由於早餐又未完全 "落格", 而且天氣炎熱, 無 mug 胃口, 我就想食沙律當午餐, 誰知天生對 "度量衡" 少條筋的我終於 "出事" 了! (活像 "大鄉里出城")
睇啱左一款叫 Greek 的沙律, 材料有: 青瓜, 車厘蕃茄, 芝士, 橄欖, 紅椒, 青椒, 黃椒, 紫洋蔥等 (它的顏色好靚, 我無加沙律醬, 怕肥), 售價係 $18 / 100克, 我就點左 1 客, 店員比左一個膠兜我睇, 我點頭, 然後見佢 "起勢" 的畢呀畢.......... (心想: "正呀!" 我估也許係 200 克吧! $36 也 ok 呀!)
點知........當我接到沙律後, 睇一睇盒底的價錢, OH!!!!!!!!!!!! 原來有成 300 幾克, 盛惠 $56.5, 呀........真係肉都赤晒! 唯有硬住頭皮, 行去附近的香港公園開餐, 幸好味道也唔錯, 而且好新鮮!
3 則留言:
這個''大鄉里''真聰明.吃了一份有營養的蔬果餐,價錢雖稍超出你的預算之外,不過你的選擇是對的.(下次我都想做你的''大鄉里''友人,一同分享,感覺上是抵食D).
係啦, 幾個人一齊食就算抵的, 而且果度又無位置坐著食, o甘的價錢, 仲要餵蚊, 就真係一般了。
不過味道鮮甜, 顏色鮮艷就真的唔錯!
好貴的午餐啊, 不過最緊要係新鮮好味, 再加埋顏色鮮艷, 視覺享受, 都值回票價啦, 係咪?
平時有好多文章內容都是圖文並戍, 點解今次都冇嘅?
我指的是......
"被蚊咬左 3 處, 近 pat pat 的位置啊"
發佈留言