何是好??? 還是把一切埋在心底, 不讓別人擔心, 也不再介意自己是否衰人、 蠢人、 又或做得對或錯呢?

其實你地有無嘗試 "企在我的角度, 去想o下我面對的一切", 想想我是否真的如你想像般愚昧無知、處事不當嗎?

善有善報

E 兩日我做左 "大善人", 既捐血, 亦食齋 (唔殺生)

因為尋日放假閒賦在家, 結果一個早上 (大約三個鐘) 已經 "超額捐血" 了 (mug 唔係話 "成年女人" 係要隔 4 個月才可捐血的咩??)

大家睇o下我捐血的戰績啦, 單係一隻腳已經有o甘多 "蚊癩" 了, 仲未計另一隻腳同埋對手呢! 今日仲定時定候在公司痕癢發作添!!

另外今晚媽媽同我去食齋做晚餐 (客飯套餐), 有 "香煎芋絲藕餅" 同埋 "鮮茄四蔬素牛丸 拼 梅菜香芋扣肉", 味道麻麻地 (不過今晚人太累, 無 mug 胃口, 只想瞓覺)

俗語說: "善有善報, 惡有惡報, 若然未報, 時辰未到!!" (也許我的時辰快到了)

我的減壓尋開心良方

由細至大我最愛的係 "食, 食, 同埋食" (媽媽成日笑我為食豬)

我的價值觀比其他人亦有一點怪怪的, 我唔係好捨得花錢買名牌, 買靚衫, 買化妝品等, 但我幾捨得花費在飲食, 旅遊和進修方面, 也許因為我認為 "食" 最重要除了食物美味之外, 還有和誰人共聚, 同埋食的氣氛環境, 也會影響食的開心程度

你地睇.......今晚飯後媽媽和我去左百佳超級廣場掃貨, 一共買左 $77.6, 卻換來我心中無比的喜悅和滿足 (就如小孩子得到了佢喜愛的玩具一樣, 好鼓舞和開心), 最特別的係買左 "新口味的薯片", 包括:

1) 烤魷魚味薯片

2) 蜜汁燒雞翼味薯片

愛分享

時下夫婦多是 "打工一族", 所以好多時也是 "一孩政策", 將最好的資源及時間集中比晒一個孩子 (以免分薄), 以培育佢地成長

如果小孩無兄弟姊妹陪同成長, 好多時變得自我中心 (只顧自己的感受, 而不理別人), 容易不懂和別人分享自己擁有的, 亦會不懂得表達心中所想 (因為缺乏和同齡的小朋友溝通交流, 表達技巧進步緩慢)

尋晚同媽媽, KK 夫婦, 亨 B 及其爹爹等一同晚飯, 亨 BB 開始學懂和別人分享自己擁有的 (食物和飲品), 幾叻仔喎!! 值得鼓勵