師奶仔

星期日晚上回家, 媽媽申訴「洗衣機壞了」, 佢按照慣常的洗衣程序按掣洗衣, 不過熄機後, D 衫依然係 "滴水" 的 (乾衣程序出左問題), 睇來服役多年的洗衣機, 夠期退役了。

眾所周知, "金章牌" 洗衣機出名「機仔細細」又「襟用」, 深受各家庭歡迎的, 因此 KK 在昨日致電相熟電器舖頭查詢型號及價格詳情, 然後訂了貨, 在星期四送貨兼安裝。

尋晚我就去了那間相熟電器舖頭比錢啦, 臨比錢前, 致電 KK 再三確認

我: 我今天去那店比錢呀, 是 $5,100 嗎?

KK: 對的, 老闆係報 E 個價比我, 你可以試o下有無得 "講價", 再平 D 囉!

我: 梗係要問o下啦, 我地成日幫襯佢 (早前才買了冷氣機), 就算唔減價, 都要送 D 野比我地先至得, 或者好似某年我地換洗衣機時, 佢送左盒 "金章牌洗衣粉" 比我地

KK: 都好喎, 如果佢唔肯減價, "屈" 佢送 1 盒洗衣粉啦!

我: 點止一盒??? 一於 "屈" 夠佢送兩盒, 一盒送比你用

結果我去比錢時, 問老闆有無得再平 D? 佢見我取出 "一疊 $500" (剛襟機), 即說如果你比現金就............. 齊頭 $5,000 啦!

之後我打比 KK 再匯報減價結果

我: 最後平左 $100 了, 佢知我地係熟客, 又比現金

KK: o甘咪好囉!

我: 計落差不多等於送左 "3 盒金章牌洗衣粉" 比我地 (大昌超市減價時大約賣 $30)

其實究竟我係 "精打細算", 抑或係 "師奶仔" 呢? 哈.....哈.....