唔專業

任何工種, 即使係職位高如 "行政總裁", 又或者低如 "清潔阿嬸", 一樣皆有其功能, 只要佢地每個人緊守自己的工作崗位, 克盡其責, 整間公司才會運行得暢順, 利益才會大大提高

今晚我就碰上一個 "極唔專業" 又 "亳不交帶" 的導師了, 小妹今晚該去上課, 課堂由晚上 7:00-9:30, 而且應該在上星期三就開課了 (今個學期的第一課)

誰知我在 6 月尾的時候, 接到學校的通知, 由於導師有私人事, 所以今個學期的第一課改在今晚進行, 而今晚 7:00 前已返到學校, 等呀等....等呀等....等呀等....

等到 7:30 還未見導師現身, 後來同學校交涉, 7:45 獲悉導師今晚因私人事務, 未能回校上課, 今堂課要取消

班上 20 幾 30 個學生立即鼓譟起來: "有無攪錯呀, 上星期又係o甘, 今晚仲離譜 (無事前通知的 "放飛機"), 要o甘多學生遷就佢一人, o甘攪法, 個課程讀極都唔完啦! 我地唔想再拖, 有第二 D 野要做架!" (完全講中我的心聲)

為人師表, 專業少少啦唔該!!!!!!!!!!!!!!!! 因為你 "一人的唔專業", 波及左好多人, 究竟你知唔知的呢?