值得深思

尋日和朋友談天, 佢話前晚瞓得不好, 因為樓上的住客在吵架 (一對夫婦) 。 凌晨時分, 吵得好厲害, 內容大致係男方責罵女方 "紅杏出牆"。

我聽到佢的訴說之後, 不禁搖頭, 同佢一齊說出一句：「都唔明白點解會o甘的, 既然未玩夠, 就唔好結婚, 結左婚就得負責任, 不如佢地當初唔好結啦!」



今日 E 一位朋友又向我講左一句卡通片麥兜麥嘜之經典句子, 雖然 "字面" 爆笑, 卻深藏意義：

班房上, 老師說：「上天下雪不下雨, 雪到地上變成雨, 變成雨時多麻煩, 為何當初不下雨?」
怎料同學說：「老師食飯不食屎, 飯到肚時變成屎, 變成屎時多麻煩, 為何當初不食屎?」


好多事, 並不只在乎 "發生" 及 "結果", 而係在於 "過程"! 正如我地從嬰兒出生至世上便註定有死亡的一天, 為何不一出生便去死? 雖然 "發生" 及 "結果" 可能不由得我地去選擇, 但我地卻可以選擇 "過程", 用那一種態度去參與、投入、爭取、面對的 E 一個過程。 估唔到睇麥兜麥嘜也會有得著!