畢業放榜了, 好o野!!

9 月 22 號英國時間上午 9:30 (即是香港時間當日下午 4:30) 係我的「大日子」, 因為學校網頁會公佈「上兩個學科成績」 及 「畢業總成績的等級」, 原來眨o下眼, 唔經唔覺又兩年多!! (學位課程需時兩年)

下午 4:00 左右, 接到同學通知已經「放榜」了, 她收到好成績 (說是意料之外的驚喜, 但其實她「實力非凡, 只係嫌遜唔表露」吧!  因為她的畢業論文有 77 分之高分呀, 勁!!), 並吩咐我盡快上網睇成績。心情好緊張..............並叫媽媽在旁 "壯膽" 才敢查閱成績, 結果..................

上兩個學科也是 "猛車邊" 掂住 "第一級" 成績合格, 而兩年來的學科總成績呢, 考獲「一級榮譽畢業」了, 好o野! (不用再攞出 "中五那張見不得人的會考成績單" 出來見工面試了, 終於可以擺脫它!)

冥冥之中好似「整定」一樣, 如果不是遇著某些經歷, 當時我係打算置業供樓 而 放棄繼續進修, 最後置業夢碎了。遇上朋友的強烈鼓勵：「 反正有機會讀下去, 何不趁後生 又 有多餘錢, 供自己進修下去呢?  是時候該為自己打算o下, 免得日後後悔」。

多謝你, 那位在逆境之中鼓勵我的朋友, 幸好當時聽到你的勸說, 否則轉頭回望, 兩年間似乎依然 "原地踏步, 亳無長進", 至少 E 一刻「多左一張沙紙」之餘, 這些年來, 生活過得很充實, 日子也並不寂寞。