試用新產品 《一》

早在 2009 年, 新產品「牛乳之足膜」請了多名影視藝人為代言人, 宣傳攻勢一浪接一浪, 講到其功效十分強勁, 攪到我蠢蠢欲動添。

雖然雙腳的 "枕" 同 "繭" 唔算多, 不過久不久也要為其去死皮, 與其要磨砂又或者用浮石磨皮, 不如 "貪得意" 試o下新產品啦, 睇o下可唔可以輕輕鬆鬆去死皮?

之前專誠 "唔試新產品" 係唔知它有無效? 有無不良反應? (聞說 "產品酵素" 過高, 不過用一次半次該無問題呱?) 而且炎炎夏日也是著涼鞋、露趾鞋的好日子, 雙腳脫皮也不太雅觀吧! 所以留待秋、冬天才試用產品。

用法：潔淨雙腳抹乾後, 剪開足膜封口, 套上膠足膜 (內含液體), 雙手輕輕按壓足膜, 直至液體完全覆蓋雙腳, 撕去雙面膠紙, 緊貼封口並穿上襪子 (方便四處行來行去), 45-60 分鐘後除去足膜 (不要超時), 用清水潔淨雙腳便完成了。

試用 5 天後, 雙腳還未有反應喎, 未知 10 天以後情況又如何呢? 「牛乳之足膜」(一般鞋碼 "42" 號鞋以下適用, 售價為 $148 / 盒)