尋晚玩得好開心, 雖然食物真的 "好麻麻" (因為預左大家掛住跳舞, 唔多食), 但係我卻有以下收獲：
1) 睇到 "有心人" 及其妹妹表演 "華爾滋"。 "有心人", 多謝你請我跳 Cha Cha 呀! 可惜我只係識兩下 "基本步", 悶親你添!!
2) 幸運的贏了現金獎利是 (中了抽獎 $100)
3) 同桌的 "師兄" 好照顧我地 E 一班 "未到家" 的小師妹, 輪流請我地跳舞, 我也出去跳了 "Cha Cha、 6 步牛仔、集體舞、 "Ma Ka Li La" - 18步" 等舞蹈, 雖然我跳得差, 不過好好玩, 又 "壯大了膽" 喔! 師兄們又肯教我野, 真的獲益良多。
4) 見識多左 (原來有 "蛇舞" 架!!) , 睇得別人跳舞多, 開始知道別人在跳著 "什麼舞" (其實我都未學晒一 D 大路的舞蹈), 最常跳的也只是 "華爾滋" 及 "探戈" 吧!
5) "意外的" 獲得 "豬腳仔" 一隻!! 昨晚舞池太多人了, 少不免有碰撞, 在跳 Cha Cha期間, 被鄰座的男士大力的踩了一腳, 結果立即 "甩皮", 昨晚回家太累, 也沒有仔細睇o下, 今早起身........嘩!!! 痛痛的, 腫了及瘀了一塊。 媽媽卻笑我 「一向也好瘀」 喎!! (激氣喔!)
尋晚玩得好開心, 又見識多了, 寄望下次會比今次好, 不斷進步!! (但 "豬腳仔" 卻不用比今次的 "大" 啊! 太多謝了。)
5 則留言:
小心点，快D好番啦！
多謝你的祝福!!
我會盡快好返, 星期一晚上和你再 "鬥爬爬" 的, 你等我呀!
你的腳好D未呀?是否和我跳Cha Cha 時被人踩親,真唔好意思,冇小心保護你添.
其實你跳舞天份都不俗,只不過係無正式學過遮,我一D都唔悶.信唔信由你,跳CHA CHA 我妹妹比你還識得少,她只是一舞(華爾茲)走天涯.
有心人:
無錯! 係當時整親的, 不過你唔好怪自己保護不週呀! 係我自己大意, 而且當時實在太多人, 大家情緒又高漲, 玩得好忘我嘛!
豬腳仔已經好返少少了, 因為我捽了 3 次藥酒, 再加上兩個星期不用上跳舞堂 (充分的休息), 明年我地可以再切磋舞技。
你講的話, 我當然相信啦! 不過你妹妹也好厲害, 一舞走天涯也跳得水準很高, 高得可以出場表演啊! 請也相信我：昨晚你倆的表演真的很好喔!
見到你隻腳又腫又紅又瘀晒, 好痛呀.....
快d食返d豬腳補下啦!
發佈留言