尋晚放工去左做 "菠蘿雞" (到朋友家中 "痴" 飯食, 再去學跳舞) 今次已經係第二次到華的家, 但係卻初次見佢的媽媽, 佢的媽媽幾後生, 而且成日滿面笑容, 很好人喔!
除左靜宜媽媽以外, 我又識到一個 "編織高手" 喔 (而且仲係 "煮食能手" 添)! 勁開心! 在短短的一餐飯時間, 朋友媽 (以下稱華媽) 教識左我兩款勾織的技巧, 認真係 "又食又拎" 啊!
我媽媽教落 "禮多人不怪", 所以初次到別人家中見面, 點都不可以用 "兩梳蕉" 作見面禮。 我放工後特意去左 Citysuper 的其中一間 "曲奇店" 購買左一份 曲奇餅作見面禮, 因為個包裝實在太靚啦, 又有聖誕氣氛, 而且包裝袋又可以循環再用!
配埋華家中的聖誕樹去影相, 認真一絕, 好靚呀! 
2 則留言:
你就好又有餐食, 有什麼餸菜? 想必你一定吃得津津有味。
聖誕樹同聖誕襪好襯呀, 你又幾有眼光喎, 將佢地放埋一齊影相, 效果亦不錯喎!
我地尋晚有 (共三人)
1) 西洋菜滾魚肉湯 (湯渣當餸)
2) 蒸腊膠腊肉 (少許)
3) 翠肉瓜露筍炒肉片
4) 白飯任裝
其實好眼光的唔係我呀! 係華媽媽咋! 佢建議我地放在聖誕樹處影的。 嘻嘻!!
又一次証明 "薑 - 係老的辣", "人 - 係大的醒" 的道理係無錯的。
發佈留言