忙著幫姪仔的數碼相機入電芯, 由於它的 "入電位" 在機底, 而且還要用上超小型的螺絲批 (類似修理眼鏡果 D) 去開關 "入電位" 的蓋, 故此對於 "揸螺絲批" 唔叻的女子 (如我) 有一定難度, 原意係怕哥哥家中無超小型的螺絲批, 又怕爸爸唔夠眼力去做, 才自告奮勇啫!
哎呀!!! 終於入好電, 關好蓋, 快 D 試機先!
咦..........點解螢幕內的左下角不停有一個 "電芯" 標誌在閃動的? 是唔夠電嗎? (我的電芯剛剛新買的啊!) 反覆試過幾次 (換過不同的電芯), 結果也一樣, 而且.......還有一點 "捉蟲" 的感覺, 因為螢幕的顏色好似黑白o甘 (係唔夠電所致嗎? 還是螢幕壞了呢?)
拍攝左一, 兩張相片, 似乎質素麻麻地, 也許接駁至電腦才會好一點 (不過我又懶得在家中電腦安裝軟件), 朋友 J 來電了.... 申訴她的相機 "螺絲滑牙", 關不上蓋, 更遑論試機影相呀!!
E 部機攪到我地 "忟忟地" 呀!!! 難道我真的食飽飯無XX??? (攞苦來辛麼?) 明天要和朋友 J 一齊整盒取回店內查詢及更換先 (又要渡過一個 "超趕" 的午餐啊!)
2 則留言:
下, 咁大鑊, 唔係黑白螢幕呀? 好搵笨呀!
今次大家都做左阿笨添。
唔係黑白螢幕, 不過螢幕 D 顏色唔靚啫! 可能因為螢幕太細, 睇得唔靚, 也許將相片上載至電腦睇, 便會好一點了。
即使係阿笨, 今次也揾埋朋友 J 和我一齊笨!
發佈留言