大昏迷的小傻瓜

上週六做完手術後, 個人 "慒慒懂懂" o甘, 也許眼皮位置太近腦部, 因此當麻醉藥的藥力過後, "痛" 開始發作, 人也變得行動緩慢, 吽吽哣哣o甘 (好似藕病o甘), 初頭唔知點解, 只以為自己戴左太陽眼鏡 (無近視度數), 所以暈暈o下, 唔習慣啫

第二日 (週日), 吽哣的感覺持續, 我都以為自己藕病, 擔心起來, 所以星期一趁住假期, 就在家中 "大昏迷" 了一整天, 醒來時鬼o甘生猛, 只可惜 "日頭瞓得太多, 晚上有點睡不著"

星期二個人開始回覆正常啦, 而且今天又要返工返學, 所以心理上已經 "預備" 得妥當 (雖然有 "千般不捨")

你地話啦....比 "大舊錢出來叫醫生割自己一忽肉, 然後就迷迷慒慒的大昏迷, 仲要抵受皮肉痛, 個心又赤之苦", 我係唔係一個 "小傻瓜" 呢!

不過呢..............即使我係 "小傻瓜", 亦都係 "天下界最靚的小傻瓜啊!" 呵呵................