世界變

世界變了, 不由得你唔承認, 睇 o下以下 E 一單新聞:

說呢兩日，各大報館都連環收到師生畸戀的報料，繼早前有荃灣區中學教師被指涉嫌令會考女生懷孕，噚日又有投訴，話有間中學男教師與不足16歲女學生發生性關係，行家梗係 "哪哪聲" 去查證啦！

兩間學校否認其事, 而且都話近日是中學收生時期，懷疑有投訴者在此時段投訴，實在居心叵測，可能係有心影響校譽。記者聽落忍唔住「嘩！」一聲︰無論係有人存心抹黑又或者真係有師生畸戀，都反映教育界部分人士的道德出左問題。

以前「學校」在人們心中的印象係好純樸, 環境及人性也好單純的一個好地方 (相比起外面狡猾的商業社會, 簡直係世外桃園), 誰知今時今日竟然會為了收生而毀謗鄰校的聲譽, 行為實在可恥。 (因為面對收生不足, 分分鐘會削班及殺校, 影響生計, 故此有人無所不用其極的爭取生存機會)。

如果 "師生畸戀" 事件係屬實的話, 時下的少女真的不會保護自己, 太容易信任別人, 而為人師表者卻利用工作之便去戀上女學生都係於理不合。

難度要學校 "以後只能聘用女教師" 去避免男教師及女學生發展師生戀及懷孕的風氣? 這又會否衍生了 "女教師投訴男學生性騷擾" 的現象呢?

世界變了, 難道天下間已經再沒有 "純純的人"、 "純純的心"、"純純的環境" 麼?