別為我擔心

最近不約而同的幾位身邊人也向我說: 「Big Mac, 你好似 "瘦左" 好多啊, 小心身體!」

比人講多兩講, 攪到我也有少少擔心自己, 再攞出 06 年影的相 (左) 和 08 年影的相 (右) 作比較, 其實都唔係差好遠啫!! (不過確實 06 年 "後生 D " 的自己 係神采飛揚一點, E 家的樣子比較勞累)

可能髮型會有影響 (長髮看似肥一點, 塊面大一點, 而短髮卻令面型細一點)。 而家夏熱天時, 胃口都差少少啦 (平時可以食得下 "兩隻老虎", 而家只食得落 "一隻老虎" 咋!!)

不過 "關心我的大家" 請放心, 我的體重分別唔大, 唔駛怕我暴瘦, 只要等頭髮留返長, 又係一個又肥又大的 Big Mac 了。(包保你地想 "一啖" 食左我 ── 麥當勞的熱門美食)