之前都講過朋友 Z 好錫我架, 又為我織冷帽, 又親手整左小蛋糕比我食, 攪到我個心都甜晒添, 點算好呢??
在此小妹獻醜了! 親手特製一個 "永恆" 的 「士多啤梨朱古力蛋糕」 比佢先, 仲要係 "用得" 的, 點用? 它係一個小袋子, 你當它係 "散子包" 又得, "裝鎖匙、雜物" 亦得!
1) & 2) 首先我在家自己勾織左個蛋糕身及裝飾先, 然後拍照留念 (唔同角度的)
3) & 4) 外出找 "家政店" 幫我 a) 加內裡, b) 加底布, c) 加拉鍊, 然後拍照留念 (唔同角度的)
[在此特別鳴謝媽媽尋晚幫我去家政店取小蛋糕, 因為我要返學啊!]
** 由於拉鍊似乎 "長左" 少許, 因此蛋糕糕身好似變左 "梯形" (上窄下闊) 有點 "美中不足"。
5) & 6) 送比朋友 Z 之前梗係要將 "它" 包裝得完美一點啦! 於是內裏塞滿膠袋, 外出又加一個包裝膠袋先。你睇!!! 幾似外出售賣的 "可食蛋糕"!! 然後拍照留念 (唔同角度的)
希望朋友 Z 會鍾意啦!! 此乃係 "其中一項秘密計劃"。
3 則留言:
不用謝，樂意為你服務！
''永遠吃不完的疍糕''，不單外形美觀吸引，又可當盒子用，這份心思想定能感勳人心！
多謝讚美! 我尋晚也向爸爸說：「唉....都唔知點解你生個女o甘醒的? 可能似你同媽咪啦!」
我的鬼主意 - 真的多得你地的.....遺傳了。
我那一份心思至少已經感動了你, 我好開心! (因為我的媽媽係一個易被感動的人, 令預備驚喜者好易有滿足感), 佢真係 "好戲" 啊!
真係好靚喎, 但加左拉鍊就差小小, 上窄下闊, 不過聰明的你塞滿膠袋後, 又不是太覺眼, 效果亦不錯。
這個永恆的士多啤梨朱古力蛋糕, 係人見到都想食, 相信你朋友 Z 一定會鍾意。
發佈留言