驅除 "霉 Up Up", 我就有心得!

在這潮濕的天氣, 洗完衫好似總有一陣 "霉 UP 味", 即使關上門窗, 開行抽濕機, 衣物總算乾了, "霉 UP 味" 卻仍在, 點算好呢?

KK 經友人介紹, 去「價真棧」買了「Bounce Fabric Softener Sheets」 (Bounce 牌子的衣物柔順紙), 友人說它防潮 及 去 UP 味! (實際上產品並無說明防潮, 只說：去靜電、防毛髮、氣味清新 及 衣物柔順吧!)

終於搜購到了, 原來有兩種 Size 分的, 好似係 $79 / 180 張  同埋 $96 / 240 張 (平均 $0.4 / 張)。 一攞個盒上手, 那陣柔順劑的香味已經 "湧出包裝盒外" 了。

由於盒上的說明很簡單, 上網揾多左資料, 如下：

(紙) 尺寸：162 x 228 mm 6.4 x 9 inches

Bounce gives you time-releases freshness
Fresh Now - Clothes, towels and bedding smell fresh out of the dryer.
Fresh Later - Clean-smelling freshness continues to release over time.

Bounce 產品幫你：乾衣時, 立即令衣物、毛巾、床單清香怡人。 乾衣後, 香味持久清新。

相關資料：

http://www.amazon.com/Bounce-Fabric-Softener-Outdoor-120-Count/dp/B00007FRYJ/ref=pd_sbs_hpc_1

http://www.dentalbookshop.com/0t63l351l/products/us/B001F0RDDQ/Bounce_Fabric_Softener_Sheets_Fresh_Linen_Scent_120_Count_Boxes_Pack_of_3.html#

產地：加拿大。 指示上說明 "一機衣物" 用 "一張柔順紙", 若多於一機衣物, 可額外加紙。香味可持續 2-4 個月。

友人向 KK 說：「只需將柔順紙掛在衣架上 (作對摺狀, 用釘書機釘好), 一個衣櫃放 1-2 個衣架, 便可持續香氣。甚至可 "裁剪" 至細塊 Size 放進抽屜裏辟味呢!」

由於一盒柔順紙的份量也頗多, 而且香氣維持 2-4 個月 o甘耐, 建議幾個家庭 (朋友) 夾份買一盒, 大家 share 使用, 好等香氣不會因 "開左個盒, 放得太耐 而流失"。 舉個例：6 個人, 每人夾 $16 買 40 張柔順紙, 都夠用半年了。

VQ1015 「初次試影」

返到屋企後, 立即取出我的玩具仔 Lomo 數碼相機, 又騙得爸爸的 SD 卡, 可以試機了! (真興奮)

唔覺唔覺, 一口氣的影左大約 100 張相。 大部份的相都係瞄得準 "部份" 目標, (有部份卻拍不入鏡內, 因為相機太細, 所以好難瞄準目標, 主要都係 "憑經驗的盲宗宗" 去影)。家內的 "黃光" 令照片反映得 "較黃同黑", 在廚房拍的照片較好 (因為白光的關係)

仲有呀, 碰啱家中剛在煮飯煮餸, 所以有好多食物可以比我地影。KK 同我都一樣............係「為食鬼」, 所以我地對食物拍攝的準繩度超高啊! 聽日會帶它出街, 嘗試在日光下拍照的樂趣 (據聞日光下照片顏色的亮麗度好 "正"!!!)

而家唔講o甘多, 睇o下今晚的「初次試影」先 ! 有 D 相片雖然係 out focus (對焦唔準, 少少濛), 不過相片的色調 或 感覺取勝。

目標達成了, 真開心!

心急的我一刻都唔想等, 結果.......... 在同 KK 商量之後 (其實自己心中早有決定, 只要借個籍口, 揾多個人支持自己) 去左買我的第一部「玩具數碼 Lomo (撈毛) 相機」。

去到旺角的 show room (展銷場), 店員好詳細 又有耐性的講解產品功能、秘訣 及 比相片我地參考。結果買左一部 「紅色的 VQ1015 Entry ($390) + FE-50 衝前魚眼 及 170 度廣角鏡頭 ($80) + #12 號 Jelly Lens 相機濾鏡 (星光) ($10)」, 急不及待想早早回家試機 (因為家中有 SD 卡用, 所以不用買了)。

睇o下...........相機仔 同 八達通 的比較

FE-50 衝前魚眼 及 170 度廣角鏡頭 + #12 號 Jelly Lens 相機濾鏡 (星光)

當 VQ1015 Entry 遇上 FE-50 衝前魚眼 及 170 度廣角鏡頭 (好 "言" (型) 仔呀!!)

E 個就係我會帶出街影 Lomo Snapshot (撈毛風格抓拍) 的裝備了! (包括有：粉紅夾綿袋仔 (外袋)、眼鏡絨布、FE-50 衝前魚眼 及 170 度廣角鏡頭、小絨袋 (裝鏡頭)、兩粒勁量 3A 電芯 (後備用)、相機 連 SD 卡、USB 線 )

Jelly Lens 轉送了比 KK, 臨別前, 一於用它來影返幾張相先! 你睇........D 燈泡真係變左 星光呀!

朗豪坊美食廣場

到了旺角逛街, 中午時份, 走入朗豪坊 4 樓的美食廣場尋食。

首先幫襯左 「Pepper Lunch」 的午餐 《照燒雞 + 美國薄牛肉餐》($54 跟白飯 及 汽水), 早在朗豪坊商場開業之時, 已經見過飲食雜誌介紹此店, 當時已經覺得很有趣, 因為店舖燒熱塊鐵板比你自己 "炒" (撈) 肉類、雜菜 及 白飯 和 醬汁。唯一直都未 "的起心肝" 試食去。

今次一試, 味道果然唔錯, 照燒雞幾好口感 而 薄牛肉亦不算太鞋, 醬汁配白飯 感覺完美。

好了, 去附近的 「咖哩鄉里」試食午餐《7 號餐 ── 薯仔咖哩薄餅》($30 跟醬汁、雜菜 及 汽水)。薯仔咖哩薄餅味道一流, 而且餐價都算幾抵!

幾個朋友 share 一齊食, 可以每人食少少 但 款多多。今次的尋食之旅好 Good Fit 呀! 滿足!!!

下一個目標

最近蘊釀著一股熾熱的購買慾, 暫且忍一忍手先。

一路以來, 想有買一部數碼相機 (DC) 比自己的打算, 好等自己隨時隨地隨心的拍下所愛。但老實講, 唔係買唔起, 只係考慮著 "有無需要"? 通常用 DC 影相都是週末去街 (尤其戶外, 如：行山) 同埋 外遊 (去旅行) 時用的居多, 平日卻只放在家中, 有無需要花幾千大元, 去買一舊好少用的野回來 "擺" 呢?

於是出名 "孤寒" 的我決定, 都係維持現狀比較好。 有需要時才向 KK 借 DC 用, 只需預早借, 不需放在自己家中 "照顧它"。呵呵...............多方便!

最近我卻發現了自己所愛的 Lomo 攝影風格, 心裏不期然的癢起上來。 原來 Lomo 的攝影玩家採用的多是 《Holga》 及 《Lomo》等兩大牌子的相機。鑑於此兩大牌子是 Lomo 攝影的鼻祖 (好早已經出相機產品了), 而且週邊配件亦完善, 所以一直不乏追隨者。

我對它們的興趣不大, 因為........它們的產品並不乎合 "孤寒的我" 心中的經濟效益, 它們的相機並不昂貴, 平至幾十蚊, 貴至幾千蚊都有。只可惜....它們多是採用傳統的 "菲林" 拍攝, 你知啦......而家 "菲林" 拍攝沒落的情況下, 買菲林 和 沖晒菲林的地方唔多, 價錢亦唔平。 再加上要在家中揾地方處置拍攝的相片, 也是一個大煩惱。 Lomo 相機一般不設 LCD 預覽螢幕 (和 DC 不同), 故此玩家在不肯定的情況下, 拍攝了心頭好, 但沖晒後得出的結果, 可能是另一回事。(多浪費呢! 這也是學習上常遇見的挫折)。

總括而言.......如何不是攝影發燒友而又想玩 Lomo 風的朋友, 似乎不適合置一部 Lomo 相機, 免得玩兩玩, 它又被擱在一旁, 多浪費!

在搜尋資料的時候, 我發現了新大陸, 也暫成了我的下一個目標 《Vista Quest ── VQ 1015 Entry》 迷你匙扣小相機, 唔好睇它機身細細呀, 卻可是 數碼化的 Lomo 風格相機 (不用菲林, 用 SD 記憶卡), 還只需一粒 3A 電芯添!! 雖然它只得 130 萬象素拍攝, 但拍出來的品質 "足以" 在電腦上觀看 或 晒 3R 的相片, 對我來講, 已經十分足夠。 它的週邊配件有各類鏡頭 (如：廣角鏡、魚眼鏡等, 還有 很多 jelly lens (可以安裝此 "濾鏡", 作不同的拍攝風格添!) 而最最最最最................吸引的係 ── 它只售幾百蚊咋! (大約 $400)。

相比起一般數碼相機 (DC) 的幾千蚊來講, 好吸引啊! 嚴格來講, 攝影發燒友對此部機根來看不上眼, 因為覺得它只是一件有攝影功能的 "玩具"。 但適合我就夠啦, 管別人的觀感那麼多!

《Vista Quest ── VQ 1015 Entry》 相關資料
http://hk.f2.page.auctions.yahoo.com/hk/auction/b12659048
http://hk.f2.page.auctions.yahoo.com/hk/auction/b14778556
http://www.books.com.tw/exep/prod/newprod_file.php?item=N000067076
http://daniel5203.pixnet.net/blog/post/26939584

《jelly lens》相關資料
http://hk.f2.page.auctions.yahoo.com/hk/auction/b14434602

《其他數碼 Lomo 相機》的選擇
http://www.lomotto.com/

最麻煩的是此產品主要在日本發售, 香港好難揾到, 故此需要四圍揾 "水貨", 又或者 "上網拍賣" (好難揾, 亦唔太平 (目前最平 $379), 我孤寒, 想再平 D)。現階段要搜集多 d 資料 及 四處格價, 以供考慮。 暫時亦只好用 iphone 的免費軟件來幫相片來後期製作 Lomo 風。 等我認真諗清楚買唔買先? 不過想一想日後可以帶住輕便的它去旅行影 Lomo 相, 又確實幾爽!! 傳統正宗的相片, 就留待比朋友的 DC 拍好了!

我的 Lomo 實錄

發現了所愛, 緊係唔肯o甘易放過它啦! 於是一大清早, 我...........走到街上、馬路旁、公園裏、樹蔭側去拍幾張 Lomo 照先, 唔好講o甘多, 去片................ (每張相 "刻意" 的上載 "原相" 同 "Lomo 效果相", 等大家對比兩者的分別, 自己就覺得 Lomo 比我的 感覺強烈好多, 好似層次豐富左, 景深厲害左。)

我愛「撈毛」

一直以來, 我只以為自己偏愛 "黑白調、懷舊味、啡黃色、英倫風格" 的相片, 原來不單只係o甘, 最近因為想 "八卦" 魚眼相機, 結果搜尋出大量資料, 還發現了我所愛的................原來係「撈毛」 (Lomo)。

大部份人對 Snapshot (詞意譯捕捉瞬間的景象, 原泛指以任何類型相機作快拍的意思) 絕不感到陌生, 亦是近幾年在本港流行起來, 尤其是在婚宴當日, 部份新人慢慢的摒棄傳統舊有的拍照模式 (對住鏡頭、咧嘴、笑), 嫌棄它太死板了。

Lomography (簡稱： Lomo, 讀音："撈毛") 一詞以乎跟 Snapshot 有著不能分割的關係, 其意思和 Snapshot 差不多, 講求的 "不是" 太多攝影的技巧質素, 反之是隨意的從構圖、景觀角度、色差對比、情感感覺等入手, 形成獨一無二的風格。Lomo 多是沿用舊有傳統的菲林拍攝, 而且相機中大多不設數碼螢幕, 意味著你按掣的那個時刻, 並不知自己照到什麼? 直到菲林沖晒好以後, 你才知道結果, 令人有一種久違了說不出的興奮 (等待的期盼)。有人說 Lomo 是一種 "潮" 的表癥、有說是一種拍攝手法、風格、又或者是拍照者的態度等等。 甚至有人為其訂下了十條法規添!

LOMO十誡　

為了提醒剛買LOMO相機及已經拍了一陣子LOMO照片的人， 據說LOMO長期提供以下十誡以供參考：

1. 機不離手， 手不離機。

2. 不分晝夜，隨時都拍。

3. LOMO是你靈魂的第二扇窗。

4. 愈近拍愈好玩。

5. 別忘了洗照片。

6. 要拍要快。

7. 照片沒洗出來前，永遠不知道拍偏了沒。

8. 沒洗出照片前，永遠不知你拍了什麼。

9. 從頭頂或屁股位置拍照可能拍得更好。

10. 把以上九誡當成放屁。

好啦..........上網 search (搜尋) 左一大堆資料, 等我整理好, 分幾天上載網誌分享先。 然後我又 "貪得意" 在 iphone 中安裝了某幾個 free apps (免費軟件), 將相片加工, 如下：

1) 原裝相 (什麼效果也沒有加)

2) 利用 MoreLomo 軟件 改相片 為 Lomo 效果 (四周略暗, 中間物體顏色相對銳利、明亮, 突顯出主體, 係唔係 "有 d 偷窺" 的感覺呢?) 我最愛此效果 / 風格的相片。 (天生偷窺狂吧!!)

3) 利用 Fisheye4Free 軟件 改相片 為 魚眼 效果 (以 "魚眼" 的角度去睇物體, 著名的 "大頭狗" 都係o甘樣影出來的)

4) 利用 MoreNoel 軟件 改相片 為 bling bling 效果 (加左 "最大" 的 bubble (氣泡) 效果, 令四周閃靚靚)

5) 另一張無添加的原裝照

6) 利用 MoreMono 軟件 改相片 為 Mono 效果 (類似 "黑白" 相, 但又 "黑白" 唔晒, 始終都有少少顏色, 只係 "近乎黑白" 吧!)

用於人物的照片樣本

1) 原裝無添加的相片

2) 利用 Fisheye4Free 軟件 改相片 為 魚眼 效果

3) 已利用 Fisheye4Free 軟件 改相片 為 魚眼 效果

4) 再加上 利用 MoreNoel 軟件 改相片 為 bling bling 效果 (今次加左 "最大" 的 星星 效果, 令四周閃靚靚)

原來發現自己渴望已久的 "所愛" 係o甘開心架!!!