中國的奧運

中國奧運的參賽隊伍比賽之時, 的確睇得人地好肉緊, 就以 "女子排球" 為例, 經常都係先贏兩局, 又輸兩局, 要靠最後一局去定勝負 (白白浪費了運動員的體力), 睇得觀眾 "咬牙切齒" 的好忟憎啊!

另外今年的 "旁述" 真係 "好廢", 成日講埋晒 D 廢話, 如:
1) 只要有信心就一定贏! (難道有信心, 企o係度, 什麼都唔做便會贏??)
2) 哪....E 一分真係好重要架 (分分都重要架啦)
3) 開局開得好就會贏架啦 (o甘開局開得好, 之後就唔駛打啦, 都贏左咯!)

而中國人 "最唔好" (唔大方) 的就係 "好多時靠別人的失誤而攞分" (當人地一失誤, 我地就露出 "超開心" 的樣子, 就好似 "抵人地死" 一樣), 感覺好 "小家"

希望 "中國人" 可以靠自己的實力而取勝 (唔駛 "等別人失誤的機會" 去取分), 同埋可以有一點 "體育精神", 唔好成日露出 "抵你死" 的樣子, 好羞家啊!