今日係第一課的 "街頭素小食", 朋友 M 同我一齊整左 1) 薑汁撞奶 2) 高力香蕉豆沙
原來整薑汁撞奶要成功係有要訣架, 包括:
1) 要用老薑汁, 用前要先攪勻 (因為某一種物質會沉澱, 此物質會影響 "凝固" 效果)
2) 鮮奶要先放室溫, 再煲至大約 70 度, 沖入老薑汁處 (溫度過熱會失敗, 反而溫度稍低, 可用耐 D 時間凝固便成)
3) 將奶沖入老薑汁時, 要放碗側邊沖入, 節奏由慢至快
至於 高力香蕉豆沙 呢.............大部份過程都係導師整的, 我地只係負責 "用蛋白包住香蕉及豆沙, 放進鍋內炸至金黃色, 再灑上砂糖" 便成, 談不上什麼製作技巧 (因為唔係我地製作的, 只有小部份)
不過我想再整的機會不大, 因為要炸野會用好多油的, 至於味道呢.............. OK 啦, 炸蛋白外層有少少煙刃 (似沙翁), 內裏的香蕉夠香, 豆沙亦唔太甜, 不過我都係愛 薑汁撞奶 多一點 (因為怕食油炸的野, 會好肥)
3 則留言:
世上最珍貴的高力香蕉豆沙啊, 個樣都ok, 但味道唔知點樣呢?
Mac,高力香蕉豆沙味道也不錯,期待美食日後繼續有來!嘻嘻!下星期日快來臨吧!
嘻嘻.......高力香蕉豆沙 果真 "珍貴" 無比, 每個同學得 "一粒" o甘多咋!!
好彩朋友 M 和我差不多排隊尾, 因此多了少許材料整多一粒, 我和佢才可 "分甘同味" 咋! (一人半粒)
反觀我的為食 ma ma 就一人獨佔一粒珍貴的 高力香蕉豆沙, 仲 "谷" 你唔肥??? (你太瘦了)
發佈留言