星期六, 9月 25, 2010

初嚐「刮痧」

某次中醫會診時, 醫師說:「倘若你唔熟悉穴位所在之處, 但又想養生保健, 不妨試o下 「刮痧」 療法, 只要在脊骨 (由頸椎 至 腰椎) 的左右各隔 0.5 公分 (如下圖的紅色路徑), 因為脊骨附近有近 20 個穴位, 而且覆蓋全身的內臟 (如圖示:肺、心、肝、膽、脾、胃、腎、大腸、小腸), 用刮痧板 + 潤滑油 (潤膚膏亦可), 輕力的刮動至微紅便可。這種做法, 有病醫病, 無病保健強身。一星期做一次就得了。」

一星期前, 我的右頸至肩膊位置, 肌肉好緊, 未至於 "瞓矮頸", 不過幾乎擰一擰條頸 就 扯住痛一樣。於是我一有空便用手替它按摩, 但改善不大。

一星期過去了, 情況依舊, 想起了中醫師的忠告, 的起心肝, 用瓷製的匙羹 + 潤膚膏自行「刮痧」(刮埋藍色路徑), 雖然只係細細力, 不過好快皮膚就泛微紅了!  刮完之後, 第一個感覺係.......「鬆」!! 

之後上網睇o下「刮痧」的資料, 原來它屬於自然療法的一種, 利用外來刺激令身體產生自癒能力, 勁!!
http://www.qcmchk.com/p2_8.html

「刮痧」好處:

 1、刮痧對皮膚的作用是使皮下充血,可使皮脂分泌通暢,皮膚柔潤而富有光澤,膚色紅潤,皺紋減少,還可以減少脂肪,加快代謝和有助於減肥。

2、刮痧對血管的作用是通過經絡腧穴刺激血管,使人體周身氣血迅速得以暢通,病變器官和受損傷的細胞得到營養和氧氣的補充,氣血周流,通達五臟六腑,平衡陰陽,可以產生正本清源、恢復人體自身愈病能力的作用。

3、 刮痧對人體免疫功能的作用刮痧可以促進正常免疫細胞的生長、發育、提高其活性,同時可促進淋巴細胞、白細胞和其他免疫細胞對病毒、細菌的過濾和吞噬作用。刮痧可使人體的組織胺、類組織胺及乙酰膽鹼分泌增多,使其攜帶氧氣和血紅蛋白的數日相應增加,從而加速免疫細胞營養的補給。這些都有助於人體自身免疫系統功能的提高。

4、刮痧對消除疲勞、增強體力的作用是在超負荷工作和大的活動量之後,人的肌肉由於過度緊張而收縮,使肌肉內代謝的中間產物--乳酸大量積聚,人就會感到全身疲勞、肌肉酸疼。

「刮痧」方法 及 其他資料
http://hk.knowledge.yahoo.com/question/question?qid=7006052202148

星期五, 9月 24, 2010

畢業放榜了, 好o野!!

9 月 22 號英國時間上午 9:30 (即是香港時間當日下午 4:30) 係我的「大日子」, 因為學校網頁會公佈「上兩個學科成績」 及 「畢業總成績的等級」, 原來眨o下眼, 唔經唔覺又兩年多!! (學位課程需時兩年)

下午 4:00 左右, 接到同學通知已經「放榜」了, 她收到好成績 (說是意料之外的驚喜, 但其實她「實力非凡, 只係嫌遜唔表露」吧!  因為她的畢業論文有 77 分之高分呀, 勁!!), 並吩咐我盡快上網睇成績。心情好緊張..............並叫媽媽在旁 "壯膽" 才敢查閱成績, 結果..................

上兩個學科也是 "猛車邊" 掂住 "第一級" 成績合格, 而兩年來的學科總成績呢, 考獲「一級榮譽畢業」了, 好o野! (不用再攞出 "中五那張見不得人的會考成績單" 出來見工面試了, 終於可以擺脫它!)

冥冥之中好似「整定」一樣, 如果不是遇著某些經歷, 當時我係打算置業供樓 而 放棄繼續進修, 最後置業夢碎了。遇上朋友的強烈鼓勵:「 反正有機會讀下去, 何不趁後生 又 有多餘錢, 供自己進修下去呢?  是時候該為自己打算o下, 免得日後後悔」。

多謝你, 那位在逆境之中鼓勵我的朋友, 幸好當時聽到你的勸說, 否則轉頭回望, 兩年間似乎依然 "原地踏步, 亳無長進", 至少 E 一刻「多左一張沙紙」之餘, 這些年來, 生活過得很充實, 日子也並不寂寞。

星期四, 9月 23, 2010

2010 廸士尼之靚相集

因為今次旅程只得 1 人有帶相機, 同埋大家又掛住完, 所以影的相唔算多。

首先登場有應「萬聖節」主題的布偶美女 及 骷髏骨人阿 Jack (好高啊!!)

「夢幻花園」內有美妮、大肚腩阿 Pooh、布魯圖、高飛, 頑皮的高飛還用手遮住我的面 同 動手 "唧" 我的 "小豬腰"添, 真攪笑!!

影得最多相的可說是在「美國小鎮大街」的各式紀念品商店了, 因為可以 "任攞" 道具影相 (不用花錢買), 正所謂「不在乎天長地久, 只在乎 "果一刻" 擁有, 又唔駛煩買返屋企擺去邊」, 係咪!!
多款頭箍任你試戴!!  有美妮、小白貓 同 應節的魔鬼造型!

多款公仔, 任攬唔嬲!!  因為太貪心的關係 (貪大隻), 我好似 "挾持" 住米奇 同 美妮 呀!  (箍實佢地條頸, 佢地就快 "窒息" 啦!)

著起美妮的 "經典波波紅圍裙", 加埋個嬌俏甫士, 我夠唔夠「卡娃 E」呀?  你睇.......米奇對眼 "亮晶晶, 閃令令" 的發光啊!

多得朋友仔有帶相機, 又記得义足電, 仲要高效率的比相我, 我才可以上載至此咋!  Thank you so much!

星期三, 9月 22, 2010

廸士尼「大突破」之 「我愛音波功」

話說我地玩到下午 3:00 左右, 唔知玩咩野好, 閒逛間見到一項設施門口 無咩人排隊, 無深究過係玩咩o, 一於 上前排隊去, 原來係「大街酒店」(註:當時無留意紅色 "詭異" (右邊) 二字)。記得上次來樂園的時候, 這位置的設施是「米奇聖誕屋」, 內裏擺滿各式各樣的聖誕佈置, 加上米奇米妮同我地影相。  我估今次都應該係「大同小異」吧!  只不過係 轉換主題!

o下排o, 工作人員通知要分批分場, 我地三位女子被編成一組 (再無其他人陪同, 那刻 意會 可能係我地的 死穴「鬼屋」, 勁想邀那名男工作人員一齊玩, o下膽!), 入內前工作人員又告誡:內裏十分黑, 不可拍攝。幾名女子已經事前聲明:「我會狂呼大叫, 大家唔好因此而感到驚嚇」。

※ 為左令大家更容易明白, 請細讀以下文字, 另加小妹的漫畫作參考, 以感受一下當時的氣氛


 A) 123, 大家每人伸出一隻手, 緊緊握 ”, 然後進內, ……..真的黑到「伸手不見五指」, 我自知膽小, 一早戴上 Cap , 同自己講:「手握住她們, 頭向下望 (望地下), 唔好望附近 (怕見鬼), 慢慢的向前走就可以了。」大家摸黑的一步一步向前走, 那條路 (走廊) 頗窄, 容不下 3 人並肩而行, 我地只好 2人稍前, 1 人少許墮後的逐吋步行。突然……背後傳來男士憂怨聲:「喂…..行快D !

「嘩………..……………………………..」女生的尖叫聲不斷。※註:之後我地「全場歇力地尖叫」(除了間中開聲講o野外)

B) 一路上, 剛才被鬼失驚無神 出來 開聲嚇的情況不斷, 恐怖的事情終於出現了, 我地步至一間倘大的房間, 內有一張鐵架雙人床, 好多蜘蛛網, 四周都唔似有路可行, 驀然2 (右邊) 方向走出一隻鬼, 我地 3人自然的向左避, 然後 10 () 方向又撲出一隻鬼向我地咄咄進迫, 慌張起來, 只好向後退, 後方 (6 點方向) 又走來一隻鬼, 他在我地耳邊細語:「入面死左好多人呀, 你仲唔快 D 走就趕唔切架啦!

C) 可憐那 3位女子如像盲頭烏蠅般四圍 、四圍避開惡鬼, 但我地從無放開手, 一直緊握的四處撲, 及後慌過頭的揾唔到路走, 我尖叫之餘, 唯有開口 (求饒):「呀好驚呀!!!  o係邊度呀, 我地應該行邊度呀?  太黑啦, 我睇唔到o野呀!  不久, 一個黑影 (該是鬼, 我唔敢望, 一眼掠過立即低下頭望地) 處冒出少少光 (唔知係唔係開小電筒呢?) 用手指一指 (用低沉的聲線):「E 邊呀, 過黎啦, 你要行 E 邊呀!!

D) 我地慌不擇路, 唯有照他的吩咐走過去, 早已明言, 那走廊太窄, 加上那隻鬼企在轉彎位, 站在 邊位的我行過時, 一定會 碰上, 將近走到他身邊時, 我喃喃自語地:「我知你o係度架, 我已經好驚架啦, 你唔好再嚇我啦!(絕地求饒是也), 那隻鬼十分乖巧的 絕不出聲, 也不打擾的讓我地安然走過。


E) 驚魂未定之下, 遇上了分岔路, 在左邊見到一隻 侏儒鬼向我地招手, (因為我的視線長期望向地), 那個 侏儒鬼竟可以 全個人出現在我的視線範圍以內, 驚慌之下, 又一聲尖叫, 然後避開左邊向前亂衝亂撞, 誰知…….迷路了!!  在漆黑一遍、四周隨時出現惡鬼的情況下迷路, 意味住又要 冒多次險被嚇幾次, 今次死定了!! 

F) 我地立即回頭揾路走, 結果……又走到那間鐵床大房位置, 今次「那幾隻惡鬼」不在房內, 可能去了別處嚇其他人, 我地又回頭揾路行, 去到轉彎處, 忽然同伴大聲喝停:「等等….(然後佢伸出腳左右開弓, 兩邊撩撩o), 再說:「OK, 安全, 無問題!!」我地才繼續前進。

又見到了分岔路位置, 我地 3 人不約而同地用求饒口吻問:「邊度呀, 我地 蕩失路, 究竟邊度先係出口呀?」又有一隻鬼(隱藏漆黑中) 出聲:「行 E 邊呀」, 我地立即用行動來回應, 又見到那隻 夜光侏儒鬼 (今次無頭先o甘驚了), 佢仲十分好 ( cute 版聲線) 說:「E 邊呀, 跟住黎啦, 我帶你地走呀!, 3 女子:「啊, 好呀!

G) 跟住 侏儒鬼走了一截路, 然後見到 出口二字 出路的曙光, 3 女子立即朝向光明處 狂奔”, 一口氣的衝去終點了!

H) 出去以後, 大家上氣唔接下氣, 又拍心口, 又揉揉手 (慌張之下握得太痛了), 然後七嘴八舌的作事後檢討, 又不時哈哈大笑, 直到翌日, 想起了「大酒店」中的種種片段, 不禁失笑起來, 太羞了!!  而且尖叫到「喉嚨痛」(活像被火燒一樣, 痛足兩日)。今次算係旅程 我人生中的「一大突破」。

原來強勁的「音波功」係可以用來「嚇鬼」架!!

星期二, 9月 21, 2010

2010 廸士尼難忘之旅

今次係我第三次遊廸士尼, 上兩次都係入住酒店玩足兩日一夜的。由於有「黑色世界」(慶祝萬聖節活動) 的關係, 所以額外多左幾個 特別活動”, 但此 絕對不是吸引我地去玩的原因。

我地相約一早入樂園, 以便玩得 盡興一點, 結果天從人願, 天氣雖然炎熱, 但稍有微風 無落雨, 而且車程 樂園內設施 輪候時間也十分順暢, 最多都只係等左 20 分鐘便可內進了, 真幸運!!!

由於我地一伙人「心血少」, 都怕太刺激的遊戲 驚嚇, 所以事前講明「唔玩太刺激的機動遊戲」同埋「唔玩鬼屋、人嚇人」等玩意。主力睇 Show 溫和遊戲為主。 樂園內分 4 個主要園區, 我地在「夢幻世界」停留得最耐 玩得最多遊戲 (因為設施夠溫和, 啱晒小朋友玩), 在「探險世界」只逗留玩兩個設施而已。我地遊歷的設施包括:

「夢幻世界」:米奇幻想曲 (4D 影院)、小飛象旋轉世界、幻想世界火車站 (循環遊歷樂園一圈)、夢想花園 (同卡通人物影相)、瘋帽子旋轉杯、小小世界、米奇金曲音樂劇、小熊維尼歷險之旅、灰姑娘旋轉木馬

「明日世界」:太空飛碟、巴斯光年星際歷險 x 2

「探險世界」:獅子王慶典、森林河流之旅

「美國小鎮大街」:大街詭異酒店、售賣各式紀念品的商店、「魔咒焚城」煙火表演

因為輪候時間順暢關係, 我地玩完大部份設施之後, 也只是晚上 7:15 左右, 還有空餘時間才到 煙火表演”, 我地靠在路邊的長櫈休息, 雙腳的酸麻一湧而上, 一邊欣賞 「夜光鬼魅」巡遊, 一邊閒談, 言談間才發現唔經唔覺認識了兩年多了, 日子過得真快。

「夜光鬼魅」巡遊:由超級大型骷髏骨人阿 Jack 同 大南瓜帶頭率領巡遊


晚上到達「美國小鎮大街」時大約 8:15, 一路上發現煙霧迷離, 氣氛十分古怪, 附近有投影燈射出一些「骷髏骨」公仔, 迎面亦見部份化晒鬼妝的人, 心內感到十分詫異, 街上的工作人員不斷催促 (馬路上的) 大家走上行人路, 頓時心知不妙, 立即叫同同伴坐在路邊小櫈躲避 (等待前面圍觀的人 擋一擋”), 果然…………………..

鐘聲突然響起, 然後播出詭異音樂, 一群「喪屍」(化妝像真超驚嚇) 如同失理智般湧出, 大跳熱舞, 讓群觀者感受氣氛兼拍照留念, 歌舞完結後, 「喪屍」在街頭找尋 獵物作出威嚇, 心裏暗呼:「好彩我地坐得後, 前方有一班人阻擋」(估計「喪屍」的活動範圍只限於 馬路)

誰知說時遲…..那時快, 「一條喪屍」(原在馬路上) 的目光剛好和我碰上, 他一邊癲疲的向我地走過來, 我嚇得只懂呆坐兼大叫:「唔好呀…….唔好埋黎呀!!(然後 立即想逃走), 他見我慌張的樣子, 不禁得意起來, 目的已經達到, 「善良的喪屍」最終放過了我, 走去揾其他 獵物

以為已經 鬆一口氣”, 另一條「喪屍」又欲走過來 (也許是我地坐在櫈上, 背後無路可逃, 夠好玩, 又或者係「喪屍垂涎」我地的美貌吧, 哈哈!!) 作狀想嚇我地, 今次同伴大叫:「走開呀, 唔好埋黎呀!, 那條「喪屍」忽然大動作的撲過來, 然後快速的轉方向, 撲到商店櫥窗扮睇o, “間接嚇我地之餘”, 亦「善良地」放我地一馬……….

雖然好恐怖 (我地太膽小了), 不過樂園內的「喪屍」其實心腸好好, 見你樣子表現得驚嚇, 便會適可而止。  至於今次的另一個「大突破」, 留待另一文章詳述。

星期一, 9月 20, 2010

在深圳「叫鴨」─── 拾味館

走進了位於深圳羅湖翠竹路的「拾味館」, 此店的裝潢 人氣也在該處顯得 份外出色。據說此店最馳名的是「砂鍋骨湯」 「手撕鴨」(此「鴨」遲少少點菜的話, 會出現售罄的情況)

當晚點了:
馳名「砂鍋骨湯」:骨湯的湯味香濃, 有人打趣說:「難道濃味是因為落了 傳聞中的一滴香(那是一種化學劑, 目的令食物香味格外濃郁, 據聞一瓶「一滴香」可煲出 300 個湯底)。豬骨大大舊, 內有骨髓, 只是女士們進食, 儀態卻難保了!

馳名「手撕鴨」:隻鴨唔知係唔係真的o甘細隻?  只見它的鴨頭真的在盤內, 又有齊 雙腿”, 體積卻異常地「迷你」, 雖然好食鬆脆, 連骨頭都可以照食, 又唔會十分油膩, 卻十分熱氣呀!

醬燒茄子:那些醬燒汁真的好惹味呀, !

煲仔豆腐干:睇樣真係 估它唔到” o………….「辣」, 食到大家叫晒救命!!

惹味魷魚鬚:估唔到它的烹調方法係o 「川式」的, 仲要加上火爐熱住 d 辣椒, 幸好唔算十分辣 (相比起 豆腐干”)

炒通菜:味道一般, 唔特別

因為唔係我埋單, 唔知確實價錢。 原來在深圳「叫鴨」 要消費總共:RMB 3XX

星期日, 9月 19, 2010

《非誠勿擾》

聽網友介紹, 睇左一套舊電影《非誠勿擾》, 內容大概講:


從海外歸來的男主角 (無學識, 無錢, 無樣貌) 因為賣得一項發明, 得了意外之財, 決心回國徵婚娶妻, 共諧連理。他在徵婚廣告中已明言自己的一切背景 要求對象的條件, 毫無半點掩飾, 末段還寫上「非誠勿擾」(無心者, 唔好o徒大家時間, 請勿騷擾) 

結果和相睇應徵者鬧出連番笑料, 當中有推銷生意的、有 太理性的將愛情當作股票分析、有 買大送細” (已有身孕的)、亦有性冷感的寡婦, 直到他遇上夢中女神的她, 只可惜……..她戀上了有婦之夫, 並正處於進退兩難的時候。

不得不讚劇中的演員, 尤其是葛優 舒琪, 佢地的演技十分自然 細膩, 令觀眾睇得投入, 前段的故事確是「笑料百出」, 直到後段故事, 你會感受到 男女之間對愛情的執著、角力、讓步 犧牲 (付出), 這一切一切似乎是現實的寫照。 故事之中, 其中一個點子, 令我印象深刻:

「你以為苦戀有婦之夫, 被佢甜言蜜語的哄騙, 卻修不成正果很痛苦嗎?」

她卻要求他:我可以和你戀愛、拍拖、結婚, 甚至生仔, 只要你可以接受我心裏有著另一個人, 當中我也許會偶爾失神 (想著佢), 但只是精神上、心靈上為佢留一個位置, 肉體上卻絕不會背叛你。(現實中, 你試過帶著舊愛的影子, 和新戀人走在一起嗎?  或者那是不公平、自私的表現, 但又有人話過:「需要用一段新的戀情, 才能治療一段舊情傷」)

「他接受了這一個要求, 並說:佢令你痛苦, 你卻令我痛苦, 真是孽緣啊!」

不知不覺間, 我竟然睇到流淚, 原以為自己早已經對愛情感覺麻木, 只是不像女主角般酗酒令自己麻木而已。估不到自己在鐵面之下, 還是有感性的一面, 也算是令自己宣洩了情感啊!  記得女主角自殺出事的時候, 他雖然還未趕到醫院, 卻心痛地狠狠拋下一句:「無論她變成點, 我要定她」。

萍水相逢的兩個人, 竟有這樣的深情, 反之共對多年的佢, 卻吝嗇付出, 令她痛苦千萬遍, 世事真的很諷刺!!  雖然他是「三無人士」, 卻待人真誠而有責任感。她看似任性戀上有婦之夫, 卻為愛情而執著, 愛得很傻, 傻得很可愛, 只是稍欠理智 自我價值 (形象) 低落, 皆因將自己的一切也建基於那位有婦之夫。

當你走入窮巷, 自毀之時確是需要很大的勇氣。不是人人做得到!  原來那只是「一剎那的勇氣」, 背後卻是懦弱的投影, 因為要活下去, 是需要更大的勇氣 承擔。當你經歷了這一個關口, 人生又走前了一步, 就如打機升 level (升級) 一樣。走過以後, 回顧前事, 原來無什麼大不了!

期待欣賞《非誠勿擾 2!