在深圳「叫鴨」─── 拾味館

走進了位於深圳羅湖翠竹路的「拾味館」, 此店的裝潢 及 人氣也在該處顯得 “份外出色”。據說此店最馳名的是「砂鍋骨湯」 和 「手撕鴨」(此「鴨」遲少少點菜的話, 會出現售罄的情況)。

當晚點了：

馳名「砂鍋骨湯」：骨湯的湯味香濃, 有人打趣說：「難道濃味是因為落了 “傳聞中的一滴香”」(那是一種化學劑, 目的令食物香味格外濃郁, 據聞一瓶「一滴香」可煲出 300 個湯底)。豬骨大大舊, 內有骨髓, 只是女士們進食, 儀態卻難保了!

馳名「手撕鴨」：隻鴨唔知係唔係真的o甘細隻?  只見它的鴨頭真的在盤內, 又有齊 “雙腿”, 體積卻異常地「迷你」, 雖然好食鬆脆, 連骨頭都可以照食, 又唔會十分油膩, 卻十分熱氣呀!

醬燒茄子：那些醬燒汁真的好惹味呀, 正!

煲仔豆腐干：睇樣真係 “估它唔到” o甘………….「辣」, 食到大家叫晒救命!!

惹味魷魚鬚：估唔到它的烹調方法係o甘 「川式」的, 仲要加上火爐熱住 d 辣椒, 幸好唔算十分辣 (相比起 “豆腐干”)

炒通菜：味道一般, 唔特別

因為唔係我埋單, 唔知確實價錢。 原來在深圳「叫鴨」 要消費總共：RMB 3XX