「牛角刮痧棒」

前文提及過： 背刮痧 和 面刮痧, 但一直只沿用瓷製的匙羹 + 潤膚膏去刮痧。

曾經聽美容師提過「魚仔形」的刮痧棒最好用, 因為一支棒仔有齊各款大細不同的 "弧形" 可用作刮身體不同的部份。 最近和朋友提起, 佢地對刮痧都十分有興趣, 還想買一支「牛角刮痧棒」。某天我路經佐敦廟街, 就在油麻地圖書館前的小攤檔, 終於揾到它了。

同檔主講價下 (買多幾件), 最終以 $60 / 3 支成交。記住用酒精消毒後才好使用呀!  我試過用它來替面部「輕力」刮痧 (當然係跟住圖片做啦), 最後累透的雙眼感覺輕鬆 (尤其係 "睛明穴" 和 "贊竹穴")。 而且雙頰感覺剛接摩完一樣緊緻 和 血氣循環旺盛, 還有眼袋位有少許紅痧, 翌日早上已經消散了 8 成。

  所以呢........星期五晚 或 星期六最好作刮痧, 那麼趁週末讓皮膚抖一抖, 消一消瘀血, 星期一才返工就最好!

「激光矯視」手術之比較

我揾左頗多「激光矯視」的資料, 包括：醫院 / 醫生 / 激光中心等作比較, 詳情如下：

1) 香港激光矯視中心 http://www.hklasereye.com/btc/index.php

有尖沙咀 & 中環兩間中心,

尖沙咀漢口道 4-6 號騏生商業中心 9 樓全層, TEL: 2628 1111

價錢：手術前檢查費 $500。 $16,000 (有刀)、$20,000 (無刀),

費用包括：醫生費、手術費、手術後半年內 5 次覆診 及 藥費、1 年保養期內免費増進手術 (IF 度數反彈), 聽講座後 JOIN 有 $2,000 折扣回贈 及 豁免 $500 檢查費。網友推薦 " 冼國亮" 醫生

 - 再無其他優惠 (信用卡折扣 / 二人同行)

 - JOIN 完講座後才做手術, 即係 $18,000 (無刀全包), IF 24 MTHS 分期, 每月 $750 (診所接受信用卡: 恆生、HSBC、星展、CITIBANK、大來)

- 手術時間為 返工時間 9AM-6PM

- 網上見都幾多人揀 E 一間

- 用家 BLOG (她比較過 "浸會" & "香港激光矯視", 睇埋以後的 BLOG, 有 4篇開於 LASIK 矯視) http://listen-to-bella.blogspot.com/2010/09/blog-post.html

*****************************************************************

2) 嘉賓激光矯視中心 http://www.championlasik.com/tc/index.php

佐敦嘉賓商業大廈 11 樓 1110 室, TEL: 2388 8829

價錢： 手術費:有刀: 12,800, 無刀: $17,800

- 學生優惠:無刀 $17,400 (需出示學生証, PART TIME 都得)

- 以上 $17,400 的分配: $400 係驗眼費, $17,000 係手術費, 包: 3 支藥水 (手術當日已經要開晒來用) 、半年內 5 次覆診 (藥水另計)、1 年保養期內免費増進手術 (IF 反彈, 不包藥水)

- HSBC 6 MTHS 分期, 星展 12 MTHS 分期

****************************************************************

3)  旺角激光近視矯正中心 http://www.mongkoklasik.com/

旺角中心 1 期 1406 室, TEL: 2398 8850

價錢: 1st 見醫生驗眼要比 $500, 二人同行價 $9,800 (有刀)  , 費用包括：醫生 及 手術費, 手術後 3 個月內 3 次覆診之醫生費 (藥水另計), 半年保養期內如有反彈, 免費做增進手術

- 暫時只得 1 位醫生做手術 (因為用同一個醫生, 如果幾個人一齊做, 便要輪候。 好處係 "果個醫生" 工多藝熟)

- 診所無 "無刀" 服務

- HSBC 有 6 MTHS / 12MTHS 分期

- 逢星期 三、五安排手術, 其餘日子只提供驗眼

 *******************************************************************

4) 謝偉業醫生 (同事 及 她幾個朋友都揾這個醫生做, 差不多 1-2 年前做, 直到現在 "無反彈")

香港皇后大道中九號嘉軒大廈 1302 室, TEL: 2522 3375

價錢：只提供 "有刀" 手術, 費用大約 $12,000 - $15,000 (要見左醫生驗眼後才報實價), 費用包括：醫生費、手術費、手術後 3 次覆診費 (藥水另計), 保養期 1 年 內免費增進手術

- 信用卡分期: HSBC - 6 MTHS, 恆生- 24 MTHS

- 問她 IF 幾個朋友一齊揾醫生做有無優惠, 回覆說要 "直接同醫生傾"

- OFFICE HOUR: MON-FRI 0900-1800, SAT 0900-1400

**********************************************************************

5) 養和醫院 - 眼科部http://www.hksh.com/ophthalmology/chi/

跑馬地山村道 2 號 養和醫院 中院 5/F, TEL: 2835 8890

中環診所 - 干諾道中 30-32 號莊士大廈 202 室, TEL: 2523 7885

價錢： 手術前檢查費 $800。醫生及手術費: 有刀 $16,800, 無刀 $22,000

**********************************************************************

6) 聖保祿激光近視中心 http://www.stpaullasik.com.hk/AboutUs.aspx

銅鑼灣東院道 2 號 舊院 C 座 2/F, TEL: 3113 4222, 3113 4211, 2890 6008 (EXT 3762)

(劃一收費 (未打電話去問), 價錢包手術後半年內 5 次的覆診費用)

**********************************************************************

7) 周國安醫生 (朋友 的 朋友 數年前揾他操刀做手術)

中環士丹利街 16 號旗利大廈 8 樓, TEL: 2501 0909

價錢：驗眼費 $800, $22,000 (有刀) 手術費、醫生費、及半年內覆診 3-4 次, 保養期半年

- 打電話問 (個姑娘有點 "串", 睇完個價錢, o甘我不如幫襯 "養和")

- HSBC 12 個月分期

- 幾人同行 "有無優惠" 要自己直接問醫生

***********************************************************************

8 ) ST. TERESA - EYES DEPT. (法國醫院眼科部) http://www.stheye.hk/ch/

旺角太子道西 327 號聖德肋撒東座 4/F, TEL: 2200 3240

價錢：驗眼費 $800, 無刀手術費 $19,400, 包醫生費、手術費

- 而家醫院好少 PROVIDE 無刀手術, “有刀” 價錢要問上級才可匯報

- 恆生卡 6 MTHS / 12 MTHS 分期, 星展 6 MTHS 分期

- 無幾人同行的優惠

- 姑娘解釋 "有刀" 同 "無刀" 手術的分別在於 「打開眼瓣的方法」, 前者用激光刀, 後者用紅外線, 紅外線較準確, 傷口較細

***********************************************************************

9) 徐仲弘醫生 (朋友 8 年前揾他操刀做 “有刀矯視” 手術)

旺角彌敦道 688 號旺角中心 1 期 13/F 1317 室, TEL: 2390 9038 / 另外中環好似都有診所

價錢：原價 $16,000 (有刀), $19,000-$21,000 (無刀)

- 4人同行優惠價: 手術前 2 次驗眼費 ($400/ 次), $15,000 (有刀), $18,000 (無刀, 旺角 CTR) / $20,000 (無刀, ST. PAUL): 包括、醫生費、手術費、手術後 5 次覆診 (1ST 包藥水, 之後覆診藥水要另計), 保養期 ? (要再問醫生)

- 6 月分期 (HSBC、恆生、永隆)

- 打電話對答的 馮姑娘好 NICE

- 做手術要在外邊 BOOK 場地 (有 ST. PAUL / 旺角恆生大廈某診所), 他自己診所無得做, 只有得覆診

「激光矯視」心理交戰篇

思前想後, 想嫁又唔嫁o甘, 不得不嘆一句：「始終都係姣婆守唔到寡」。

幾年前已經想做「激光矯視」, 奈何怕痛, 既怕眼球痛、亦怕「肉痛」 (好貴)、更怕冒上手術的風險 (視力因手術問題 比 以往更差), 意欲始終又進又退, 最後還是擱置一旁, 待手術技術更成熟才打算。

雖然近視 和 散光不算深, 大約 300 (2XX) 度近視 及 1XX 度以下的散光, 不過要戴眼鏡始終也不方便, 尤其係運動時 和 出入冷氣場所時。還有碰上「隆重場合」時化妝亦不美, 所以只好戴上隱形眼鏡才化妝, 但長時間戴的話, 雙眼既乾且累, 雙目再無神的去拍照, 真浪費。

終於今年完成了學位課程, 實現了那小時候為自己訂立的目標。又或者意味住「一切該重新開始」了! 

別再為 “習慣” 而“害怕” 改變, 要學懂儲備 “勇氣” 去接受 “改變 / 挑戰”, 因為我們要相信「明天會更好」, 這樣你才有力量向前走, 不要窩囊的躲在「你以為」是安全的熟悉地方, 時間是不等人的, 等到有天你以為夠鐘 “起錨” 之起, 原來別人已經全部上岸, 只得你一人在海中繼續浮沉。

誰沒有年青過?  青春最可貴的地方係「有時間」比你渾沌, 讓你從失敗中學習「在跌倒處站起來」。渾噩放縱也該有時限, 即使夢再惡也有醒來的時候。

夠鐘啦!!!

打鐵要趁熱, 趁還有一顆燒得熾烈的火存在時, 一於快快趣的實行期望已久的計劃, 訓練自己要果斷、有勇氣的接受事物改變, 扭轉自己因 “習慣” 而害怕改變的觀念。邁向更前一步, 用清晰的目光到將來去尋找更美好的一切。

「激光矯視」之原理 及 風險

替雙眼做「激光矯視」手術唔係 “買棵菜”, 所以事前一定要做資料搜集 & 格價、比較等功夫。 

目前「激光矯視」手術基本上分成「兩大」主流 ── “有刀” 、”無刀”。

其實 “有刀” 同 “無刀” 的分別在於「打開角膜薄片的方法」而己, 用唔同的工具 / 方法 去打開角膜薄片, 然後用激光磨平角膜中央部分，從而改變角膜弧度，完成後再將角膜薄片合上，角膜會自動癒合, 視力回復正常狀態。

傳統的 “有刀” 切割手街：

好處：價錢平, 因歷史較久, 比較多醫生懂得操作儀器。

壞處：用刀 “可能” 有誤差，而九成誤差 都是 發生在切角膜薄片的步驟。角膜需要切割得 “深層” 一點, 日後如要再動其他眼科手術, 便再無 “多餘” 的角膜可用。

新一代的 “無刀” 切割手術：

好處：用 “紅外線激光刀” 去切角膜薄片, 位置比較精準, 傷口微創、癒合較快。近視較 “深” 者亦可選用 (由於角膜切割較薄, 日後如要動其他眼科手術, 預留充足的角膜厚度以供使用)。

壞處：價錢較貴, 亦存在一定的手術風險。

圖解 "無刀" 的好處 及手舉出實例

http://www.eastweek.com.hk/index.php?link=content_detail&article_id=1720

DETAIL 的解釋手術潛在風險、含實例 及 圖解手術過程

http://blog.xuite.net/ngao/chris/9479386

哪一種切割方法 (傳統有刀儀器切割 / 無刀激光切割) 比較適合我?

http://www.hklasereye.com/btc/operation_faq.php

公司的「窩心禮物」

早前收到公司送的「窩心禮物」─── 針劵一張, 憑劵到指定診所, 可以免費注射流感針。 (※ 免費係因為公司出錢 "請" 同事接種疫苗, 希望同事得到保障, 減少患上流行性感冒)。

在中國人的傳統裏, 預早接種疫苗好似「有 D 唔老黎」, 不過而家 D 病菌、病毒o甘厲害, 都係預防勝於治療。我又唔係好介意這一種「唔老黎」喎!

至少公司有心對員工好呀, 單係這一份心意, 已經很難得了!  從前未試過有 "一份工" 對我o甘好架, 真的要好好投桃報李了!

習慣了你, 卻密謀要「背叛」你

從前年少無知, 總以為「你」很有型, 你可知道, 多少青年人, 為了與你結緣, 刻意的待薄自己。直到長大以後才發現, 原來有你相伴, 不但變成了一種習慣, 也可叫是一種 “負累”。

一再需要強調的是, 這「只是一種習慣」, 而談不上「愛你」!

人, 尤其是「年紀漸長的人」總 “不” 容易接受新事物, 和你共渡的日子, 也有開心的時光, 至少………….你讓我「戴眼識人」, 但尷尬的是出入冷氣場所時, 被「霧氣」所蒙蔽。

幾年前已經密謀的「背叛」你, 可恨的是我高估了自己, 原來我沒有 “足夠” 的勇氣去離開你, 總以為 “離開” 你 就等於「失去了部份的自己」, 又或是不安的 “害怕將來比現在更差” (視力) 。然後因為學位進修等理由, 總被我輕易的找到借口去逃避「背叛」你。

今天我又再密謀的「背叛」你, 雖然已經習慣了你這麼久, 但我想尋回原來的自己、變回昔日的自己, 也想 “不用戴眼 (鏡)”, 也懂得識 (別) 人。

「激光矯視」將會是我「背叛」你的策略!  今次 “革命” 一定會成功的。

有心起革命的朋友, 就要由搜集資料當天起, 注意以下事項：

1) 不准戴 CON (隱形眼鏡),

2) 少用電腦 及 少睇 TV, 等雙眼多 D 休息,

3) 早些睡, 雙眼休息足, 眼球肌肉、弧度較穩定, 做手術的效果會好 D, 而且事後會無O甘易 "反彈" 度數。

你都唔想比左 "皮幾野" 出黎o徙 架!!!!