喜歡 "掃街" (食街頭小食檔) 的朋友都有試過在街頭食 "牛雜", 小販用夾子取起某一部位的內臟, 再用較剪 "剪開" 它 "插...插..." 聲發響後, 用竹籤串起來, 就有得食了。
尋日中午抵達醫院做好註冊後, 醫生再詳細講解一次手術過程, 填好了手術同意書, 就被帶到手術室了。 手術的過程比我想像中 "嚴謹" 得多, 姑娘帶我先更衣 (病人袍), 頭帶浴帽, 然後躺在手術床上, 手術室的 "大光燈" (手術燈) 正如早前惡夢中的出現一樣。
醫生先用筆勾劃手術記號, 然後用酒精消毒, 用布封起面部其他部分 (只露出眼部), 在眼皮打麻醉針 , 待藥力發作後, 開刀了!! (只感到 "有東西" 在眼皮上劃了一下, 但唔痛), 然後...................
由於我合上雙眼, 只可憑 "聽覺" 和 "感覺"去感受醫生的動作, 在醫生開刀劃了一刀後, 我感到醫生用 "夾子" 夾起患處, 再用剪刀 "左剪剪、右剪剪" (發出插.....插......聲), 活像剪牛雜o甘剪出患處 (去除它), 雖然心內覺得好恐怖, 但卻唔敢隨便 "郁" (連眼球都唔敢轉)。
最後止血縫針 (5針), 7 日後拆線覆診, 你地睇............手術後的患處變成點!! 而家真係唔敢在街頭食牛雜 (因那可怖的 "插....插..." 聲 令我想起手術的恐怖感)
3 則留言:
Mac,很佩服你夠果斷,[趁''它''细細粒容易食],就去掉''它'',日後小小傷口容易復原.
''明眸皓齒''不久重現我們的眼前了！
請小心護理吧.
thank you 你地的支持, 無言感激!
今次感受最深的係.....原來 "整容" 的女子真係有極大的勇氣架 (好難過的 "心理關口"), 因為 "局部麻醉" 的關係, 你會聽到, 感受得到醫生的對話及動作, 真係好驚架!
我想.....我有一排都唔敢食牛雜了!
仲打算等你好番, 請你去澳門食牛雜添, 你記得嗎? 都幾好味架, 不過唔知你依個陰影幾時會好番呢, 最多我買比你食, 你唔好行咁埋咪聽唔到啲剪牛雜聲囉, 係咪?
好好的處理傷口, 保持清潔, 仲有要戒口呀, 記得用晒支藥膏就話我知, 等我買番支比你, 知冇?
發佈留言