殺神特工

今早凌晨 12:15 在旺角睇左 "殺神特工" 的午夜場, 散場時已經大約係清晨 2:05, 回到家時大約 3:15, 感覺好特別 (好似覺得自己啱啱 "曳" 完一樣 (任性的夜歸)), 哈哈...........好攪笑的心態啊! 不過年紀大了, 真的唔習慣太夜歸及夜瞓

"殺神特工"的劇本唔錯, 因為 "局中有局", 而且特技鏡頭流暢完美, 女主角安祖蓮娜祖莉既神秘又性感, 而且還加送了幾秒的背部全裸鏡頭添 (好完美的身形, 高佻又骨肉均稱的身材, 還加上紋身化妝, 好有型性感啊!)

不過套戲的中場有少少 "悶場", 唔知係因為我眼瞓, 定係因為戲院張櫈坐到腰痛, 還是花得太多筆墨在 "解釋" 劇情? 總係令我無 mug 耐性的, 好彩也只是短時間啫!!

整體而言, 街頭超人比較好睇一 D!! E 套戲就啱晒 "安祖蓮娜祖莉" 的影迷啊!