奇怪又可笑的夢

尋日我嚴重不在狀態, 因為一早回到公司, 唔知點解 "鼻敏感" 瘋狂發作, 令我終日一手拿著紙巾, 一手工作, 最嚴重的下午時段, 竟然不停的 "打乞次" (連續的三十至五十個), 可想而知, 我的鼻係幾o甘 "慶", 幾 o甘紅腫, 就連內在的鼻膜 + 咽喉亦十分乾痛, 甚至連眼也開始睜不開了。

我一邊用紙巾抹去長流的鼻水, 心內一邊擔心著星期日 KK 大婚之時, 我會唔會仍然兩行鼻涕長流呢?

可能日有所思, 夜有所夢, 尋晚就發左一個怪夢了。 夢中的我係鼻敏感發作 (同日頭在公司時一樣), 我向旁人申訴我的擔心時, 那人向我講：「"蒜" 對於敏感症狀好好的, 你試一下啦。」 鏡頭一轉, 我面前有一座 "蒜山" (已經剝好皮的, 只得蒜肉), 我向它狂奔過去, 左手一撮, 右手一撮的狂吃蒜, 超攪笑!

也許尋晚食左太多蒜 (其實吃左藥早瞓), 今朝好返唔少了。 萬幸!!!!