富貴慶功宴

考完試, 食餐好獎勵自己, 又當「慶功」先 (心內祈求係 "預祝 (有好結果)")。  到左大角咀的「萬發海鮮火鍋菜館」揾食, 該處新開張無耐, 我地晚上 7:00 前去到, 已經要攞飛等位了 (因為我地無預先訂位)。

原本大約要等至少 半個鐘, 但有預訂客人臨時取消訂桌, 我地才「有幸」的 "快快趣" 頂上。

早已據聞此店的「海鮮」平、靚、正!!!  話晒係「慶功」喎!!  梗係要食好 D 啦!!!  於是我地點左：

象拔蚌刺身：夠鮮夠甜, 周邊的群邊口感比較 "林", 不過味道「淡」左 D。而中間的的刺身口感煙韌, 不過鮮甜好多。

嘩........「主角」好大碟架 (睇o下上邊果幅圖, 刺身碟足足有兩隻半上方 "普通餸碟" o甘大呀)!!!  賣相又靚, 比多個「大特寫」你睇啦!

泰式炒芥蘭, 芥蘭切成好細的 "薄片", 不過依然感到 "有點老", 可能早幾日捱夜溫習 (唔夠瞓, 有點熱氣), 竟然覺得泰式炒得 "辣左 D"。

XO 醬蝦仁帶子：蝦仁帶子唔算多, 勝在夠彈牙夠鮮!  不過 XO 醬又係 "辣左 D"

 鹽水浸花蛤：鹽水唔太咸, 反而有 d 芹菜、大菜頭煲的湯去浸花蛤。花蛤 OK 好味 兼 新鮮。

今晚真係一餐超級豐盛、美味 又 滿足的一餐啊!!  是日晚餐 $632。如果大家打算下次去試菜, 記得要預早訂位呀!!