想死 <*_*>

尋日返工雙手無時停, 為的係 "趕住" 超準時收工, 因為要在 6:30 pm 趕赴九龍灣返學, 要知道放工的繁忙時間, 得 30 分鐘要從尖沙咀去九龍灣, 談何容易呢? 最後只能在 7:00 pm 抵達, 好彩有新相識 (開學日識) 的同學仔幫我揾位咋!

教授從英國空運抵港, 一口外國口音的英語, 實在令英語 "半斤八兩" 兼 "土生土長" 的我聽唔慣, 而且佢的說話速度超快, 尤如睇緊 "明珠台的新聞報導", E 3.5 鐘確實唔易過, 我用十成功力 (超級留心) 的開動腦內翻譯軟件, 也只聽懂 7-8 成, 有時候佢說話急起來, 就只剩下 5-6 成了, 好辛苦啊!

今日...........又要返 2:30 pm - 6:30 pm, 然後 7:30 pm - 9:30 pm

第一節課因為精神狀態好一點, 容易留心聽課, 而且教授說話也比昨晚慢了一點點, 晚飯後, 飯氣攻心, 噢................睡魔積極引誘我, 我顧得和它抗衡, 卻顧不得集中精神上課啊!

演講廳 (課室) 的椅子活像小學生的音樂椅 (連手柄及桌那款, 俗稱 BB 櫈) 前後兩行坐位相距 "好窄" (雙腳只得屈住), 坐在椅上唔敢亂郁, 怕騷擾附近同學 (一整行椅相連的, 一人郁動, 相連幾個位也感受得到)

昨晚走的時候, 企起身才發現雙腳 "硬了" (血液唔流通所致), 頸梗膊又痛 (因為大家成年人, 身高也差不多, 上身 及 條頸 免得成日郁, 怕阻擋後面同學視線), 加上演講廳的溫度 "時冷時熱 (焗)", 令人的體溫無所適從

今日除左 "腳梗", "頸梗膊又痛", 還加上眼累 及 精神疲憊添! 唔敢想像明日的 8.5 鐘點過呀! (又怕教唔晒筆記, 因為我地已經 "大墮後" 了), 真的有點 "想死" 的感覺啊! (累到想死, 最好揾人 "揼死 (骨) " 我啦!)