「虎虎生威」迎新歲

仲有大約半個月就到「農曆年」了, 街上、商場、店舖也紛紛擺滿新春佈置。

今年係「虎」年, 喻意 "生龍活虎、虎虎生威", 好有朝氣的樣子。不過 「虎」始終係一種威猛 又 略帶兇殘的動物, 所以如果用 "寫實" 的模樣出現, 難免會嚇怕小朋友。

領匯管理的商場就用上了 「卡通化的老虎」(上圖) 來作佈置, 顏色鮮艷、搶眼得來, 又唔會嚇親細路, 幾靚呀!

睇o下圖中的小朋友 (右下角) "落力的" 拉佢的家長走過去佈置前, 就知道「卡通虎們」幾o甘可愛 兼 和藹可親啦!

希望大家今年好似「老虎」o甘的體魄強健啦!

** 問：點解「虎虎們」的前額總要 有個 "王" 字呢? 莫非出自「王老虎搶親」?

「傻蛋」有傻福

最近手上攞起 "探熱針", 思緒飛快的回到以前 ─── 「想當年」了。

記得小時候體弱多病, 還經常 "半夜三更" 發起高燒來, 每次發燒時, 感覺 "零舍" 唔舒服, 標汗、發冷、全身發滾熱辣辣、感覺缺水 及 暈眩, 只想飲水 以及 睡睡睡..........

別的小朋友唔舒服時, 唔係人人都懂得 "自動報告" 比父母知, 通常要等父母自己察覺到異樣, 才帶佢地去睇醫生。

但唔知點解, 我唔舒服時 (尤其深夜發燒), 總是似懂非懂的 (就似有 "感應" 一樣) 會走到父母的床邊, 捉住媽媽的手, 放到自己的前額上, 並說：「媽媽我唔舒服呀 (發燒), 你帶我去睇醫生啦!」 通常媽媽都會立即起身幫我探熱, 然後餵服退燒藥 及 餵我飲水, 再安慰我明早帶我睇醫生。

就係o甘.......那個「小傻蛋」傻o下傻o下的 "藕" 大了, 都話「傻蛋」有傻福架啦!

童心看世界

又係探訪小姪的時間啦! 無見一輪, 佢好似又長高了不少, 三歲多的小子, 身高已經高及我的 "手踭" (有我半個人o甘高呀), 厲害!

今次去到佢家, 小子興高彩烈的攞出佢課堂上的得意傑作比我睇, 其中一張如上圖, 你地估o下佢畫緊邊個? (為方便記錄, 最右的圖像代表 1, 順序至最左邊 為 4), 我地的對話如下：

我：咦......E 張畫好靚喎! 1 係邊個黎架!
小子：E 個係爹爹
我：點解 E 個係爹爹的?
小子：因為核突! (我失笑了)

我：o甘 2 呢? 又係邊個黎架!
小子：E 個係爺爺
我：點解o既?
小子：因為好大

我：3 又係邊個呢?
小子：E 個係亨仔黎架
我：點解呀?
小子：(用手指住表達出 "亨仔" 同 "爺爺" 係拖住的, 因為上星期見面時, 佢地係拖住的)

我：4 又係邊個呀?
小子：唔知呀
我：係呀? 但係畫得好靚喎

以小子的手仔黎講, 肌肉控制尚未完全掌握, E 幅畫已經畫得相當有水準了, 大家話係唔係?

「無知」的輕鬆

早上醒來有點 "唔開心", 因為清晨發了一個夢, 夢境是支離破碎、毫無組織 兼 不合邏輯的, 一時間鏡頭在此, 轉眼間又飛到另一個場景, 發生另一件事。

夢中的我是有「預知」能力的, 知道眼前一個常常熱心幫別人的男人將會死亡 (現實中並不認識那個人, 但在夢中卻是認識的), 然後街上發生了交通事故, 因為有即時爆炸的危險, 大家紛紛躲避 (包括那個男人、父母 及 我), 不知何故的我地走到一幢大廈外牆那窄窄的 "花槽" 上危立 (前面並無欄杆, 稍一不慎, 就會 "跌落街"), 還不時向下望望事故現場, 想了解狀況, 最後................(相信該名男子不知什麼原因會死亡的) 現實中的媽媽叫我起床了!

起床後心情有點悲哀, 有點不爽, 何解「好人總打不破早死的宿命」? 但又領略了一點點的道理：

人生在世, 有時你幫o下我, 我幫o下你 (正如該男子常常幫人一樣), 也許此乃是前生欠下別人的債, 今生需要償還, 縱使現實中有些事未能如你所願, 總之「償還」過後, 一切便會重新開始。要發生的總會發生, 不需問點解? 因為無得解釋, 只需問問自己心意 (想做 而 該做的嗎?) 如果「是」的話, 便好好的幹吧!

有時「無知」(無 "預知" 能力) 也是一種福氣, 因為輕鬆無負擔! 我樂做一個「無知」人。

試用新產品 《二》

留長頭髮已有一段日子了。頭髮長得好慢 (也許頭髮營養不足, 代謝較差吧), 而且髮尾經常乾旱、折斷 及 開义 (感覺 "鞋十十"), 令人好忟憎呀!

一於趁農曆新年前去剪頭髮, 去掉劣質髮尾先..............奈何劣質髮尾數量太多, 未能盡去, 於是急於四出搜尋 "補品" 幫它補充營養, 令其健康成長。

廣告話：潘婷 E 隻 "Clinic Care" 急救修護精華 有如 "診所護理" 般修護劣質頭髮的髮芯 (從頭髮的內裏開始修補受損 及 補充養份), 一於又試o下啦!

用法：洗頭 及 護髮 過後, 印乾頭髮上的水份, 塗上 "Clinic Care" 急救修護精華 至頭髮中段至髮尾位置, 慢慢的用手梳向頭皮位置, 放置 3 分鐘後, 便可沖水洗去。

效果：基於 "唔好o徒" 的關係, 我照說明書程序使用, 不過卻放置了 45 分鐘才沖洗 "精華素"。用後感覺真的柔順不少, 而且髮尾看似無o甘乾旱, 整體髮質亦好似 "強壯" 左少少, 效果大約持續 4-5 天左右吧 (以我每天洗頭的密度計)。

售價：萬寧價 $ 80 / 1 盒 (10 支)

更好的另一半?

偶爾睇了一套劇集, 劇中的男主角 (醫生) 帶同未婚妻女友 (秘書小姐) 出席同學聚會, 男主角和同學言談甚歡, 講的話題圍繞著 "品味紅酒", 更說要遠赴外國的酒莊參觀等等, 女主角因為圈子不同的關係, 顯得狀甚無聊, 話不投機, 苦等著聚會結束。

身為一位女生, 渴望尋找到一個愛自己、有條件、有成就、可靠 兼 可依傍的男生像是理所當然的理想, 相信作為女生的朋友、家人也絕不會反對。

假使兩個人之間相處無問題, 有無深入的想清楚彼此的圈子不同, 大家磨合得到嗎? 就以上的劇情, 感覺像是女生高攀了男生一樣, 女生完全融入不了男生的生活圈子, 難道以後男生和朋友間的聚會要 "單拖" 出席, 抑或要女生繼續 "裝出感興趣" 的樣子去苦等聚會結束呢?

而且女生的家人, 親戚也要在男生的面前 "扮有品味", 高攀起來嗎? 那真是一件苦事。

作為女生, 另一半有本事固然好, 女生父母也會感十萬個放心, 但真相又是如此嗎?

還是應該找尋圈子、條件差不多等級的另一半, 大家才會感到坦然舒適的相處呢? 天下間有幾多個李澤楷 (會降格尋找心中的公主), 誰又會知公主的心情快樂嗎? 也許只是一隻 "斷六親" 的金絲雀吧!

作為父母者, 女兒嫁得好的郎君, 不用憂柴憂米過日子, 當然值得放心, 若然女兒及自己也常要 "演戲" 般過日子 / 見女婿 (免失禮於人前), 又會自在愉快嗎?

試用新產品 《一》

早在 2009 年, 新產品「牛乳之足膜」請了多名影視藝人為代言人, 宣傳攻勢一浪接一浪, 講到其功效十分強勁, 攪到我蠢蠢欲動添。

雖然雙腳的 "枕" 同 "繭" 唔算多, 不過久不久也要為其去死皮, 與其要磨砂又或者用浮石磨皮, 不如 "貪得意" 試o下新產品啦, 睇o下可唔可以輕輕鬆鬆去死皮?

之前專誠 "唔試新產品" 係唔知它有無效? 有無不良反應? (聞說 "產品酵素" 過高, 不過用一次半次該無問題呱?) 而且炎炎夏日也是著涼鞋、露趾鞋的好日子, 雙腳脫皮也不太雅觀吧! 所以留待秋、冬天才試用產品。

用法：潔淨雙腳抹乾後, 剪開足膜封口, 套上膠足膜 (內含液體), 雙手輕輕按壓足膜, 直至液體完全覆蓋雙腳, 撕去雙面膠紙, 緊貼封口並穿上襪子 (方便四處行來行去), 45-60 分鐘後除去足膜 (不要超時), 用清水潔淨雙腳便完成了。

試用 5 天後, 雙腳還未有反應喎, 未知 10 天以後情況又如何呢? 「牛乳之足膜」(一般鞋碼 "42" 號鞋以下適用, 售價為 $148 / 盒)