意法大混戰

今晚約左媽媽同舅父一齊晚飯, 去左食 "意大利法國 fusion 菜" 的 "文化薈館" 餐廳進膳, 我地點左 3 個套餐, 套餐包括麵包、餐湯、主菜 及 餐茶。

1) 菠菜吞拿魚炒飯 (媽媽點的)
2) 白汁大蝦拼青島鮑片配薯菜 (我點的)
3) 法式芒果汁龍脷柳配意粉 (舅父點的)

結果:
菠菜吞拿魚炒飯: 淡而無味但不油膩, 麻麻地。(亞軍)
白汁大蝦拼青島鮑片配薯菜: 味道清清的, 又有少少芝士味, 幾好食。 (冠軍)
法式芒果汁龍脷柳配意粉: 芒果汁太過 "濃" 及 "似香精" 味, 龍脷柳又林又有雪味, 難食也! (包尾 ── 認真是 "金玉其外")

成餐飯連加一共 $220, 不過食完卻好似 "無 mug 野落過肚" (個肚依然好空虛)。

媽媽說請我食 "龜苓膏" (可以去濕), 我說 "唔飽肚" 的拒絕了。 舅父又說可以去食 "糖水" (中和一下食物的咸味)。

o甘樣睇o黎.......我同舅父兩個加埋就 = "大咸濕" 囉, 真攪笑!!