我愛 "大反派"

今日原本要返學至到晚上 7:30, 幸好講者講得快, 比預期早左兩小時放學 (其實係迎新日, 講學校規矩及課程編排等等), 可以趕得及去和嫲嫲一家人提早食 "中秋節"晚飯

結果....比我知道我爸爸 "後繼有人"了, 爸爸的個性唔喜歡 "隨波逐流", 你叫佢去東, 佢偏去西, 而亨 BB 就似足佢了

例如: 我地叫佢聽電話, 佢說: "唔聽",
叫佢執拾好 D 玩具, 佢說: "唔執",
總喜歡在 "指令" 的字眼之前, 加上一個 "唔" 字, 令人哭笑不得!! (真係似足佢阿爺, 我老豆呀!)

我地重成日整蠱佢, 會引導的問佢: 亨亨乖唔乖呀? (想設計令佢答: "唔乖"!!), 無論如何, 一家人總愛上 E 一個 "大反派" 啊! 剪左頭髮的亨仔, 又真係幾靚仔的, 而且仲好似哥哥的樣貌添!