估唔到差唔多三個月無揸車的我, 尋晚第一次出院校外駕駛, 效果也唔錯, 唔算太 "騰雞", 又碰著個好人阿 Sir, 令我學習時唔太緊張, 結果比我想像的好!
尋日約左 KK 在沙田新城市廣場等, 之後食少少野才學車。 你睇!!! 商場內的聖誕樹裝飾得唔錯 (夠前衛, 卻感覺太冷), 我卻鍾情 "傳統的綠色聖誕樹", 因為 "紅紅綠綠" 才夠熱鬧, 佳節的時候, 緊係一班人熱鬧的相聚, 才倍覺開心啦。 預祝大家有一個奇妙而愉快的聖誕節!
另外, 上一次經華媽教路之後, 我勾織左 E 一條作品, 花款和華媽的作品 一樣, 而佢的顏色係 "全條純白", 我卻用上 "紫紅配黑金色", 好有 "節日氣氛"、好有型啊! (KK 吼住我的頸巾, 唔制啊!)
4 則留言:
Mac,頸巾花邊很有型,值得一讚!
不知什麼理由,每逢節日總覺得紅紅綠綠夠熱鬧!是否這個觀念太保守呢!
好靚呀!
幾時織條比我亨BB呀?
多謝大家的讚賞。
亨 BB 不要貪新忘舊啊! 舊年勾織比你的 "白色衫仔" 唔啱著了嗎?
條頸巾是女性款式來的, 不太適合亨bb你喎。
發佈留言