週日鬆一鬆

剛過去的週日 (尋日) 跟一大班朋友去左皇崗按摩 及 食飯, 今次係我第一次在深圳去o甘有 "規模" (整幢大廈) 的按摩中心咋 (之前去過一次小規模的, 只得一層)!

我地相約好中午 12:30 在太子飲茶, 然後坐直通巴到皇崗, 過關後才乘按摩中心 (東方棕泉) 提供的接駁巴前往, 換衫沐浴後就可以入房按摩了, 兩小時之後 (個個的樣子也舒服到好想 "瞓一覺" o甘, 因為頭先實在 "太痛" 了 - 自己的筋骨又或肌肉好酸痛), 再在休息區抖大約一小時 (免費食生果及飲野), 便沖涼換衫的走了

離開按摩中心後, 我地去左食 "客家菜", 之後仲去左食甜品, 再乘按摩中心接駁巴去皇崗口岸, 經落馬洲再回家, 返到屋企已經係今早凌晨 12:40 了

今次行程都幾充實, 但又唔算用左好多錢咋 (因為朋友說: "東方棕泉" 屬於中上價格的按摩中心), 共用了: RMB210 及 HKD114 (已包括晒午、晚餐、車資 及 按摩價錢), 好想下次帶埋 KK 去試 o下