嘩.......「放監」啦!!

嘩.......「放監」啦!!  今日出席左學位課程內的最後一科期末大考, 意味住捱埋 E 一關, 就可以「放監」輕鬆一下, 然後等兩個月之後放成績。

早一個星期 同 前幾日, 都十分「落力」的溫習理論 和 計數, 日以繼夜的將過往試題做完又做, 再做完又再翻做。做到無晒心機 兼 筋骨酸痛、勁累勁累!!!

唔知係唔係心情太緊張呢?  竟然覺得試場「超級凍」, 已經著晒外套都頂唔住!!  身邊 D 同學仔仲不斷的 "搓手搓腳" 取暖添!

終於從試場走出來「解凍」了, 唉!!!  個人好似 "虛脫" 兼 "頭痛" (可能之前瞓得唔好)。心情雖然還記掛住剛才的試題題目 (唔知有無做錯), 但卻已經輕鬆不少。一於「去玩去癲」先。相約朋友食一餐「超好」的!

竟然..........意外的收到朋友送來的「放監」獎勵禮物, 就係............

1) 好笑漫畫書 ── 「我的低能湊 B 之道」, 朋友之前介紹過話 "好好笑" 的, 所以一早打算「放監」後便去買來 "獎勵" 自己。

2) 得意貓咪 「小喜」手機繩 ── 有睇過日本卡通片的朋友, 也許會認識「小喜」, E 隻小貓咪真係好鬼得意架!

多謝晒呀...........朋友仔!!