一坐低, 先叫一壺 "鐵觀音" 先, 然後 "小二" 送上一碟前菜 "咸菜花生", 之後我地叫左：
1) 蜆仔肉 (超細碟, 碟頭仲細過前菜, 索價 $18, 有少少蜆殼贈送)
2) 咸菜豬肚湯 (超多咸菜, 少少粉腸 及 極少豬肚, 胡椒味唔夠, 咸味居多)
3) 鹵水三寶 (鵝片 + 兩款自選鹵水食品, 我地揀左：大腸 及 掌翼, 鵝片 OK, 大腸 OK, 掌翼無肉食, 只吮骨, 鹵水食品只得咸味, 無花椒八角味, 略有不足)
4) 白粥兩碗 (贈送欖菜少許)
成餐飯食左 $178 (連茶錢、免加一), 都幾貴架!! 返到屋企仲有老媽子煲的 「愛心糖水」"桑寄生蛋茶", 攪到我個 "小小的胃" 幾乎飽到冚!! 於願足以。
話個秘密你知啦, 聽晚我又去食好野啦! (韓式的 ── 大長今, 食完包你無肚 dum, Yeah!!) E 勻真係 「想唔肥都幾難」, 最緊要唔好考試放榜先o黎食..............否則我 "o采、o采、o采過你, 哈哈!!
3 則留言:
Mac，我知邊一間，食物太[的識]，可一不可再，領教過便算了！
[再見]兩個字似乎不大適合[架己冷]了！
蜆仔肉真係好細碟喎, 細得可憐, 仲要$18蚊, 超唔抵呀, 我覺得你地依餐確實唔抵, 下次有機會都唔係咁想試。
反而最正就係媽咪嘅糖水, "桑寄生蛋茶", 有冇落蓮子呀, 我之前食過都覺得超正!
唔試過又點知 "lai" 野呢? 你千祁唔好去比人揾笨啦, 知無?
無落蓮子, 不過都攪到我 "超勁飽"!! 好好味, ma ma 話：「今晚都有呀!」
好野!!
發佈留言