某日媽媽、KK 和 我 路過一檔街頭的 "流動小販" (車仔檔), 媽媽慷慨的買給 KK 及 我每人一個玩偶 ── 可愛的 "雪糕妹" 。
如果你是生於 70、80年代的, 對 E 隻公仔一定不會陌生, 同系列的還有 "雪糕仔" 添。 想當年, E 一對活寶貝, 迷到了成千上萬的女孩、男孩架!! 相信而家市面上已經好難揾到了。其實"雪糕妹"一臉雀班, 為何會得我寵愛的呢?原因是我鐘意佢的長頭髮, 我可以給她唔同的頭髮造型 (如：馬尾、孖邊等)、其次她的裙仔好靚 (有士多啤梨的)、還有最最重要的係佢身上永遠 "掛著一杯雪糕" (我發夢也想食的雪糕)。
傻瓜的我成日手握佢的雪糕同佢說：「唉..........如果你杯雪糕係真就好了, o甘我就可以一啖食左它。」
"雪糕妹" 多謝你給予我美好的回憶, 還伴我走過寂寞的 "介口" 期 (介糖), 你算得上係我心靈上的一點點安慰啊!
3 則留言:
點解當年只得兩位姑姐有既？咁爸爸呢？
我又要做雪糕仔，食雪糕。
Mac，你使我想起''雪糕妹'' 來。
不知什麼緣故驅使下，[蠢媽]這般豪氣買2個，不可多得的舉動！
Henry
你爸爸 "老過" 姑姐們o甘多, 我地玩公仔時, 佢都 "大個仔" 啦, 唔玩公仔 lu。
不過我知道你也是隨便找個籍口, 想去 "食雪糕" 啫, 係唔係?
mama
雖然平日你好慳儉, 但偶然也會 "豪駛" 一些銀紙在我地身上的, 尤其是女孩子 (因為總想打扮得漂亮一點)。
也許平日頑皮的我在當日 "勁乖", 因此氹得你肯買兩個公仔比我地呢!! (印象中 "雪糕妹" 好似售 $15 / 2個)
靜靜話你知呀! 擁有 "雪糕妹" 當晚我興奮得 "瞓唔著" 啊!
發佈留言